うちなーぐちぐゆみ6月19日（うらんだぐゆみ2022年7月17日）

どぅしとぅ　わん　たいし、ちゅーん　また　てぃみぐしくんかい　ある　「沖縄工芸の杜」から　かたいびら。

わん　どぅしから　びんがたぬ　ちゅくいよー　ならんが　ちゃーびたん。

びんがた　ひち　タペストリー　ちゅくとーびーん。ちゅけーんし　むる　ないびらんくとぅ、たけーん　どぅしぬ　工房んけー　ち、　さびたん。

かたふい：かびんけー　むよー　かかっとーたん。うり、しーくさーに　ふいん。

紗張り：うぬ　むよー　かかっとーる　かびぬ　いーんけー　ゐーちゅ　うかーに、うるし　ぬいん。いちにち　うちきてぃ　りっぱ　かーらかすん。

かたちき：防染糊るる　ぬい　たっくゎーすん。うぬ　ぬえー　むちぐみとぅ　ぬかさーに　ちゅくいんり。ぬえー　うちきてぃ　かーらかすん。

いるじゃし：むよーんけー　いるくべー　すん。きーるーとぅかぬ　ぬくはる　いるから　いるくべー　ひち、　うりから　おーるーとぅかぬ　ひぐるはる　いる　ちきーん。

くまどぅい：いる　ちきてぃ、いひぐゎー　かたはる　いるし　いるくべー　ひち、　くまどぅい　すん。うりし　グラデーション　なすんり。

水洗い：ゆーんけー　いってぃ、　30分～1時間　うちきーん。うりから、みじし　ぬい　あらいん。

ふすん：ふかとーてぃ　ふち、　とー　うっさ。

いっぺー　ちゅらはる　タペストリー　ないびたん。

くぬむよー　どぅしが　かんげーいびたんり。やきむんぬ、　まんでぃ　ゐー　むよー　やいびーんやー。

どぅしから、　るーちゅー紅型、　やまとぅ紅型ぬ　歴史ぬ　はなし　ききがなーち　くり　ちゅくいびたん。

いっぺー　びんちょー　ないびたっさー。時間のー　かかいしが、　くりし　ふぁーふじが　ぬくしんそーちゃる　文化　んーだりーびたん。

んかしぬ　っちゅんちゃーや　あんし　じんぶなー　やいびーたる。

わん　どぅしが　紅型　ならーち　とぅらさんねー　わんねー　わからんてーさやー。かふーなくとぅ　やいびーっさー。

いっぺー　うむさる　ひー　ないびたん。

どぅしぬ、　紅型ぬ　ワークショップ　さびーくとぅ、　すーみぬ　あいねー、「沖縄工芸の杜」んけー　あしびんが　ぅんもーち　くぃんそーり！

https://youtu.be/LSituCyFlkU

===

友達と私2人で、今日もまた豊見城にある沖縄工芸の杜からお届けします。

私の友達から紅型の作り方を習いに来ました。

紅型でタペストリーを作っています。

一回では全てできないですから、二回友達の工房に来て作りました。

①型彫り：紙に模様が描かれていました。それを小刀（しーく）で彫る。

②紗張り：その模様が描かれている紙の上に紗を置いて、うるしを塗る。一日置いてよく乾かす。

③型附け：防染糊という糊を塗る。その糊は、もち米とぬかを使って作るらしい。塗ったら乾かす。

④色差し：模様に色を塗る。黄色などの暖かい色から塗っていき、その後に緑などの寒色を塗る。

⑤隈取り：色をつけてすこし濃い色を塗り、隈取りをする。それでグラデーションを作るそう。

⑥水洗い：お湯の中に30分～1時間放置する。それから水で糊をおとす。

⑦干す：外に干して、はいできあがり！

とても素敵なタペストリーになりました。

この模様は友達が考えたそです。やちむんがいっぱいで、とても良い模様ですね。

友達から、琉球紅型、日本の紅型の歴史の話を聞きながら作りました。

とても勉強になりましたわー。時間がかかるけど、これで先祖が残してくださった文化を見ることができました。

昔の人は本当に知恵がありました。

友達が紅型を教えてくれなかったら、私は分からなかったです。ありがたいことですわー。

とても楽しい日になりました。

友達が紅型のワークショップを開催するようですので、興味があったら沖縄工芸の杜に遊びに行ってみてください。

https://youtu.be/LSituCyFlkU

History of a Bingata

A wonderful article showcasing the bingata style. If you live in Japan or planning a visit you can make reservations for their “Experience Dyed” workshop.