#anger causes

Anger is a natural human emotion, but when it becomes intense or uncontrollable, it can affect relationships, health, and overall well-being. Learning to understand the causes of anger, its phases, and effective therapies can help you manage this powerful emotion in a healthy way.

Causes of Anger

Anger can be triggered by different factors, including:

Perceived Injustice or Unfair Treatment: Feeling wronged or mistreated often leads to anger.

Frustration: Obstacles or unmet expectations can cause irritability.

Emotional Vulnerability: Underlying emotions like hurt, fear, or embarrassment may surface as anger.

Stress and Overwhelm: High stress levels can lower patience and increase irritability.

Identifying your triggers is the first step toward controlling anger effectively. If you often feel stressed, you may also want to explore this psychological stress treatment guide for techniques to calm your mind and reduce emotional tension.

The Phases of Anger

Anger usually develops in phases. Understanding these stages can help you respond before it escalates:

Calm: You are emotionally neutral.

Trigger: An event or situation sparks anger.

Escalation: Emotions begin to rise.

Peak: Strong emotional response, sometimes leading to impulsive reactions.

Crisis: Possible loss of control or aggressive behavior.

De-Escalation: Emotions start calming down.

Recovery: Emotional baseline is restored, often with reflection.

Recognizing these phases allows you to intervene early and prevent harmful reactions.

Effective Anger Management Therapies

Several therapies can help you control anger:

Cognitive Behavioral Therapy (CBT)

CBT helps you identify and change negative thought patterns that fuel anger. It teaches coping strategies and problem-solving techniques. Learn more about CBT for anger

Dialectical Behavior Therapy (DBT)

DBT focuses on mindfulness, emotional regulation, and distress tolerance to reduce anger and improve relationships.

Relaxation Techniques

Methods like deep breathing, meditation, and mindfulness exercises can lower emotional intensity and calm the mind. You can also check this stress management guide for practical relaxation techniques.

Problem-Solving Skills

Learning to approach frustrating situations with constructive solutions instead of reacting impulsively helps reduce anger triggers.

If you struggle with negative emotions, this guide on anxiety treatment can also help you manage emotions more effectively.

Practical Strategies to Control Anger

Incorporate daily habits to manage anger effectively:

Mindfulness and Meditation: Increase self-awareness and emotional control.

Physical Activity: Exercise reduces stress and improves mood.

Healthy Communication: Express feelings assertively, not aggressively.

Journaling: Writing down thoughts can clarify emotions and reduce intensity.

When to Seek Professional Help

It’s important to seek help if anger:

Leads to frequent conflicts at home or work

Causes physical aggression or threats

Poses harm to yourself or others

Becomes difficult to control despite efforts

Professional therapy provides personalized guidance and effective tools for managing anger.

Conclusion

Controlling anger is possible with awareness, the right strategies, and effective therapy. By understanding its causes, recognizing its phases, and using practical techniques, you can transform anger into a constructive emotion, improving your well-being and relationships.

ہم سب کو معلوم ہے کہ غصہ ایک انسانی عمل ہے جو ہم سب کو آتا ہے لیکن جب یہ بڑھتا ہے یا اس پر قابو پانا مشکل ہوجاتا ہے تو اس سے پریشانی ہوتی ہے۔ الرجل میگزین میں شائع ہونے والی ایک تحقیق کے مطابق چاہے کام کرنے میں پریشانی ہو یا دوسروں کے ساتھ ذاتی تعلقات میں غصہ کرنے کے بالآخر نقصانات ہوتے ہیں۔

غصے کی وجوہات کیا ہیں؟ ماہرین کے مطابق غصے پر قابو پانے کے مناسب طریقوں کے بارے میں سوچنے سے پہلے یہ جاننا ضروری ہے کہ اس کی وجوہات کیا ہیں۔  لہٰذا بہتر اور مناسب طریقہ یہی ہے کہ اس پر قابو پانے کے طریقوں کے جاننے سے قبل اس کے اسباب کو جانیں تاکہ مسئلے کو جڑ سے ختم کر سکیں۔ غصے کی وجوہات کو دو حصوں میں تقسیم کیا جا سکتا ہے۔ 1- بیرونی اسباب: عموماً غصہ بیرونی اسباب کے نتیجے میں ہوتا ہے جیسے کام کی جگہ آفس وغیرہ میں کوئی مسئلہ ہو جائے یا کسی بندے سے اختلاف رائے ہونے کے نتیجے میں آتا ہے۔ 2- داخلی اسباب: غصے کا سبب داخلی اسباب بھی ہو سکتے ہیں جیسے بے چینی، یا طویل انتظار۔ کیونکہ اس قسم کے احساسات غصے کا سبب بنتے ہیں۔ بہر حال غصے کی جو بھی وجوہات ہوں اس ماحول کے مطابق وہ شخص اپنے غصے کے اظہار کے لیے مناسب طریقہ کا انتخاب کرتا ہے۔ ہر شخص کا ماحول کی نوعیت کے مطابق غصے کے اظہار کا طریقہ بھی مختلف ہوتا ہے۔

غصے کے وقت لوگ ان تین حالتوں کا سامنا کرتے ہیں: یا تو اظہار کریں گے، یا اسے دباتے ہیں اور یا پھر ٹھنڈا کرنے کی کوشش کرتے ہیں۔ غصے کے جذبات کا اظہار صاف انداز میں کیا جائے، نہ کہ جارحانہ انداز اپنایا جائے۔ غصے کو دبایا جا سکتا ہے یعنی اس پر قابو پایا جاسکتا ہے البتہ اس میں خطرہ یہ ہے کہ یہ اندرونی پریشانیوں کا سبب بن سکتا ہے جیسے ہائی بلڈ پریشر یا کوئی بیماری ہو سکتی ہے۔غصے کو ٹھنڈا کرنا یا اس پر کنٹرول کا حتمی طریقہ یہ ہے کہ دونوں اسباب یعنی اندرونی اور بیرونی وجوہات و اسباب پر قابو پایا جائے۔ ماہرین کے مطابق جب بھی غصہ آئے تو گہری سانس لیں، آرام کریں، اور اچھے الفاظ کا استعمال کریں۔

پہلا طریقہ گہری سانسیں: گہری سانس لینے کی کوشش کرتے وقت آہستہ آہستہ آرام دہ الفاظ کو دہرانے کی کوشش کریں، جیسے پرسکون ہوجاؤ، آرام کرو۔ 

دوسرا طریقہ آسان ورزشیں: آسان ورزشیں کرنے کی کوشش کریں جیسے یوگا تاکہ آپ کے مسلز کو آرام ملے۔ اس تکنیک میں آپ کو زیادہ وقت اور محنت درکار نہیں ہوگی کیونکہ یہ بہت آسان ہیں۔ لہٰذا روزانہ ان پر عمل کرنے کو یقینی بنائیں تاکہ آپ غصے کی حالت میں اس پر عمل کر سکیں۔ مثال کے طور پر آپ یہ سوچیں کہ میرا غصہ کرنے سے کچھ ٹھیک نہیں ہو گا۔ 

 تیسرا طریقہ: مسئلہ حل کرنا بعض اوقات غصے کی وجہ بالکل درست ہوتی کیونکہ ہماری زندگی میں اصل مسائل موجود ہیں جن سے بچا نہیں جا سکتا۔ لہذا ان مشکلات کا رد عمل قابل فہم ہے، اور اسی طرح مسئلے کے حل کی طرف توجہ بھی دی جائے۔ لیکن اپنے آپ پر یہ بوجھ مت ڈالیں کہ ہمیشہ تمام مسائل کا حل ہوتا ہے۔

چوتھا طریقہ: دوسروں کے ساتھ گفتگو کو بہتر کیا جائے دوسروں پر غصہ کیوں آتا ہے اسے سمجھنے کی کوشش کریں اور پھر ان کے ساتھ اسے شیئر کریں۔

پانچواں طریقہ: اپنے آس پاس کے ماحول کو تبدیل کریں دن کے وقت کچھ وقت اپنے لیے نکالیں کیونکہ یہ ضروری ہے۔

چھٹا طریقہ: مختلف اور نت نئے طریقوں سے معاملات کو سلجھانا ماہرین کے مطابق تین طریقے ہیں جو کسی صورتحال پر آپ کے ردعمل کو تبدیل کرنے میں مدد دے سکتے ہیں۔

اجتناب ماہرین کے مطابق غصہ قابو کرنے میں بہت زیادہ مشقت کی ضرورت ہوتی ہے اور آپ کو اس کے دوران ناکامی کا سامنا کرنا پڑ سکتا ہے لیکن یہ ضروری ہے۔ اس سے آپ کو دوسروں کے ساتھ اچھے تعلقات برقرار رکھنے میں مدد ملے گی اور آپ اپنی صحت کو برقرار رکھنے اور حالات کو مناسب طریقے سے ہینڈل کرنے کے قابل بھی بنیں گے۔

پریشانی حالات سے نہیں بلکہ خیالات سے پیدا ہوتی ہے، ذہن میں رہے پریشانیاں انسان کے جسم کے تمام نظاموں کو تہہ و بالا کر کے رکھ دیتی ہیں۔ ایک شخص پہاڑکی چوٹی سر کرنے کے لیے چڑھنا شروع کرتا ہے کچھ اوپر جا کر جب تھوڑی تھکن محسوس کرتا ہے تو اپنا سامان غورسے دیکھتا ہے بوجھ کم کرنے کی غرض سے اس سامان میں سے کچھ غیر ضروری چیزیں نکال دیتا ہے، کچھ اور اوپر جانے کے بعد دوبارہ اپنے بھاری سامان چیک کرتا ہے اور مزید کچھ غیر ضروری چیزیں نکال دیتا ہے۔ اسی طرح اپنا بوجھ کم کرتے کرتے آخر میں اس کے پاس جو چند چیزیں بچ جاتی ہیں وہ واقعی اس کے لیے اشد ضروری ہوتی ہیں، وہ افسوس کرتا ہے کہ سارے سفر میں اس نے خواہ مخواہ اتنی ساری غیر ضروری بھاری چیزیں اٹھا کر اپنا سفر بوجھل، پرتھکن اور پریشان کن بنا دیا۔ 

بالکل یہ ہی معاملہ ہم اپنے ساتھ کرتے ہیں، اپنی زندگی کے سفر میں اپنے کندھوں پر اتنا بوجھ لادے لادے پھرتے ہیں کہ پریشان سے پریشان تر ہوتے جاتے ہیں اور جب زندگی کی شام ہونے لگتی ہے تو پچھتاتے ہیں کہ ہم اتنا سارا وزن کیوں سالوں تک اپنے اوپر فضول لادے رکھا۔ فوربس (Forbes) میگزین امریکا کا مشہور عالم جریدہ ہے اور ہر سال ان تمام افراد کی ایک فہرست شایع کرتا ہے جو سال رواں کے دوران اپنی اپنی فیلڈ میں عالمی سطح پرکامیاب ترین رہے ہیں، اس مشہور میگزین کی ایک اہم خاصیت یہ بھی ہے کہ یہ ایسے کامیاب افراد کی فہرست مرتب کرنے کے بعد اس سوال کا ٹھوس جواب پانے کی بھی تحقیق کرتا ہے کہ ان تمام افراد کی کامیابی کے اسباب کیا ہیں اوران تمام لوگوں میں کون سی مشترکہ خصوصیات ہیں۔

اس مقصد کی تکمیل کے لیے میگزین کامیاب لوگوں سے انفرادی واجتماعی ملاقاتیں کر کے ان عوامل کی نشاندہی کرتا ہے جو ان لوگوں کی کامیابی کا موجب ہوتی ہیں، تاکہ دوسرے لوگ ان خصوصیات کی پیروی کر کے خود کو کامیاب بنا سکیں ۔ فور بس کی حالیہ اشاعت میں ان تمام خصوصیات کی بابت ایک جامع مضمون شایع ہوا ہے، جو کامیابی کے ان تمام اسباب کا خلاصہ ہے جو میگزین نے گزشتہ دس سالوں میں تحقیق کے ذریعے معلوم کیے اور پھر ان تمام اسباب کا ایک گرینڈ سبب بھی بتلایا ہے وہ یہ کہ تمام کامیاب لوگوں میں ایک مشترکہ عنصر ہے۔ ان کا اپنے تعین کردہ گول اور ٹارگٹ حاصل کرنے کاعزم ۔ ان کی زندگی گو لز اور ٹارگٹس یعنی مقاصد اور اہداف کا مجموعہ ہوتی ہے۔ اپنی فیلڈ میں کامیاب ہونا اورکامیاب رہنا ہی ان کی زندگی کا سب سے بڑا عزم ہوتا ہے۔ 

اسی عزم کو گول کے نام سے بھی موسوم کیا جاتا ہے ۔ میگزین میں موجود ہر کامیاب شخص نے تصدیق کی ہے کہ ان کی کامیابی کی بنیاد اور وجہ وہ خواب بنا جسے وہ ہر لمحہ اپنے ذہن میں دیکھنے اور دل میں محسوس کرتے رہے ہیں۔ یہ خواب ایک Obsession اور Passion بن کر ان کی ہستی پر طاری رہا ہے اور پھر وہ خواب ان زندگی کا مقصد بن گیا۔ یہ ہی خواب ان تمام لوگوں کی کامیابیوں کا سبب تھا ۔ مقصد کی سادہ انداز میں تعریف یہ ہے کہ اس وقت آپ کہاں ہیں اورکہاں پہنچنا چاہتے ہیں اورکتنے وقت میں پہنچنا چاہتے ہیں۔ 1970 میں ہاورڈ یونیورسٹی کے پروفیسر عمرانیا ت ڈاکٹر ایڈورڈ بنفیلڈ نے Unheavenly City نامی ایک شاندار کتاب لکھی، جو ان کی سالہا سال تحقیق پر مبنی تھی۔ 

ان کی ریسر چ کا مقصد یہ معلوم کرنا تھا کہ انسانی کامیابیوں میں ترجیحات مرتب کرنے کی اہمیت اور افادیت کیا ہے، اس مقصد کے لیے ڈاکٹر ایڈورڈ نے چار سال تک لاتعداد کامیاب اور ناکام لوگوں اور خاندانوں کا مطالعہ کیا، حقائق و شواہد جمع کیے اپنی ریسرچ کا آغاز کرنے سے قبل ڈاکٹر ایڈورڈ کا خیال تھا کہ معاشی خود مختاری اور خوشحالی کی وجہ شاید اعلیٰ تعلیم ، خاندانی پس منظر، ذہانت یا سماجی تعلقات کی فروانی ہے لیکن ان کی ریسرچ اور حقائق نے ان تمام امور کو جھٹلاتے ہوئے یہ ثابت کیا کہ کامیابی، خوشحالی اور آسودگی کی سب سے بڑی وجہ مخصوص ذہنی رویہ ہوتا ہے ڈاکٹر ایڈورڈ نے اس رویے کو Long Time Pospective کا نام دیا، یعنی مستقبل میں دور تک جھانکنے والی آنکھ رکھنا اور یہ حقیقت عیاں کی کہ معاشی اعتبار سے وہ تمام لوگ بہت کامیاب رہتے ہیں جو اپنے آج کیے جانے والے فیصلوں کے اثرات مستقبل میں دیکھ لیتے ہیں۔

ولیم کلیمنٹ اسٹون نے اپنی کتاب Success Through Positive Mental Attitute میں لکھا ہے ’’ لوگوں میں بہت تھوڑا فرق ہوتا ہے لیکن یہ ہی تھوڑا سا فرق نتائج اور زندگی میں بہت بڑے فرق کا سبب بنتا ہے وہ تھوڑا سا فرق ہے رویہ ‘‘ تمام ماہرین نفسیات کا کہنا ہے کہ رویہ پیدائشی نہیں ہوتا بلکہ یہ ہماری عمر کے ساتھ ساتھ پرورش پاتا ہے ۔ مثبت رویہ ہی انسانی کامیابیوں کا سب سے زیادہ ذمے دار عنصر ہے کیونکہ مثبت رویے سے مثبت سوچ، مثبت سوچ سے مثبت عمل وجود میں آتا ہے ۔ اب یہ آپ پر منحصر ہے کہ آپ اپنی زندگی میں کامیاب ہونا چاہتے ہیں یا ناکام خدا نے آپ کو دنیا میں صرف اور صرف کامیاب ہونے کے لیے بھیجا ہے ۔

آفتاب احمد خانزادہ  

غصہ انسان میں ایک ایسا احساس ہے جو اس زمین کو بھی جہنم میں تبدیل کر دیتا ہے۔ ہم سب انسان کبھی نہ کبھی غصے کی کیفیت سے گزرتے ہیں۔ کچھ لوگ موقع کی مناسبت سے اس کیفیت کا شکار ہوتے ہیں اور کچھ لوگ عادتاً روزانہ ہی اس احساس سے گزرتے ہیں۔ ہم میں اکثر لوگ خود اپنی اس عادت سے خائف بھی نظر آتے ہیں۔ وہ چاہتے ہیں کہ اس عادت سے چھٹکارا حاصل کر لیں مگر نہیں کر پاتے۔تو سوال یہ پیدا ہوتا ہے کہ کیا ہم اپنا تمام تر غصہ ختم کر سکتے ہیں؟ یقینا ہم ایسا نہیں کر سکتے کیونکہ ہم ہمیشہ امیدیں وابستہ کرتے ہیں۔ اکثر و بیشتر وہ امیدیں پوری نہیں ہوتیں اور اس وجہ سے ہمیں مایوسی کا سامنا کرنا پڑتا ہے اور یہی مایوسی غصہ کو جنم دیتی ہے۔ غصے کا رخ ہمیشہ دوسروں کی جانب ہوتا ہے۔

مایوسی کی کیفیت میں ہم دوسروں پر الزام تھوپ دیتے ہیں۔ کسی اور کی غلطی کو نمایاں کرنا دراصل غصے کا اظہار ہے۔ ہو سکتا ہے آپ نے ہزار ہا خود سے آئندہ غصہ نہ کرنے کا وعدہ کیا ہو، لیکن اچانک ہی کوئی شخص بہت ہی غیر اخلاقی حرکت کر دیتا ہے اور آپ اس پر اپنا غصہ نکال دیتے ہیں اور آپ کا وعدہ دھرا کا دھرا رہ جاتا ہے۔غصہ در اصل اس عمل کا رد عمل ہوتا ہے جس کو ہم ذاتی طور پر پسند نہیں کرتے۔ عمل کو تو ہم نہیں روک سکتے لیکن ردعمل پر ہمارا اختیار ہو سکتا ہے۔ اپنے آپ کو غصے کی کیفیت سے نکالنے کے لئے چند ایک تجاویز دی گئی ہیں ان کی مدد سے آپ اپنے غصے پر قابو پا سکتے ہیں۔ مندرجہ ذیل نکات کی مدد سے غصے کو ختم کیجئے اس سے بیشتر کہ غصہ آپ کو ختم کر دے۔

اپنے غصے کی حالت کو پہچانیے ہو سکتا ہے بہت جلد آپ کو یہ ادراک نہ ہو کہ آپ غصے کی کیفیت میں ہیں۔ آپ کو اپنی کیفیت کو پہچاننا ہو گا لہٰذا جب آپ غصے میں ہوں تو آپ کو یہ ماننا ہو گا خواہ آپ غلطی پر ہی کیوں نہ ہوں۔ اپنی اس کیفیت کو پہچانیے اور خود کو بتائیے کہ اس وقت میں غصے میں ہوں، کسی بھی مسئلے کا حل تب تک ممکن نہیں ہے جب تک مسئلہ واضح نہ ہو۔ آپ اگر اپنی اس کیفیت اور عادت سے پیچھا چھڑوانا چاہتے ہیں تو خود آپ کو اس کیفیت کا احساس و علم ہونا چاہئے۔

گہرے سانس لیجئے غصے کی کیفیت میں آہستہ آہستہ گہرے گہرے سانس لیجئے۔ کبھی کبھار صرف ایسا کرنے سے ہی آپ کا غصہ رفع ہو جاتا ہے اور آپ نارمل ہو جاتے ہیں۔ آپ اپنی جگہ بھی تبدیل کر سکتے ہیں اگر کھڑے ہیں تو بیٹھ جائیں اور اگر بیٹھے ہیں تو کھڑے ہو جائیں یا اس ماحول سے نکل جائیں جس ماحول میں آپ کو غصہ آ رہا ہے۔مطلب یہ کہ اپنی جگہ اور پوزیشن تبدیل کر لیں۔

اپنے غصے پر توجہ مرکوز کیجئے آپ کو معلوم ہونا چاہیے کہ آپ کے غصے کی وجہ کیا ہے اور آپ کس پر غصہ ہیں۔خود سے ہی پوچھیں کہ ''میں فلاں پر غصہ ہوں کیونکہ۔۔‘‘ صرف اس موقع پر جو کچھ کیا گیا ہے، غصہ کی وجہ تلاش کریں اور اپنی توجہ اپنے غصے کی وجہ تلاش کرنے پر مرکوز رکھیں۔

یاد رکھیں آپ انچارج ہیں غصہ، بے بسی، لاچاری اور مایوسی کا اظہار ہے۔ یاد رکھیئے یہ انتخاب آپ کا اپنا ہے ۔ کوئی آپ کو کنٹرول نہیں کرتا، آپ اپنی زندگی خود بناتے اور بگاڑتے ہیں۔ چاہیں تو غصے کا انتخاب کریں یا دانشمندی کا۔ کوئی بھی آپ کو اشتعال میں یا غصے میں نہیں لا سکتا، اسی طرح کوئی بھی آپ کی خوشیاں نہیں چھین سکتا جب تک آپ خود نہ چاہیں۔

امید کا روشن دیا ہر مایوسی کی حد پر ایک چمکدار روشن لکیر ہوتی ہے۔ فرض کریں آپ کو نوکری سے نکا ل دیا گیا ہے۔ اس وجہ سے آپ بہت افسردہ ہیں۔ ہو سکتا ہے کہ یہ آپ کے لئے انتہائی اچھا ہوا ہو کیونکہ اب آپ کے پاس زیادہ بہتر مواقع موجود ہیں۔ اب آپ اپنی پسند اور مرضی کا کام کر سکتے ہیں۔ پہلے سے زیادہ بہتر جگہ نوکری کر سکتے ہیں۔ جہاں آپ اپنے کام اور زندگی سے مکمل طور پر لطف اندوز ہو سکیں گے۔ ہمیشہ اس روشن لکیر پر نظر رکھیں جہاں سے مزید مواقعوں کا آغاز ہو تا ہے۔

معاف کیجئے غصہ ، سکون اور خوشی کبھی یکجا نہیں ہو سکتے۔ غصے کو اپنی زندگی سے نکال دیجئے تو خوشی خود بخود اس جگہ آجائے گی۔ معاف کر دیجئے ایسا کرنے سے آپ کو دلی سکون اور خوشی حاصل ہو گی۔ معافی کسی دوسرے کے لئے تحفہ نہیں بلکہ یہ آپ خود اپنی ذات کو اطمینان، سکون اور خوشی کا قیمتی تحفہ فراہم کرتے ہیں۔

زندگی مفروضہ نہیں اس حقیقت کو پہچانیے کہ زندگی مفروضہ نہیں ہے۔ جو کچھ ہمیں زندگی میں درکار ہوتا ہے اسے حاصل کرنے کے لئے ہمیں محنت کرنا پڑتی ہے ۔

بینش جمیل

بینش جمیل پشاور کے ایک تعلیمی ادارے میں معلمہ ہیں اور کئی کتابوں کی مصنفہ بھی ہیں۔

اچانک غصہ آجانا اور کچھ سیکنڈ میں ہی غصہ ٹھنڈا ہو جانا، بے وجہ کسی پر چلّانا اور اپنی بھڑاس کسی اور پر نکال دینا، لیکن بعد میں پچھتانا۔ یہ علامتیں ظاہر کرتی ہیں کہ آپ ذہنی دباؤ میں مبتلا ہیں۔ یہاں ہم آپ کے سامنے سات ایسے آسان طریقے پیش کررہے ہیں، جنہیں اپنا كر آپ اپنا ذہنی دباؤ کم کر سکتے ہیں اور غصے پر قابو پاسکتے ہیں۔

لوگوں کی مدد کریں اپنے کسی ایثار سے دوسروں کے چہرے پر خوشی دیکھنا، دنیا کا سب سے انمول احساس ہے۔ کسی غریب کو اپنی چیزیں صدقہ میں دے کر یہ احساس آپ نے ضرور محسوس کیا ہو گا۔ اگر نہیں کیا تو آج سے ہی یہ کام شروع کر دیں۔ ایسا کر کے آپ ناصرف کسی ضرورتمند کی مدد کرتے ہیں، بلکہ خود پر بھی احسان کرتے ہیں۔

خود سے محبت کریں غصہ اسی وقت آتا ہے جب آپ کو کوئی بات بُری لگتی ہے، اور ایسی کیفیت اسی وقت طاری ہوتی ہے جب ذہن پر منفی خیالات کا غلبہ ہو جاتا ہے۔ اس کیفیت سے بچنے کے لیے اپنے آپ سے محبت کریں، اپنے مثبت انداز سے سوچیں۔ یاد رکھیں کہ منفی سوچ ہمیشہ آپ کے بلڈ پریشر میں اضافہ کر دیتی ہے، جس سے غصہ آتا ہے۔ ایسی صورتحال میں آئینے کے سامنےکھڑے ہو کر اپنے چہرے پر نظریں جما کرخود کو محسوس کریں، اپنی تصاویر دیکھیں، اور ایک ریسرچ بتاتی ہے کہ خود سے رابطے کا یہ عمل آکسیٹین اور کچھ خاص کیمیکل کا اخراج کرتا ہے، جس سے اپنے اندر خوشی کی لہر یا سکون کی کیفیت محسوس کرتے ہیں۔

اپنے ہاتھوں کو گرم رکھیں جب آپ کو محسوس ہو کہ آپ کو غصہ آ رہا ہے، تو اپنے ہاتھوں کو ایک دوسرے کے ساتھ رگڑیں۔ ایسا کرنے سے آپ کے ہاتھ گرم ہوں گے اور غصے کے وقت نروس سسٹم میں تیزی سے بڑھتا خون کا بہاؤ سست ہو جائے گا۔ آپ نے محسوس کیا ہو گا کہ جب آپ کو اچانک غصہ آتا ہے تو آپ کا پورا جسم گرم ہو جاتا ہے۔ دراصل اس دوران پورے جسم میں خون کا بہاؤ بہت تیز ہونے لگتا ہے۔ اسی کیفیت کو کنٹرول کرنے کے لیے جب بھی آپ کو غصہ آتا محسوس ہو تو ہاتھوں کو رگڑنا شروع کر دیجیے۔

 پودے لگائیے

ہالینڈ میں کی گئی ایک ریسرچ کے نتائج کے مطابق پودوں کی دیکھ بھال میں آدھا گھنٹہ صرف کرنے سے ذہنی دباؤ سے اسی قدر نجات ملتی ہے، جس قدر ایک پُرسکوں کمرے میں کسی دلچسپ کتاب کا مطالعہ کرنے سے راحت ملتی ہے۔ ایک دوسری ریسرچ سے یہ بھی معلوم ہوا ہے کہ پودوں کی دیکھ بھال کے دوران مٹی میں موجود ایسے عناصر سے آپ کا واسطہ پڑتا ہے، جس سے ذہنی دباؤ میں کمی آتی ہےاور آپ کو بہتر طریقے سے توجہ مرکوز کر پاتے ہیں۔ روزانہ گھر میں پودوں کی دیکھ بھال پر آدھا گھنٹہ صرف کیجیے، اگر آپ کے گھر میں جگہ کم ہے، تو آپ گملوں اور بوتلوں میں بھی پودے لگا سکتے ہیں۔

یہی فوائد آپ مچھلی کے ایکوریم کی دیکھ بھال کرکے بھی حاصل کرسکتے ہیں۔ آپ ہمیشہ مسکراتے رہیں، کیونکہ ہنسی ہی واحد ایسی چیز ہے جو آپ کے سارے دکھ دور کر سکتی ہے۔ اگر، آپ کسی مشکل مرحلے سے گزر رہے ہیں تو اس صورتحال میں آپ کی ایک مسکراہٹ آپ کے سارے غم بھُلا دے گی۔ اس سے آپ کو غصہ کم آئے گا اور آپ کو ہمیشہ مثبت سوچنے کی عادت پڑ جائے گی۔ اسی لیے ہمیشہ مسکراتے رہیں اور خوشیاں پھیلاتے رہیں۔

کیا آپ کو بہت غصہ آتا ہے؟ کیا آپ بعض اوقات غصے میں آپے سے باہر ہو جاتے ہیں؟ کیا آپ کا بچہ غصے میں بپھرے ہوئے شیر کی طرح ہو جاتا ہے؟ کیا غصہ اسے بے قابو کر دیتا ہے کہ وہ کچھ بھی سننے اور سمجھنے کے لیے تیار نہیں ہوتا! تو اس کا سامنا کریں کیونکہ غصہ تو کسی کو کسی بھی وقت آ سکتا ہے۔ غصہ عام انسانی جذبات میں سے ایک ہے۔ یہ وہ راستہ ہے جس کے ذریعے انسان کا شعور اس کے دماغ سے ذہنی اور جذباتی دباؤ کو خارج کرتا ہے۔ لیکن کبھی کبھی یہ عام سا نفسیاتی عمل کسی کو اس حد تک بے قابو بھی کر دیتا ہے کہ اس پر پاگل پن کے دورے کا گمان ہونے لگتا ہے اور غصے کی یہ انتہائی شدت یقینا درست نہیں، نہ ہی صحت کے لیے اور نہ ہی اچھی شخصیت کے لیے۔ 

اگر آپ اس طرح کی صورت حال سے گزر رہے ہوں تو سمجھ لیں کہ آپ غصے کی بے پناہ شدت سے گزر رہے ہیں اور غصے نے آپ کو مکمل طور پر اپنے قابو میں کر لیا ہے۔ یہ یقینا عام غصہ نہیں، کیونکہ عام غصے کی کیفیت عارضی ہوا کرتی ہے اور وہ غیر متعلقہ معاملات پر پریشانی کا باعث نہیں بنتی۔ بے قابو غصے کی کیفیت میں عموماً فرد خود کو نقصان پہنچانے والی سرگرمیوں کا بھی شکار ہو جاتا ہے۔ مثلاً تیز رفتار ڈرائیونگ، دوسروں سے لڑنا جھگڑنا، بے تحاشا سگریٹ پھونکنا، نشہ آور چیزوں کا استعمال وغیرہ وغیرہ۔ اس صورت حال میں کیا کیا جائے؟ اس کے لیے سب سے پہلے تو ضروری ہے کہ آپ اس فرق کو پہچانیے کہ آپ کس وقت عام جذباتی کیفیت میں ہیں اور کب انتہائی شدت کی کیفیت سے گزر رہے ہیں۔

اکثر لوگ بہت معمولی باتوں کا بہت گہرا اثر لیتے ہیں۔ مثلاً اگر کسی ایسے شخص سے کوئی معمولی غلطی ہو جائے جس کا آپ بہت خیال رکھتے ہیں یا کوئی آپ کی کسی عزیز ترین یا محبوب چیز کو استعمال کرے، غلطی سے توڑ بیٹھے اور یہ سب جانتے ہوئے بھی کہ یہ بات فقط آپ کے لیے اہم ہے، دوسرے کے لیے نہیں، آپ یک دم غصے کی غیر معمولی اور شدید ترین کیفیت میں مبتلا ہو جائیں تو یہ کوئی اچھی بات نہیں۔ جب کبھی غصہ آئے تو ایک گہری سانس لیں اور فوری طور پر اس جگہ کو چھوڑ دیں جہاں ناخوشگوار واقعہ پیش آیا اور پھر دماغ کو پُرسکون کر کے خود سے پوچھیں ’’میں کیوں اس قدر غصے میں ہوں؟‘‘ 

یہ سوال خود سے کرنا بہت ضروری ہے کیونکہ اکثر لوگ اپنے غصے کا اظہار غلط کر جاتے ہیں، یعنی غصہ آنے کی وجہ کوئی اور ہوتی ہے اور غصہ نکل کسی اور بات پر جاتا ہے تو اپنی پریشانیوں کو پہچانیے اور اگر کوئی خاص چیز یا صورت حال آپ کو اس انتہائی کیفیت میں مبتلا کرتی ہے تو اس سے دور رہنے کی کوشش کریں تاکہ کچھ بہتر حل سوچ سکیں۔ کیونکہ زندگی میں دکھ سکھ تو آتے ہی رہتے ہیں۔ شاید زندگی کا حقیقی مزہ ہی انہیں دکھ سکھ میں ہے۔ دوسری اہم بات یہ ہے کہ اپنے وقت کی اچھی منصوبہ بندی کریں کیونکہ غصے کی کیفیت میں مبتلا ہونے کا ایک عام سا سبب عموماً وقت پر کام نہ کرنا یا وقت کی کمی ہے۔ 

آپ غور کریں کہ کیا اکثر ایسا تو نہیں ہوتا کہ جب کبھی آپ کوئی کام جلدی نمٹانا چاہتے ہوں اور ایسے میں کوئی آپ کو روک دے تو آپ کسی بم کی طرح پھٹ پڑتے ہیں۔ اس ضمن میں آسان طریقہ یہ ہے کہ بہت عقل مندی کے ساتھ اپنے وقت کی مناسب منصوبہ بندی کریں۔ روزانہ ورزش کریں۔ کہا جاتا ہے اور حقیقت بھی یہی ہے کہ ورزش آپ کے اندر تناؤ کو کم کرنے میں کافی ممدو معاون ثابت ہوتی ہے۔ یہ ذہن اور جسم دونوں کو پُرسکون رکھتی ہے۔ تحقیق سے ثابت ہوا ہے کہ جو لوگ باقاعدگی سے ورزش کرتے ہیں وہ زیادہ ٹھنڈے مزاج کے حامل ہوتے ہیں اور غـصے کی کیفیت میں بے قابو بھی نہیں ہوتے۔

آخری بات یہ ہے کہ جو بھی مسئلہ یا پریشانی ہو اس پر متعلقہ فرد سے بات کریں کیونکہ خاموش رہنے سے لاوا اندر ہی اندر پکتا رہتا ہے اور پھر ایک دن کسی معمولی سی بات پر آتش فشاں کی طرح پھٹ پڑتا ہے۔ بہتر ہے کہ بات چیت اور گفت و شنید سے مسئلے کا حل نکالا جائے اور خود کو غصے کی انتہائی کیفیت تک پہنچنے سے روکا جائے۔ اسلام میں بھی غصے کو حرام قرار دیا گیا ہے۔ آپ بھی اپنے غصے پر قابو پانا سیکھ لیں تاکہ نہ صرف اپنی زندگی بلکہ خود سے متعلق دیگر افراد کی زندگی میں بھی امن و سکون کی ضمانت بن سکیں۔ گھر جیسی چھوٹی سی جنت کو غصے کی گرم ہواؤں سے آلودہ کرنے کی بجائے امن و آشتی کی روشنی سے منور رکھیں کہ زندگی بڑی مختصر ہے اسے لڑتے جھگڑتے نہ گزاریں بلکہ ہنستے کھیلتے بسر کریں۔

دنیا میں کسی فرد کے مزاج کو بدترین بنانے کے لیے وجوہات کی کمی نہیں، تعلقات میں دراڑ، مالی پریشانیاں اور طبی مسائل وغیرہ آپ کی ذہنی حالت پر اثر انداز ہوتے ہیں۔ اس طرح کے عناصر پر آپ کا کنٹرول نہ ہونے کے برابر ہوتا ہے مگر بدقسمتی سے کچھ چھوٹی چیزیں ایسی بھی ہوتی ہیں جو آپ کی زندگی بدل کر آپ کو مستقل غصے کا شکار بنا دیتی ہیں، تو اگر آپ کا موڈ بھی ہمیشہ خراب ہی رہتا ہے تو دیکھے کیا یہ وجوہات تو آپ کی اس حالت کا ذمہ دار نہیں؟

قدرتی ماحول سے دوری سرسبز مقامات پر گھومنا ذہنی کے لیے بہت اچھا ہوتا ہے۔ شہروں میں جو لوگ سرسبز مقامات یا باغات میں جاتے ہیں وہ خوشگوار مزاج اور بہتر ذہنی صحت رکھتے ہیں، اور ان مقامات سے دوری ڈپریشن، غصے اور ایسے ہی دیگر ذہنی مسائل کو بڑھانے کا سبب بنتا ہے۔

آپ مناسب مقدار میں سبزیاں اور پھل استعمال نہیں کر رہے ٹھیک ہے کہ سبزیاں اور پھل اچھی صحت کے لیے بہترین سمجھے جاتے ہیں مگر کیا آپ کو معلوم ہے کہ اس خوراک کے آپ کی ذہنی حالت پر بھی مثبت اثرات مرتب ہوتے ہیں؟ جو لوگ روزانہ 80 گرام پھل یا سبزیاں استعمال کرتے ہیں وہ ذہنی طور پر زیادہ خوش باش اور صحت مند ہوتے ہیں، یعنی خوش رہنے کے ساتھ ساتھ وہ مایوسی اور ذہنی امراض سے محفوظ رہتے ہیں۔

آج آپ سورج کی روشنی دیکھنے سے محروم رہے کیا آپ کا پورا دن گھر یا دفتر کی چاردیواری میں گزر جاتا ہے؟ اگر ہاں تو اس کا نتیجہ بدمزاجی کی شکل میں ہی نکلے گا۔ سورج کی روشنی سے دور رہنے والے افراد میں وٹامن ڈی کی کمی اور ڈپریشن وغیرہ کا امکان زیادہ ہوتا ہے، جس کا نتیجہ ہر وقت غصے، خراب مزاج اور مایوسی کی صورت میں نکلتا ہے، جس سے بچنے کا آسان کچھ دیر کے لیے دن میں باہر چہل قدمی ہے۔

آپ پیاس محسوس کر رہے ہیں اگر آپ کام یا آرام کرنے کے دوران پیاس محسوس کر رہے ہیں اور پانی پینے سے گریز کر رہے ہیں تو آپ تھکاوٹ، توجہ مرکوز کرنے کی صلاحیت اور بدمزاجی کا شکار ہو جائیں گے، یہ دعویٰ جرنل آف نیوٹریشن کی ایک تحقیق میں سامنے آیا تھا۔

بہت زیادہ کام کرنا بہت زیادہ کام کرنے کی عادت نہ صرف جسمانی حالت ابتر کرتی ہے بلکہ اس کے منفی اثرات ذہنی صحت پر بھی مرتب ہوتے ہیں۔ جو لوگ ہفتے میں پچاس گھنٹے سے زیادہ کام کرتے ہیں ان کی جسمانی صحت خراب ہونے کے ساتھ ساتھ ذہنی حالت بھی متاثر ہوتی ہے، ایسے لوگ جلد غصے میں بھی آجاتے ہیں جو درحقیقت ان کے اندر موجود ڈپریشن کو باہر نکالنے کا ایک ذریعہ بنتا ہے۔

آپ فیس بک پر بہت زیادہ وقت گزارتے ہیں آج کل کے نوجوان تو فیس بک کے دیوانے ہیں مگر آپ سماجی رابطے کی اس ویب سائٹ پر جتنا زیادہ وقت گزاریں گے اتنا ہی آپ کا مزاج خراب ہو گا۔ اس کی وجہ یہ ہے کہ فیس بک پر بہت زیادہ دیر رہنے سے وقت کے ضیاع کا احساس ہوتا ہے اور جب کسی کو لگتا ہے کہ وہ کوئی خاص کام کرنے کی بجائے اپنی زندگی ضائع کر رہا ہے تو اس خیال کے بعد موڈ اچھا رہنے کا سوال ہی پیدا نہیں ہوتا۔

کمر جھکائے رکھنا بچپن میں تمام والدین ہی اپنے بچوں پر چلاتے نظر آتے ہیں کہ کمر سیدھی رکھ کر چلا یا بیٹھا کروں مگر اب سائنس نے بھی اسے ذہنی صحت کے لیے اہم قرار دیا ہے۔ آپ کے بیٹھنے یا کھڑے ہونے کے انداز میں تبدیلی یا اسے سیدھا کرنے سے آپ کا مزاج خوشگوار ہوتا ہے اور آپ جسم میں ایک نئی توانائی محسوس کرتے ہیں۔

مسکراہٹ یا ہنسی سے دوری ہنسنی یاداشت اور ذہنی تناﺅ کا سبب بننے والے ہارمون کورٹیسول کی شرح کو بہتر بناتا ہے۔ چہرے پر ایک مسکراہٹ تمام تناﺅ کو دھو دے دیتی ہے، بلکہ جبری یا کسی کو دکھانے کے لیے مسکرانا بھی تناﺅ کو کم کر کے مثبت جذبات کو بڑھا دیتا ہے۔

نیند کی کمی ٹھیک ہے کہ یہ کوئی راز نہیں کہ نیند سے بوجھل ذہن پرکشش شخصیات کو بھی احمق بنا دیتا ہے، مگر یہ بہت کم لوگوں کو معلوم ہوتا ہے مناسب نیند نہ لینا تناﺅ بڑھانے اور تنک مزاجی یا خراب مزاج کا سبب بن جاتا ہے۔ صرف ایک ہفتہ بھی بہت کم سونا اداسی، غصے اور ذہنی تھکاوٹ کو بڑھا دیتا ہے۔

بے شک غصّہ آنا ایک فطری عمل ہے، مگر اس پر قابو پا لینے والا ہی دین و دنیا میں سُرخ روئی پاتا ہے۔ رسول اللہ صلی اللہ علیہ وسلم نے فرمایا،’’ پہلوان وہ نہیں ہے، جو (کُشتی لڑنے میں) اپنے مقابل کو گرا دے، بلکہ پہلوان وہ ہے، جو غصّے کے وقت خود کو قابو میں رکھے۔‘‘اسی طرح شدید غصّے میں کھڑے ہوں تو بیٹھ جانے اور پانی پینے کا بھی حکم ہے۔ اور جہاں تک غصّے کے طبّی نقصانات کی بات ہے، تو ماہرین کے مطابق شدید غصّہ ہارٹ اٹیک اور فالج کا سبب بن سکتا ہے اور بات، بے بات غصّہ کرنا ڈیپریشن اور ذہنی تناؤ میں مبتلا کر دیتا ہے۔ بلاشبہ یہ کہنا قطعاً غلط نہیں کہ انسان کا سب بڑا دشمن خود اس کا اپنا غصّہ ہے۔اگر آپ غصّے کے تیز ہیں اور لاکھ کوشش کے باوجود اپنےجذبات پرقابو نہیں رکھ پاتے، تو ذیل میں درج چند تجاویز پر عمل کرنے کی کوشش کریں۔

٭جب غصّہ آئے، تو لمبے اورگہرے سانس لیں اور کچھ دیر کے لیے خاموشی اختیار کر لیں کہ خاموشی دماغی خلیات کو آرام پہنچا کر اعصاب پُرسکون کر دیتی ہے۔

٭اگر آپ کو بات، بے بات غصّہ آتا ہے، تو روزانہ ڈائری لکھیں کہ آج آپ کو کتنی بار اور کس وجہ سے غصّہ آیا اور اسے روکنے کے لیے آپ نے کیا، کیا ؟ اگر وجہ بے معنی اور غیر ضروری ہے، تو اسے رد کرنے کی کوشش کریں۔

٭اگرغصّے کے وقت کھڑے ہیں، تو بیٹھ جائیں اوربیٹھے ہیں تو لیٹ جائیں۔

٭ایک گلاس ٹھنڈا پانی پی لیں کہ پانی پینا ذہنی تناؤ کم کرتا ہے۔

٭غصّے میں اپنی حرکات و سکنات پر کنٹرول رکھیں کہ بعض اوقات انسان کی اپنی ہی حرکات اُس کے غصّے کو بڑھاوا دیتی ہیں۔

٭بعض افراد کو چھوٹی چھوٹی باتوں پر بھی غصّہ آ جاتا ہے۔ اگر آپ کا شمار بھی ان ہی لوگوں میں ہوتا ہے، تو جب غصّہ ٹھنڈا ہو جائے، خود سے یہ سوال ضرور پوچھیں کہ کیا صورتِ حال واقعی اتنی بُری تھی کہ اس طرح چیخنا چلّانا پڑا؟

٭اکثر ایسا ہوتا ہے کہ جب ہمیں کسی شخص پر غصّہ آتا ہے، تو اُس کی ساری منفی باتیں ایک ساتھ یاد آنے لگتی ہیں، تو ایسی صورت میں کوشش کریں کہ خود کو موجودہ صورتِ حال ہی تک محدود رکھیں۔

٭ ضرب المثل ہے، ’’کمان سے نکلا ہوا تیر اور زبان سے نکلا ہوا لفظ واپس نہیں آتا۔‘‘ لہٰذا شدید سے شدید غصّے کی حالت میں بھی زبان پر قابو رکھنے کی کوشش کریں۔ ایسا نہ ہو کہ بعد میں آپ کے الفاظ آپ ہی کے لیے سخت شرمندگی کا باعث بن جائیں۔ اور اگر آپ کو احساس ہو جائے کہ آپ کی کسی بات نے دوسرے فرد کا دِل دکھایا ہے، تو فوراً معافی مانگ کر ساری تلخیاں دُور کر لیں۔ کسی بھی رشتے میں انا کو آڑے نہ آنے دیں۔ اس طرح آپ کو نہ صرف خود ذہنی و روحانی سکون ملے گا، بلکہ مقابل کا بھی دِل صاف ہو جائے گا۔ اور یہ بات تو گرہ سے باندھ لیں کہ غلطی تسلیم کرنے سے کبھی بھی کسی کی عزّت گھٹتی نہیں، بلکہ ہمیشہ بڑھتی ہی ہے۔