#7.8.2025

حاسة إني منسيّة وممحيّة ومش متشافة تمامًا لدرجة إني اتخضّيت لما شفت نفسي بعيون حد غيري، أو حتى بعيوني. مستغربة الصورة كدليل على وجودي وعلى إني كنت موجودة علشانها وحبّت وجودي فطلعت الموبايل وصوّرتني. مستغربة الحضن والحب والتمسّك بيا في وقت أنا متسابة ومرميّة خالص. مستغربة كل تعبير عن الحب والتقدير، رغم صدقهم أو حتى كترهم. أنا اتعوّدت على صورتي الممسوحة والعيون والقلوب اللي مش شايفاني والإيدين اللي بتسيبني وبترميني لدرجة لما بدرك إني موجودة ماديًا بتـtrip وبتخضّ. قد ايه الحِمل ده تقيل...