#482020

اللي مش قادر يعتمد علي نفسه ببساطة مايتجوزش

اللي مابيعرفش يتحمل المسؤولية ياعيني مايتجوزش

اللي عينه زايغة مابيشبعش مايتجوزش

اللي بيشك شك مرضي ودماغ شغاله مابتنامش مايتجوزش

اللي اهله بيحبوه حب مرضي وهيخافوا عليه من الطرف الاخر البعبع لا ياكله مايتجوزش

اللي حاسس انه اناني مابيشوفش غير نفسه ياحرام مايتجوزش

اللي بيكدب والخيانه في دمه مايتجوزش

البخيل اللي مقرطها من كل ناحية يلم فلوسه ومايتجوزش

اللي حياته مباحة لاهله واصحابه والجيران والبواب ما يتجوزش

وطبعا كل الحاجات دي لو عند حد في الاغلب مش هيعرفها ‘ لانها كلها مرضيه (مبالغ فيها) لكن أهله اكتر ناس عارفينها وشايفينها فنتعالج الاول وبعد كدة نرتبط عشان حرام تبتلوا الناس بيهم وفي اقرب سكة بيخلعوا ويسيبوا وراهم خراب بيوت متلتل ووجع قلب مالوش اول من اخر.

{وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ (30) } سورة الشوري‘

و

{مَا أَصَابَكَ مِنْ حَسَنَةٍ فَمِنَ اللَّهِ وَمَا أَصَابَكَ مِنْ سَيِّئَةٍ فَمِنْ نَفْسِكَ (79)} سورة النساء‘ وجاء في احدي تفسيراتها (واللهُ أعلم) :

ما أصابك من حسنة فمن الله وما أصابك من سيئة فمن نفسك ‘ اي ما يصيبك، يا محمد، من رخاء ونعمة وعافية وسلامة، فمن فضل الله عليك، يتفضل به عليك إحسانًا منه إليك = وأما قوله: " وما أصابك من سيئة فمن نفسك "، يعني: وما أصابك من شدة ومشقة وأذى ومكروه =" فمن نفسك "، يعني: بذنب استوجبتها به، اكتسبته نفسك