صبَّار مسكر

النهارده كل ده ظهر تاني مضروب ف اتنين بقى

فاكرة ف الاخر ف الكلية اخر ما زهقت لما كنت بنجح ماكنتش بقول على طول وكنت بقول بالصدفة كده عشان كده كده عادي يعني نجحت فين الاعجاز ما الناس بتنجح وبتجيب أحسن مني، كنت بنجح ف كلية أنا كارهاها من أول يوم دخلتها ومن غير كورسات من غير ما أشتري ورق من غير ما أحضر المحاضرات، كنت بذاكر مع نفسي وبس

ف ثانوية عامة بردو كنت دفعة شاومينج للأسف، جيبت ٩٦.٧٪، وأنا كنت مبطلةدروس من شهر ١١ ولا ١٠، وبذاكر كل حاجة لوحدي حتى الكيميا والفيزيا، ماكنتش أخدت باقي المذكرات لما كنت ف الدرس ف كملت المنهج من كتاب المدرسة الحكومي الحقير ده، وجيبت أعلى حد ف محيطي وف المحيطات المجاورة، مع إن ده مكانش من إهتماماتي أبدًا ولا كنت ببص لحد ف العموم إني أكون أحسن أو أوحش، أول جملة اتقالتلي إنه ليه ماجيبتيش مجموع أعلى! وعيااااط عياااططط عشان حسيت إني عملت عاملة مش نجحت، وتعليقات كتير زي فرحانة بخيبتك وأشياء من هذا القبيل