Sucrose

simulan natin ito sa kung paano kita nakilala

pebrero nung kitang nakilala ang saya at nakakatuwa

halos bumagsak ako sa sahig oo nakatatawa muhka akong baliw

gusto ko ng konting aliw pero anong patama ng kilig sa dama ng tunay na pag ibig 

kilig at pagibig magkaiba pero pareho na gusto kong lumabas sa iyong mga bibig

gusto kong kiligin gusto kitang pakiligin gusto ng kahit konting pagibig gusto ko ako ay iyong ibigin

Kilig,

kilig

Yung tipong tinatablan ako ng mga simple mong kilos at galaw,

Parang yung puso ko napapasayaw,

Lumalakas ang pintig yung tipong napapahiyaw

Parang yung pulso ko ang binibigkas ay "ikaw"

Yung tipong yung nasa isip ko ay ikaw sa araw man o gabi,

Yung pinapangarap kong ikaw ang palaging makatabi,

Nagugustuhan ko yung hubog ng katawan, mata, hitsura, labi

Na kapag ikaw na ang usapan ang hirap nang makatanggi

pagibig

Isang mas malalim na depinisyon ng relasyon,

Tunay, kase alam nating hindi lang ito hanggang dito alam nating meron

Hindi lamang sa pansarili ang tuon

Kundi sa nararamdaman nating parehas, at higit pa doon

Walang pagpapantasya, kase totoo

Walang baka, dahil ang nararamdama'y sigurado

Walang paghuhumaling, kase alam mong nandito

Walang saket, kase masaya tayo sa kung anong meron tayo.

Kaya mahal patikim ng kilig lagyan mo na ng konting dama ng pagibig  at pangako ang pagibig na itinadhana abot ng mga bathala sungkit ang mga tala

psyche ng buhay ko pangako ang bawat araw at gabi puno ng saya at tawa

dahil ako ang magsisilbing liwanag sa bawat gabi ng mga luha 

Minsan na kong nasabihan na ang “tanga mo” biro lang madalas talaga akong masabihan niyan at sa totoo lang kapag di pa nakontento ang mga kaibigan ko dodoblehin pa yan 

ang tanga tanga mo 

ang sakit kaya alam niyo?

minsan na kong naniwala na hindi naman ako tanga nagmahal lang naman ako masisisi niyo ba ko? masama bang maniwala sa mga pangako baka matupad baka totoo baka hindi lang ito hanggang sa salita

kaya sumugal ako naniwala ako sa mga sinabi mo

“ikaw lang pangako”

“tayo lang hanggang dulo”

“pangako sayo ganyan ganoon ganito”

ang hirap pala sumugal sa mga salitang “baka” dahil minsan may napanuod ako na ang sabi “wala naman sigurado minsan kailangan mo lang maniwala”

napamura nalang ako putang”na di nga ako sigurado kung totoo pero naniwala ako pero ang sakit pala 

ang sakit sakit pala nararamdaman ko na pero ako itong naniniwala pa

nakailang ikot na ang mga kamay ng akin relo sa mga bawat numero

ilang bulalakaw na ang bumagsak sa kalangitan kasabay ng pagbagsak at pagbigat ng nararamdaman ko

ilang sasakyan na ang lumampas sa mga paningin ko kagaya ilang beses na  paglampas mo sa harapan ko

pero bakit masisisi niyo ba ko nagmahal lang naman ako?

1 kilometro ang nilakad ko para matipid ang pera ko para may pambili ako ng mga bagay na ikakatuwa mo kasing haba ng 1 kilometro ang pasensya ko sa kung paano salamat lang ang narinig sa tenga ko sabay dinig ng “sige umuwi ka na”

manhid ka ba? oh ako lang tong si tanga? di ka ba nakakaintindi na kaya ako nagpunta ay para makita ka para mayakap ka at para marinig ng personal ang mga salitang “mahal kita” 

gago ka ba? imbes salitang salamat sinta nag abala ka pa tara nga dito namiss kita tangina salitang salamat sige umuwi ka na

pero sige iintindihin kita baka pagod ka 

tutal ako hawak ko na ata ang titulo ng pagiging tanga iintindihin parin kita

iintidihin kita araw araw 

sa bawat lunes alam ko kapag nagalit ako mag aaway lang tayo baka huminto baka tumigil kaya kailangan ko na wag maines

sa bawat martes alam ko kahit na wala kang ginagawa kahit alam kong di ka sasagot tatadtadin parin kita sa aking mga text

sa bawat miyerkules iintidihin kita hihintayin kita kahit alam kong malabong damating ka sa ating alis

sa bawat huwebes kahit di mo ko pansinin nandito parin ako pupunasan ang iyong mga pawis

sa bawat biyernes mamahalin pa rin kita kahit kulang ang nakukuha ko sa binibigay kong labis

sa bawat sabado ngingiti at ngingiti parin ako kahit sa totoo lang nakakagago

sa bawat linggo makiramdam ka sa araw na ito dahil ito ang huling araw ng isang linggo baka ito na rin ang sinabi mong mamahalin kita hanggang dulo

baka ito na ang dulo dahil sa totoo lang kung nakakain lang ang salitang ang tanga mo matagal na kong tumaba sa mga ito 

dahil napagtanto ko

Uy kamusta ka? naaalala mo pa ba ako? ako nga pala ito yung kaibigan mo na umasa sa salitang tayo,

kamusta ka? naaalala mo pa kaya ang lahat sa ikaw at ako?

Naaalala mo ba kung sa paano nagkasalubong tayo

Sa kung paano ang mga balahibong ito ay biglang tumindig Sa kung paanong naramdaman ko ang unang pagibig 

Sa kung paano ako ay nataranta ng natataranta at nagliligalig

Tanda ko pa nung una tayong nagkita 

Ramdam ang lamig dala ng kalawakan

 Ang liwanag na dulot ng lahat buwan

Ramdam ko ang init ng araw na tumatama sa aking katawan

Mahirap ipaliwanag pero patawad ito ang aking naramdaman

Kupido tama ba na pinana mo ko sa taong ito? O baka malabo na ang iyong mata at hindi na asintado 

Pero sige susubok ako susubukan kong intindihin itong nararamdaman ko

Baka totoo to baka tama to baka ikaw na nga ang itinadhana para sa tulad ko 

Kaya ayun siguro kaya pinilit ko ang sarili ko na malapit sayo

Sinubukan kong alamin ang mga ayaw ang mga gusto mo 

Sinubukan kong ibigay ang lahat ng oras ko sayo Ibigay ang gusto mo puntahan ang mga lugar na gusto mo okay lang  kahit nakakapagod basta ikaw ang kasama ko 

Bakit nga ba ako mapapagod kung ikaw ang kasama ko ang lakas ko? 

Naalala ko pa sa kung paano mo ko tinawanan nung una ako nadapa sa harapan mo 

Naaalala ko rin sa kung paano ko inalis ko ang mga dumi sa muhka mo

Naaalala ko rin nung unang hipan mo ang napuwing na mga mata ko 

Naalala ko ang lahat ng ito Ikaw mahal ko tanda mo pa ba? 

Kase mahal ako tandang tanda ko pa lalo na sa kung paano tayo ay pinagtagpo

pero ang sakit ang sakit sakit lang isipin oo tayo ay pinagtagpo pero ang sakit dahil hindi pinagtadhana ang tayo

Naalala ko rin Sa kung paano tayo magharutan sa kung paano tayo magkulitan 

Nakakatawa lang kase napagkakamalan na tayo ng ating mga kaibigan pero kasunod non oo nga eh sana nga,

sana na nga kami

sana nga kami nalang kaso hindi kase mahal parang tayo pero hindi.

sabihin mo nga saken sinta ako lang ba ang nakakaramdam ng lahat ng ito?

dahil naniniwala ako hindi ito hanggang dito nalang hindi ito laro

hindi ito landian hindi ito wala lang alam ko nararamdaman ko meron at meron ito

kaya sinta o mahal sabihin mo naman pakiusap dahil minsan ang hirap ng ganito

na parang nangangapa ako sa dilim di ko alam kung kelan ako babagsak o gaano kalalim

kaya bigyan mo ko ng babala kung malapit na bigyan mo ko ng babala hindi ng pagbibigay motibo dahil sa totoo 

ayoko ng ganto ayaw ko ng ibinibigay mong motibo ang hirap nakakaloko nagmumuhka akong gago dahil iniisip ko meron ang lahat ng ito hindi hanggang dito nalang at maraming salamat dahil naniniwala ako meron at baka totoo baka meron ka ring nararamdaman sa tulad ko 

pakiusap sabihin mo kung meron talaga o wala

para sa wakas matapos na tong kalokohan ito di ko na isipin ang meron dahil ang totoo ay wala

at para sa wakas matanggal na ang lubig sa puso ko na ang tagal nang nakatali

mahal naalala mo paba? o hindi?

Mahal o Sinta

Iba

ka

Di 

kita

mamahalin

para sakin,

at

papaasahin 

kita

hindi 

ka 

maganda

pababayaan

kita

hindi

kita

gusto

lolokohin

kita

hindi

kita 

pagmamalaki

basta

bahala ka

 Ang sarap sa pakiramdam ng sagutin ka ng mahal mo ang sarap sa pakiramdam sa bawat sandali may kumukumusta at nag aalala sayo sa bawat sandali na may nagpapahalaga sayo at higit sa lahat may nagmamahal sayo ngunit sa oras ng matapos ang lahat ng ito kapag natapos na kung anong meron kayo ang tanong nalang sa sarili mo Panget ba ko? Kapalit palit ba ko? Kaya sinta pakinggan mo nagawa kong tula  "ABAKADA NG KWENTO NATING DALAWA"

 A-aminin ko sayo na gusto kita mahirap man paniwalaan pero maniwala ka gusto kita di dahil sa gusto lang kita kundi dahil mahal din kita kaya 

 Ba-basahin kita pag aaralan kita na parang isang libro alam ang bawat barsikulo alam kung saan ang romantiko alam din kung saan ang lungkot alam din kung saan ang saya kaya kahit mahirap

 Ka-kayanin ko dahil nga sa mahal kita at dahil sa gusto kita dahil ganun sa pagibig kailangan mong paghirapan ang isang bagay upang sayo ay bumagay kaya kahit wala akong oras wala akong pera 

 Da-dalhin kita kung saan ka magiging masaya pipilitin ko na ibigay sayo ang mga ito kahit medyo gipit sa kung ano lang ang meron ako ipapakita ko na pinapahalagan ko ang tulad mo dahil nga sa gusto kita at dahil sa mahal kita  

E-engganyuhin ko ang sarili ko dahil di  ko alam kung ano ba itong nararamandaman ko kase iba talaga ito yung tipong dadaan ka sa harap ko natataranta ako kapag kinakausap mo ako parang tumitigil ang mundo ko sabihin mo man na baliw ako pero yun ang totoo dahil nga sa gusto kita at mahal kita kaya

 Ga-gamitin ko ang lahat ng salita salitang maaaring sa pangalan mo magtugma maipakita lang at mapadama na imporatante ka at mahalaga ka dahil nga sa gusto kita at dahil sa mahal kita 

Ha-hawakan kita ng mahigpit susubukan kong kumapit upang sa pagsapit at ng loob mo sa akin ay lumapit gusto ko ito lahat , gusto ko dahil nga sa gusto kita at dahil sa mahal kita

I-iwasan kong masaktan kita dahil alam ko kapag nasaktan kita baka mawala ka baka masayang ang lahat ng pinaghirapan ko kaya iiwasan ko ang mga bagay na maaring makasakit sayo pangako, pinapangako ko na di ka mabibigo magmuhka man akong baliw sa mga sinasabi ko isipin mo man na loko loko ako sa harap mo gagawin ko mapasaya ka lang mahal ko pangako di magbabago dahil sa gusto kita at dahil sa mahal kita kaya kapag sinagot mo na ko kapag pwede ko nang ipagsigawan sa mundo na ang akin ka pagmamayari na kita mahal ko susulitin ko ang mga sandali kahit hindi madali kaya kapag may sumubok na agawin ka 

 La-laban ako pero sinta wag ka naman sana maakit sa iba oo lalaban ako pero dapat dalawa tayo wag ka sanang magpatukso kaya kong lumaban kaya kong makipagpatayan kaya ko oo kaya sana ikaw din kayanin mo ayoko ko kasing mawala ka maagaw ka dahil nga sa gusto kita at mahal kita dahil 

 Ma-mahalin kita ng walang takot at walang humpay walang halong biro wala halong pangloloko maniwala ka lahat ng ito ay tunay mamahalin kita ng higit  pa sa iba ipagdadamot kita sa lahat ng nakikita ng aking mata kaya heto ako 

 Na- nanalangin na mali ang mga naririnig ko mahal sabi ko wag kang magpapatukso sabi ko sa sarili ko baka hindi naman totoo pero 

 O-o nakita ko nakita kita may kayakap ng iba ang sabi mo ako lang wala ng iba pero sino yun sinta pero inisip ko baka kaibigan mo lang pala kaso paglapit ko kasunod ng pagsabi mo patawad ngunit ayoko na gusto ko magwala gusto kong magalit ngunit naisip ko para saan pa oo mahal sanay ako lumaban ngunit ang hirap ng ako lang yung lumaban at ang sakit ng hindi ako pinaglaban kaya kahit masakit ang lahat ng ito

 Pa-palayain pa rin kita pasasalamatan kita ngunit papatawarin mo rin dapat ako salamat sa iyong paglayo at patawad sa patuloy kong paglapit salamat sa pagbitaw at patawad sa patuloy kong pagkapit salamat sa saya at patawad sa patuloy kong pagdama ng sakit kaya kahit ganito papatawarin parin kita dahil mahal, mahal pa rin kita

 Ra-ragasa ang dugo ramdam ko ang sakit at pighati ramdam ko ang hindi mo dito pananatili at ramdam ko ang bawat sugat sa puso ko ramdam ko kung gaano kalalim ang hiwa ng mga ito ngunit di ko alam kung gaano katagal bago maghilom ang mga ito kaya kapag nagkita muli tayo 

 Sa-sabihin ko salamat sa lahat sa pagiging hindi tapat sa pagiwan ng lahat ng sugat at sa huling pagkakataon sasabihin ko mahal pa rin kita oo sinta umaasa pa rin ako oo ang tanga ko aminado ako kase sinta mahal na mahal pa rin kita pero

 Ta-tanggapin ko na, na wala ng  ikaw at ako sa kwento nating binuo wala na ang matatawag nating hanggang dulo pagkat ang sinumpaang hanggang dulo ay matagal na pala natapos ang mga ito kaya mula ngayon 

 U-unahin ko naman ang sarili ko pipilitin ko intindihin naman ang sarili ko uunawain kita sa hindi mo pagsama uunawain kita sa hindi mo pagdama uunawain kita sa hindi mo pagdinig sa sinabi kong mahal kita at uunawin kita sa pagsabi mo ng ayoko na kaya para malimot ka 

 Wa-wasakin ko ang mga salitang aking binuo mga salitang nagtugma sa pangalan mo para makalimot na para makalimutan ka pero ito ang tandaan mo na gusto pa rin kita at mahal pa rin kita kaya sa huling pagkakataon sa pagtatapos ng sinulat kong tula

Mahal, nandyan ka pa ba? Tara lapitan mo ko at kwentuhan mo ko Tara, dito ka, sa tabi ko, kwentuhan mo ako ng mga bagay, kahit nakakatawa kahit lungkot , o kahit mga hinanakit, at kahit magluha pa ng dulot ng sakit. Tara dito mahal Kwentuhan mo ako, at iintindihin ko. 

Iintindihin ko katulad ng pag intindi sa mga ginagawa natin noon, Iintindihin ko katulad ng pag intindi mo sa akin na umaabot ng alasdos imedya ng madaling araw, kakwentuhan ako, Iintindihin ko ang bawat detalye na ilalahad ng isipan mo, gaya ng ginagawa ko sayo hanggang ngayon. Hindi ba’t parang napakalayo ng noon, sa ngayon. Pansin mo ba? Ramdam mo ba?

Dahil alam mo ba noon, nasanay ako, na sa kada umagang gigising ako, ikaw agad ang pumapasok sa isip ko, minamahal ako, mas higit sa inaakala ko, mas higit sa pinapadama ko, at mas higit sa dati mo. Anong saya ang nararamdaman ko na sa kada umagang didilat ako, maiisip kong may isang lalake, naghihintay na dumating ang umaga, para mahalin ako ng walang kakupaskupas, sa napakaraming bukas.

Pero noon iyon, dahil ngayon, alam mo ba, nasanay ako, na sa kada umagang gigising ako, gumigising akong ikaw ang pumapasok sa isipan, subalit hindi malagyan ng ngiti ang mukha, hindi malagyan ng bahid ng pagmamahal, dahil puro takot, at sakit, ang sumasakal sa pagdilat ko. Puro takot at sakit, sumasakal sa isipan ko. Bakit? Gusto ko ng sagot, bakit ba ako nagkakaganito? Nais ko lang namang hingan ng mga kasagutan, kasagutan mula sa iyo, mula sa isip mo, puro at totoo. Mahal, sagutin mo ako, ikaw ba'y nagbago na? Nakalimot ka na ba sa dati nating gawi? Ikaw ba'y nagsawa na sa dati nating ginagawa? Na ang oras ay para lamang sa isa’t isa, at hindi sa iba. Na ang isipan ay para lang sa pagmamahal, at hindi laan para sa mga sagabal.

Bigyan mo ako ng kasagutan, mahal.. sa gawa, at kahit hindi na sa salita..

Bigyan mo ako ng palatandaan, na hindi mo pinagsisisihang mahalin ako.. sa gawa, at kahit hindi na sa salita..

Bigyan mo ako ng senyas na hindi mo ako bibitawan.. sa gawa, at kahit hindi na sa salita..

Bigyan mo ako ng pagmamahal, mahal, gusto ko ng pagmamahal, mula sa iyo, buong buo, at walang tinatago.. sa gawa, at kahit hindi na sa salita..

Ngayon, habang dumadaloy ang mga luhang sabik na magpapunas sa mga kamay mo, habang dumadaloy ang mga luhang nagnananais na mapatahan ng pag-ibig mo.. Tatanungin ulit kita, sa huling pagkakataon na mabasa o marinig mong muli, tatanungin ulit kita..

Muntik na kong maniwala sa super hero

yung may mga kakaibang lakas na meron ang mga ito

Muntik na kong maniwala sa mga multo

yung sa gabing madilim tila may mga nakatitig na mga mata sa sulok ng kwarto ko

Muntik na kong maniwala na may iba pang nilalang sa labas ng ating mundo

yung mga nilalang na kaya daw na ubusin at sakupin tayo

at muntik na rin akong maniwala na meron masayang kwento mula saken hanggang sayo

Muntik na kong maniwala na tayo hanggang dulo

Kaso ayun mahal maikli lang pala yung dulo

ang dulo na akala ko hanggang sa huling paghinga meron ikaw at ako

pero nagkamali ako 

ang dulong akala ko hanggang sa huli tayo

ang dulo pala na matatawag na tama na dito

akala ko kase sapat na yung ako

akala ko okay lang at masaya na tayo

akala ko lang pala ang mga ito

dahil yung pagaakala ko ng mga bagay na ito

ito rin pala ang dahilan para iwan mo ako

Oo iniwan mo ko, umiiyak nasaktan at hanggang ngayon nagdurugo

Oo nagdurugo ng nagdurugo dahil ang hanap parin nitong puso ay ang tulad mo

Pero hindi na ko ang hanap ng tulad mo.

Mahal mababaliw na ko

yung tipong mapapatulala nalang at mapapaisip bigla ng minahal mo ba talaga ako?

kahit sa mga saglit naging masaya ka kaya sa piling ko?

kase kung hindi bakit kapa napunta sa iba?

may mali ba kong nagawa?

bakit wala na ako sa mga kwento mo bakit ang meron nalang ay ang siya

mahal sana ako nalang siya 

sana ako nalang ulit yung lagi mong kasama 

sana ako nalang ulit yung babatiin mo ng mga

mahal maganda umaga

mahal kumain kana

mahal mag iingat ka

mahal makanig ka mahal na mahal kita

kaso wala eh ang bilis wala na kong parte sa kwento mo kase nandyan na siya

kaya ang tanong ko nalang sa sarili ako ba ay minahal mo talaga?

oh ginawa mo lang daan para makapiling siya? 

dahil mahal muntik na kong maniwala na tayo lang talaga

muntik na kong maniwala sa walang hanggang tayong dalawa

ang sakit sakit talaga kase

Binibini sakin ikaw ay tumingin

ako ay mayroon sayong sasabihin

at sana mahal ako ay iyong seryosohin

katulad ng mga asignaturang nagpapahirap sa akin

kasabay ng pag ihip ng hangin 

sa gabi na kay lamig 

sa bilis ng tibok nitong dibdib

sa dibdib na dito nagmumula ang aking pag ibig

pakinggan mo mahal ang lumalabas sa aking bibig

ang tanging sasabihin ikaw lang ang aking iibigin

kasi mahal ang sarap tumitig sa iyong mata

tila ba’y kapag akoy nakatitig dito para rin akong natitig sa mga tala

talang nagbibigay sigla galaw at saya

ikaw kase yung tipong makita lang kita ako ay tuwang tuwa na

sabihin mo na ang babaw na aking kaligayahan

pero ito talaga ang aking nararamdaman

pagmamahal na sayo ilalaan

pakinggan mo sana aking mga gustong sabihin

mahal kahit di mo pa ko kilala

hindi tayo ganun magkilalang dalawa

pero hindi ako yung taong nagmamakaawa

ako yung taong sumeseryoso

taong nagmamahal ng totoo

kayang magmahal ng todo todo

na ang pagmamahal na ilalay sa iyo

mahal akoy lapitan mo

ay mali pala ako ako ang lalapit sayo

at magpapakilala ako

sasabihin sayo na ako yung taong may gusto sayo

pero sana wag kang lumayo

dahil baka ang mundo ko ay gumuho

ang pinapangarap na ikaw

ang baka bigla nalang matunaw

kaya ito ang kinakatakot ko

ang ipagtapat ang totoo

totoong nararamdaman para sa iyo

kasi baka nga ikay saken lumayo

kaya sa tulang ito

idadaan ang tunay na nararamdaman ko

na may gusto ako sa isang tulad mo

gusto na hindi dahil sa kailangan ko 

kundi gusto dahil sa mahal ko

kaya sana mapansin mo

ang isang tulad ko

mahal ko

akoy nandito

“Mahal pa rin kita”

apat na salita labing apat na lettra

salitang gusto kong iparinig sayong tenga 

iparinig at sabihing mahal, mahal pa rin kita

kahit masakit na 

kahit akoy nahihirapan na

nandito pa rin ako naghihintay ng mga tala

tala sa kalangitan sa taas sa kalawakan

na nananalangin na ang hiling ko sanay pagbigyan

kasi mahal, mahal pa rin kita

dinggin sanay ngayong pasko ang aking mga dalangin

sanay ako parin ang iyong piliin

kahit anong hirap o bilis ay aking hahabulin

kasi mahal di mo naman sinabi na tayoy maglalaro ng habulan o tayaan

yung tipong yung ako taya sa sobrang bilis mo ay hindi kita mahabol

kaya heto akoy iyong iniwan

ang daya mo kasi hindi mo naman sinabi sa akin na ganyan ka kabilis

kasing bilis ng ating pagmamahalan

pagmamahalan na nagsumpaan na walang iwanan

pero ikaw ang bumali sa ating usapan

akoy iyong iniwan sa gitna ng daan

kasabay ng paglubog ng araw sa labas ng mundo o kalawakan

kasabay ng pagdilim ng kapaligiran

kasabay ang pagiyak ng kalangitan

ama, akoy iyong bigyan ng kalakasan

bigyan ng pag asa sa kinabukasan

at gisingin sa katotohanan

na wala ng maari pang mabalikan

kahit alam ko na naman na wala talaga

hindi ko alam kung bakit pinipilit ko pa

dahil nga ata sa mahal pa rin kita

Oo mahal pa rin kita 

pero tama na

tigil na mahirap na

akoy nasasaktan na

naisip ko hindi ako sundalo

na handa kong ipaglaban ang relasyon naten hanggang dulo

pero matagal ng natapos ang dulo

pero mahal akoy naniniwala pa rin sa sinabi mong mahal mo ko

pero mahal pakinggan mo

mas naniwala ako sa salitang iiwan mo rin pala ako

dahil sa sinabi mo

na hihintayin mo ko

kailangan mo ko

at higit sa lahat mahal mo ko

ngayon malinaw na saken na kasinungalingan ito

mahal ko...

Nandito tayo sa pagitan ng meron ba o wala

di ko alam kung bakit dumating tayo sa puntong ito

na natatakot nangangamba sa kung anong meron na tayo

meron nga bang tayo?

hahaha oo nga wala palang tayo

pero bakit ganito 

ang hirap ng walang kasiguraduhan

saksi ang lahat pati ang kalawakan 

sa taas o sa kalangitan

o handang sisidin ang pinakamalalim na karagatan

mahal ano nga ba tayo?

ang hirap kase ng ganito

sabi mo mahal mo ko hihintayin mo ko

pero bakit walang tayo?

nakakaloko nakakasira ng ulo

yung tipong gusto kong ipagdamot ang tulad mo

kaso hindi ko magawa 

tanong sa aking sarili bakita nga ba?

dahil nga sa walang tayo mahal ko

mahal ko akoy pakinggan mo

gusto kong magkaroon ng tayo

dahil sa sinabi mong mahal mo rin ako

ang hirap ng label na sinasabi nila

ang pag ibig ba ay isang damit na kailangan ng label yan ang tanong ko sa kanila?

pero naisip ko tama sila

tamang kailangan kita dahil sa mahal kita

gusto ko ng tapusin ito

tapusin ang mga tanong sa puso ko 

na ano nga ba tayo?

sagutin mo sana ng lubusan 

na parang pagisip mo sa maganda mong kinabukasan 

ayoko na kase ng larong tanga tangahan

ang hirap ng hindi kita pagmamay ari

ang hirap kase hindi ko alam kung akoy sayo at ikay saken ba o hindi

mahal ano nga ba tayo?

gusto ko sa iyo maggaling na merong tayo

tayo na gustong makamtan ko

hiling na sana makuha ko ang iyong sagot na oo

mahal ano nga ba tayo?

ako ba ang problema?

dahil hindi ko tinatanong kung maari bang magkaroon ng tayo sa pagitan nateng dalawa?

oo kasalanan ko yata

bakit nga ba hindi kita matanong ng ganyan

dahil ba akoy natatakot at sa aking kaduwagan

o dahil sa mga nakalipas o sa mga nagdaan

mahal patawad akoy nasaktan dahil nasaktan ako sa nakaraan

hirap simulan ng mga salitang gusto kong bitawan

na masabi sa iyo sa iyong harapan

ang pag asa sa akin ilaan

salitang oo na gusto kong marinig

marinig mula sa iyong bibig

at makamtan ang gusto kong pag ibig

Ang sarap sa pakiramdam ng may bumabati sayo iyo sa araw araw

Mahal gumising ka na 

Mahal kumain ka na

Mahal mag iingat ka 

Mga katagang ang sarap pakinggan galing sayo

pero mahal bakit hindi ko na marinig ang mga ito

ito na nagpapabuo sa araw ko

araw na masaya at ligaya kapag ikaw ang kausap nitong puso

kaso nagbago ang lahat ng ito

ang dating saya ay biglang naglaho

ikay bumitaw sa iyong pangako

pangakong ako lang ang mahahalin mo hanggang dulo

ngunit nandito na nga tayo sa dulo

oo nandito tayo handa ka ng bumitaw na sa kung anong meron tayo

“mahal mo kong gawin ito”

yan ang sampit ko sa iyo

ngunit anong ginawa mo?

ako’y tinalikuran mo

iniwan mo ko nagiisa dito

di alam kung magkakaroon pa ba ng tayo

tayo na, na tinapos mo

bakit mo pa ba kase dapat bitawan ang tulad ko?

ginawa ko naman lahat para iyo,

kulang paba ang lahat para mapasaya ang tulad mo?

ang dami kong tanong para sayo

ngunit sinong sasagot dahil sa wala ka na at tuluyan ng lumayo

sana pala hinigpitan ko ang kapit ko

baka sakali hindi ka bumitaw sa mga kamay ko

ngayon hindi ko na alam gagawin ko dahilan sa wala ka na sa piling ko

mahal hawakan mo ulit ang puso ko 

dahil ang pusong ito

mahal na mahal ka ng totoo.....

Bakit nga ba kailangan tayo masaktan?

sa nila natural lang ganitong karanasan,

kung hindi ka daw nagmahal ng hindi nasaktan ito ay isang kalokohan,

kalokohan? lagi nalang ba paglolokohan?

Oo, lokohan

lokohan na sumira sa ating pagmamahalan,

dahil hindi ka tapat sa ating pagsusumpaan,

nanabik ako sa mga salitan mong “hindi kita iiwan”

naniwala agad ako nung sinabi mo yan,

kase nga mahal kita kailan man

ngunit tanong pa rin sa aking sarili bakit ikay lumisan?

iniwan sa gitna ng daan,

na parang wala lang sayo ang ating pagmamahalan,

Mahal, sana iyong sagutin ang mga tanong sa isipan

tanong na makagagaan ng aking kalooban,

tanong sa sarili ano ba ang kamalian,

di ko lubos maisip kung bakit ganun ganun mo nalang ako iniwan,

iniwan ng walang dahilan,

dahilan na para mauwaan

dahilan upang payagan

at dahilan upang palayain ang ating pagmamahalan,

di ko alam kung ano, paano, kailan, saan 

ang isang tulad mo kase ang hirap kalimutan,

sayo kasi nakadama ng kasiyahan

ngunit sayo ko rin pala madadama ang kalungkutan,

lungkot na di dapat nadarama kung hindi sa pag iwan

ang iyong pagbalik ba ang aking kaligayahan?

O tama na ba itong aking katangahan?

mahal akoy iyong pakinggan....

Hindi kita iiwan salitang pinanghawakan ko

mga salitang hinihiling ko na magkatotoo,

dahil sa takot na iwan mo ang tulad ko

tulad ko na ano nga ba para sa iyo?

hindi ko alam kung ako ba ay mahalaga sayo

sayo na nananatili sa isip ko ang mga pangako mo,

pangako na walang kasiguraduhan na matutupad mo,

patawad kung nasasabi ko ang lahat ng ito

patawd kasi di mo masisisi kung takot tong aking puso

sa ginawa mong panloloko

sa oras na hiningi ko sayo

mga sandali na kailangan kita sa tabi ko

kailangan? oo kailangan kita

kase mahal kita

hindi sa paraan na mahal kita dahil sa kailangan kita 

dahil mahal kita dahil gusto kita

mahal iyong tuparin ang pangako

dahil nasasaktan ako kung alam mo

ngunit kung kailangan na talagang lumayo

iwan ako magisa dito

mga tanong sa isip ko

ano pa ba pagkukulang ko?

mahal tuparin mo ang pangako mo