Teymur Məmmədov`dan Sözün Səsi

Öz içinə çəkil sükutu dinlə Suların nəğməsi səssiz oxunar Sahildə bu dünya sənsiz, səninlə Əllərin o qıvrım saça toxunar

Ah çəkmə sahildə elə dərindən, Burda ləpədən də təsəlli um sən. Əyləş fikirlərin həndəvərində, Mehin sığalında gözünü yum sən

Sahil dənizdən nə qədər uzaqsa, yalqızlığa bir o qədər yaxın olur.

Nə yaxşı ki, payız var.. Yay xatirələrini yaşatmaq üçün...

Qar dənəsi kimi astaca bir könül sarayına enmək və əriməmək... Amma soyutmaq üçün deyil, isitmək üçün enmək.

Uzun gecələrdə yorğun fanarlar nə barədə susurlar?

Həyatı Yol Bərəkəti Qaydaları ilə yaşamaq daha gözəl ola bilir, deyə düşündüm....hətta dərviş olsam belə...

Susmaq heç də danışmamaq deyil ki... Susmaq içdən bağırmaqdır, Gözunden eşidəcəklər...bir gün

Göz yaşları ne vaxtsa demədiyin, bəlkə də deyə bilmədiyin sözlərdir. Bir səhər şehi damlası kimi yanaşında parlasıdır.

Səadətin ömrü azdır, Amma...amma... Əbədiyyət qədər uzundur sanki.