Nostalgia

واتغيّرت شوية شوية..

اتغيّرت ومش بايديا وبديت أطوي حنيني اليك

وأكره ضعفي وصبري عليك واخترت ابعد وعرفت أعند

المهم ان ببقا فاهمه نفسي وفاهمه ان ايه التناقض ده ؟!

او ايه المشاعر المتلخبطه دي

بقالى فترة كبيرة فكرت انى انقل من الإدارة اللى انا فيها

وده لأن مديري توكسيك جدا وكل الصفات السيئة فيه

ف بالفعل عملت كدا وجالى قرار بنقلى لإداره تانية

ف المفروض انبسط بقا ! لكن ازاي لأ طبعا

طول اليوم عيونى ترغرغ عياط وخضه وخوف

اللى هوا انا عارفه ان كنت هنقل بل انا اللى طالبه لكن مكنتش متخيله اللحظه الواقعيه

كمان كنت فاكره ان مديري هيحارب ان ازاي امشي لقيته تنازل عنى بكل سهوله ف ده ادانى شعور سئ

مش لأن كنت مستنياهم يفتقدوني والكلام اللى كله فيلينج ده لأه ده عشان بس انا مدركه ان هو رغم انه توكسيك اد الدنيا الأ انه بيتغذى على مجهودي ف بدونى هيحس انه انكشف

وازاي هفكر قبل ما أحب

والحب أسرع من التفكير

يا اللي أنت قلبك ياما أذاك

تهرب لفين من شيء جواك

وتخبي نفسك فين من الحب

كل السكك بتودي هناك

وهناك.. سلمنا روحنا لناس خاينين

مشيوا وسابولنا بواقي حنين

وعكروا ليلنا الحالم

هناك.. ياما عيشنا نتألم في سكوت

مع ناس عملناهم بيوت

وهما عملونا سلالم

واسيب هناك وارجع هنا

ألقى فضا ووحدة وملل

تقابلني صدفة حنينة

يغريني من تاني الأمل

الحب بالصورة اللي في بالك

مالهوش وجود إلا في خيالك

ولو رجع بيك الزمن

هيدفعك نفس التمن

سوء اختيار وطول انتظار وعيشة ما بين وحدة ولقا