ShuttersLand

By @shuttersland

Cairo from above .. 

" أنا عندى 28 سنة .. يعنى عدى ليا حوالى 10,100 يوم من غير ما أكون إتجوزت أو إستقريت و كونت أسرة و خلفت طفل أو إتنين .. فيه ناس كتير هاتشوف إن دى حاجة وحشة .. إن العمر بيجرى بيا .. إنى ضيعت وقت طويل بنات كتير مش مستعدين يضيعوه و هم مستنيين الشخص المثالى اللى مابيجيش .. مافيش حد مثالى .. مافيش حد كامل .. مش هاتلاقى اللى على مزاجك .. خدى اللى شاريكى .. خدى اللى هايعيشك عيشة مرتاحة .. مش مهم تحبى قبل الجواز .. العِشرة بتولد الحب .. كلام كبير .. و بيخوف .. و بيجيب نتيجة بس أنا إستنيت .. و إستنيت .. ماكنتش متأكدة إنى هلاقى الشخص المثالى أنا كمان .. بس إستنيت .. إحتكيت بناس كتير .. و جه قدامى الشخص المناسب .. بس ماكنش كفاية .. كنت عايزة المثالى .. مش هاقبل غير بيه .. و إستنيت .. لحد ما لقيته فى يوم بيدخل حياتى على إستحياء .. و مع الوقت بيتحول من مجرد صديق بحب أتكلم معاه و بستناه يكون أونلاين بالساعات لـ كل حاجة فى حياتى بجملة "أنا بحبك" .. ساعتها بس عرفت أنا ليه كنت مستنية كل ده .. و عرفت حجم الندم اللى كنت ممكن أندمه لو كنت رضيت بالمتاح و بالمناسب .. عرفت يعنى إيه إنك تصبر و تنول .. تلاقى كل اللى إنت محتاجه و حاجات ماكنتش تتخيل حتى إنك محتاجها لما حد بيتكلم معايا و الكلام بيروح بينا للإرتباط و للجواز بيبقى كل تفكيرى منصب فى إتجاه واحد .. إن ماينفعش ترتبطوا غير باللى تحسوا معاهم إنكم أصحابهم .. اللى تحسوا معاهم إن روحكم واحدة .. اللى تقدروا تبقوا معاهم على طبيعيتكم لأقصى درجة ممكنة .. اللى يتفهموا تصرفاتكم بطريقة عمركم ماكنتوا تحلموا بيها .. اللى بيفهموا كلامكم و هزاركم .. اللى ماتبقوش محتاجين تتلونوا أو تتقلوا عالرز علشان تعجبوهم و الصنارة تغمز .. اللى شبهكم فى حاجات كتير .. اللى ميولهم تتماشى مع ميولكم فى كل حاجة .. اللى تحسوا إن الحياة مش نافعة من غيرهم .. اللى ماتقدروش تستبدلوهم بأى حد بس تقدروا تستبدلوا أى حد بيهم .. اللى يتقبلوكم زى مانتم .. اللى بيقوا فخورين بيكم قدام الدنيا كلها .. ماتتنازلوش عن الإحساس ده مهما كان التمن .. و مهما إتأخر عليكم الحد ده .. ماتقبلوش بالمتاح لمجرد خوفكم من الوقت و جريان العمر .. ماتضيعوش أبداً فرصه إنكم تقابلوا نصكم التانى .. لإنكم لو ضيعتوها ساعتها هاتعرفوا معنى الندم اللى بجد "

Photo by @ahmedsaadsm Follow on instagram @ahmedsaadsm

Photo by @ahmedsaadsm

“أيام مولانا السلطان الملك الناصر .. ناصر الدنيا والدين”

مسجد الرفاعي أحد مساجد القاهرة الأثريّة، شيد عام 1329 هجرية الموافق لعام 1911 ميلادية. يتميز المسجد بالتفاصيل الدقيقة في الزخارف على الحوائط الخارجية والعمدان العملاقة عند البوابة الخارجية. وقد استمر بناء هذا المسجد 40 عام. و يحتوي مسجد الرفاعي على العديد من مقابر أكثر أفراد الأسر الحاكمة في مصر لهذا أصرت خوشيار هانم والدة الخيديوي إسماعيل على بنائه وكلفت أكبر مهندسي مصر (في وقته) حسين فهمي باشا بتصميمه. ويوجد بداخل المسجد قبر الملك فاروق الأول، والخديوي إسماعيل ووالدته