مشاعري

والحالة ال انا فيها

افكر وافكر

واحس بعجز كبير

عن ترجمة كل المشاعر

والافكار ال واكله دماغي

الا بتنهيده يئس

بقالي كام يوم بشوف كارم (ال صوته في الفيديو) بشكل مستمر وبنقضى معاه اليوم كله وهو بيلف بينا بعربيته وكان بيغلس عليا كتير اوي بس بصراحه مكنتش بضايق، واد غلبان بس بيحب يفتي كتير، كنا متفقين بقا هيعلمني السواقه قريب وهو كان مستني عشان عايز يضحك

المهم امبارح اهلي كلموه عشان يجي يطلع بينا مشوار والمشوار ده مكنش على مزاجي خالص ف قبل مانام اتصلت بيه وقولتله حاول متجيش وقالي لو تعرفي انتي تخلعيني منه يبقا احسن وقعدنا نفكر في حجج وحاولنا بجد بس انا وهو معرفناش وصمموا يطلعو المشوار ده بردو وجالنا الصبح عشان ياخدنا

انا بعد ما كنت متفقه هروح معاهم صحيت الصبح مقرره مش هروح وزعلو مني وبتاع مع ان كان وجودي مهم بس انا عارفه اني هتبهدل في مشوار القاهره ده لانه تقيل على قلبي اوي، وكنت بدعي ربنا يغيروا رأيهم هما كمان عشان مش عايزاهم يروحوا من غيري ومشوفتهمش وهما رايحين ..

بعد كام ساعه كلمني حد قالي انهم عملو حادثه وراحوا المستشفى

وكارم اتوفى

لحد دلوقتي مش مستوعبه ولا حد مستوعب