Rau Koj

Muab ua ib zaj dab neeg hlub nrog koj, rau koj. Muaj hnub, muaj hmoo, cia rau koj tau qhia rau cov menyuam tias lawv niam txoj kev kuv hlub nrog lawv txiv thau pib mus rau thau xaus zoo li cas. Muab koj nco ntsoov cia, tias koj yog kuv tawj tug, tias koj yog tus ua rau kuv muaj kev kaj siab rau kev hlub, tias koj yog tus ua rau kuv mob siab rau kev hlub. Vim yog muaj koj, kuv thiab li paub luag ntxhis, vim muaj koj kuv thiab li paub txoj kev kib, txoj kev chim. Vim muaj koj ua tus tias hlub kuv, kuv thiab li tig los hlub koj thiab. Tab, vim kuv paub txoj kev hlub ua koj zais cia, yog lwm tias, muaj tseeb tiag, kuv thov kom kuv txhob rov los pom los paub, los ntsib koj dua zau ob. Cia kuv tau hlub tau ua koj tug rau tias no xwb, es lwm tias, koj thiab li mus ua koj lub neej raws li koj siab xav, rau li koj siab ntsaws. Tej yam ua muaj rau qhov blog no, yog tej sib hawm ua koj tau ua rau kuv mob siab, chim siab, tu siab, thiab yog muaj hmoo, kaj siab thiab.Ua tsaug rau koj lub sib hawm hlub nrog kuv txog txij tsis muaj hnub. Kuv txoj kev hlub nrog koj yog ib yam ua mob thiab kaj tshaj li, tsis muaj lwm yam yuav paub tau. Kuv hlub koj os. Txoj kev hlub nrog koj mus me ntsi li no: Thau pib, kuv twb muaj qhov nyiam koj lawm, tab ntshai tsam in tug tubhluas zoo nraug loj hlob li koj yuav tsis muaj siab hlub ib tug neeg tsis zoo nkauj tsis ntxim hlub li kuv. Thiab, ib tugtubhluas zoo li koj yog tsis tau muaj dua tushlub ces yuav tsis txaus ntseeg. Kuv xav lawm tias, tib neeg cyoob leej seev nkauj hmoob nplog lub cev dawb paug mom nyoom, hais lus qab zib es tog koj no, yuav cas paub nyiam kuv. Kuv yog ntxhais kawm ntawv, kawm tsis txawj ntaub txawj ntawv, tseem khwv tsis tau nyiaj, yog koj ho hlub no ces tej zaum kuv xav yuam kev xwb. Thaum pom tias koj tsis tau muaj tug, ces siab loj zog los nrog koj tham ua si. Nrhiav tau koj muaj lub siab los ua koj tushlub, sib dag, sib zem kom hnub txhob ntev. Nrog koj zov hmo thiab tsis laj pw. Vim koj los lus zoo, koj cyov lus ntxias, kuv thiab li xav tias, yog tau hlub lawm tiag, yuav yog ib qho yam zoo xwb. Hos yog muaj hnub twg, koj tsis xav hlub kuv lawm los, ua zoo qhia xwb, kuv yeej yuav tsis txwv tsis cyeem vim loj lub siab kaj yog qhov kuv xav rau koj xwb. Tham mus ntev, kuv qaug kev hlub rau koj lawm tiag. Kuv hais, kuv thov, kom koj yog koj tsis hlub kuv tiag, thov koj muab kuv tso thau ntxov es lwm hnub lub siab thiab tsis mob. Txawm tias kuv hais lo lu no rau koj los, vim koj los xav ib yam thiab kuv thiab li tau luag hlub nrog koj mentsi. Thaum pib kev hlub nrog koj, kuv yeej ntshai koj heev, vim tsis nto ob hnub xwb, koj twb hais tias koj hlub koj nco lawm. Yeem ntxov hlub, yeem ntxov tso. Ib xyoos dhau mus lawm yuav ze ob xyoos, muaj ib tug hluas nkauj pib los mus nyob rau hau koj tej duab, koj lub sib hawm. Thau pib, kuv tsis xav ntau, tab tus hluasnkauj no, neb twb sib tham los tau ntev lawm. Kuv thiab li rov thov koj, kom wb txhob sib dag hlub li no mus lawm, vim koj twb muaj nws puag zo2 thiab nws yog tus ua koj nco es cia kuv ua tus tso koj, vim kuv yog tus nyob deb. Tsis ntev, kuv hu tuaj rau koj, tab hu mus rau nws lawm. Koj yeej tsis kam hais qhia rau kuv li tias neb yeej muaj kev hlub dua lawm, koj tsuas tias neb uog phooj ywg xwb. Tab kuv tsis ruam, kuv paub zoo, kuv thiab li xav tias, kav liam. Hlub nrog koj li no, es cia kuv ib leeg ua tus tos lub cyaij wb sib ntsib lawm xwb, kev kav liam, kuv mas ua ib siab tso cia. Txawm koj yog tawj tug ua kuv tau qhia kuv tej phooj tej yug tias muaj koj lawm, thiab qhia rau kuv tsev neeg tias kuv tham koj no lawm lo, xijpeem. Vim koj tsis nyias, tsis hlub tiag li koj lo lus dag, koj lo lu ntxias. Koj plam ntawm kuv mus lawm zujzus. Kuv hu, koj tsis txais. Kuv sau, koj tsis teb. Koj mus nrog koj tus qub hluas nkauj lawm lom2 zem, koj yuav tsis nco kuv lawm. Lub xyoo yuav tag, kuv ua ib siab lawm tiag. Kuv tsis hu, tsis nrhiav koj li qub lawm. Kuv muab kuv lub siab ua hlub nrog koj tso mus. Kub muab wb tej duab, wb tej lus sau, wb tej kev npau sua, tias yuav muaj ib hnub tau sibntsib cyuam pov tseg yam li tsis muaj dabtsis. Vim koj puag tau luag rau kuv saib kuv ntsias lawm, cev kuv no, tsis muaj nqis rau koj lawm. Koj tuas kuv txoj kev cia siab tias yuav muaj koj ib hnub. Koj tuas tau kuv lub siab tias si ho mus hlub lwm tus. Thau no, kuv yeej xav lawm tias kuv yog tus ruam, thiab yog kuv hlub thiab vwm rau koj dhau heev lawm xwb. Sib hlub, ib leeg nyob ib sab ntuj li wb no, koj yuav cas muaj lub siab hlub kuv tiag. Hmo ntawv, mus rau tagkis. Kuv txias txim siab, txhob muaj koj los khuam kuv siab lawm. Hmo ntawv, kuv lub siab lub kua muag poob tsis txawj tag. Hmo ntawv,pw tsis tsaug zog. Pw da luam xwb. Kuv xav tamzaj tamzog, tis txawm kuv lub kua muag yuav poob noau cas los koj nyob luag ntxi lawm, ces twb yog kuv ib yam kev npau suav lawm thiab. Txawm tsis yog kuv ua yuav ua tau koj zoo siab lawm, lo koj zoo siab lawm ces, kavliam. Hmo ntawv mus rau tagkis, lub siab xav kom twb txhob ua li, tab ua lawm tag, tag lawm. Hnub dhau mus, tsis hnov tshaib, tsis hnov nqis, ua cyaug li tsis paub dabtsis. Nyiaj hnub mus pob zog kom txhoj hnov qab nco koj.