writings | sufism

Ek baar maine apne college professor se pucha ki "khushkismat kon hai vo jiskay pas daulat to nahin lekin maa- baap Bhai - behen ,shauhar - biwi, aulad ki mohabbat hasil hai ya phir vo jiskay pas isme se kuch bhi nahin lekin usko duniya ki tamam asayishein mayassar hai , vo jo chahe kha sakta hai, kharid sakta hai, pehen sakta hai ,duniya se apni har baat manwa sakta hai , usko pricetag dekh k khareedne ki zarurat nahin hoti," akhir dono mein se khushkismat kon hai., the answer my professor gave still roams in my head at midnight ....., he replied " jiskay pas insab mein se kuch bhi haasil nahin phir bhi vo shukrguzari ki zindagi guzarta hai beghair parwardigaar se kisi shikayat kay vo khushkismat hai."

Jis ko tu janti thi.,

Manto kehte hain ke aurat kabhi badsoorat nahin hoti. Krishan Chander ne likha ke tum woh aurat ho jiske liye shayar sher kehte hain. Siyasatdan jhoot bolte hain, tajir black market karte hain, aur molvi aur pandit maatha ragad ragad kar Khuda ko yaad karte hain. Tumhare liye insaan ne keeron se resham manga, bhoori mitti se kaanch paida kiya, dharti ki chhaati mein ghus kar sona nikala, paani mein doob kar moti talaash kiye. Tumhare liye insaan ne ghar banaya, ghar ke gird baagh lagaya, baagh mein phool khilaye, aur phoolon ko tod kar tumhare baalon mein taank diya. Aur tum jo har insaan ki aarzu ki khushboo ho, khushboo ka asal ho, to phir tum roti kyun ho? Saghir Siddiqui ka sher hai: agar bazm-e-hasti mein aurat na hoti, khayalon ki rangeen jannat na hoti. Aur Iqbal ne likha ke wujood-e-zan se hai tasveer-e-kainaat mein rang, isi ke saaz se hai zindagi ka soz-e-daroon.

.