PUBLIC MARATHI

ज्येष्ठ पत्रकार, सामाजिक कार्यकर्ते आणि स्वातंत्र्यसेनानी वसंत उर्फ अण्णा केसरकर यांचा ८० वा वाढदिवस अर्थान सथाभिषेक सोहळा सावंतवाडी तालुका पत्रकार संघाच्या वतीने मोठ्या उत्साहात साजरा करण्यात आला. त्यांच्या ८० व्या वाढदिवसाचे औचित्य साधून वृक्षारोपण आणि ८० सुपारी रोपांचे वाटप यावेळी करण्यात आले. अण्णा केसरकर यांच्या कारिवडे येथील निवासस्थानी हा अभिष्टचिंतन सोहळा पार पडला. यावेळी शिवसेना जिल्हाप्रमुख, सीमाभाग लढ्यासह सामाजिक व पत्रकारिता क्षेत्रातील अण्णा केसरकर यांच्या कार्याला उजाळा देण्यात आला. मराठी पत्रकार परिषदेचे माजी अध्यक्ष जेष्ठ पत्रकार गजानन नाईक, मोहन जाधव, अभिमन्यू लोंढे, पत्रकार संघाचे अध्यक्ष सचिन रेडकर, माजी अध्यक्ष विजय देसाई, राजेश मोंडकर, व्हॉइस मीडियाचे जिल्हाध्यक्ष प्रा. रूपेश पाटील, ज्येष्ठ महिला पत्रकार मंगल कामत आदींनी मनोगत व्यक्त करत शुभेच्छा दिल्या. राज्याचे मत्स्यव्यवसाय व बंदरे विकास मंत्री तथा जिल्ह्याचे पालकमंत्री नितेश राणे, मंत्री छगन भुजबळ यांनी फोनवरून अण्णांना शुभेच्छा दिल्या. तसेच उपस्थित सर्व पत्रकार मित्रांनी देखील अण्णांना शुभेच्छा दिल्या. केक कापून वाढदिवस साजरा करण्यात आला. यावेळी उपस्थितांना श्री. केसरकर यांच्या हस्ते सुपारीच्या रोपांचे वाटप करण्यात आले. याप्रसंगी सिंधुदुर्ग जिल्हा पत्रकार संघ, मराठी पत्रकार परिषद आणि सावंतवाडी तालुका पत्रकार संघाच्या वतीने अण्णा केसरकर यांचा सन्मान करण्यात आला. अण्णा केसरकर यांनी उपस्थितांचे आभार व्यक्त करताना आजच्या पत्रकारितेत टिकून राहून निर्भिड व निःपक्षपातीपणे पत्रकारिता कशी करावी, याविषयी मार्गदर्शन केले. संघर्ष आणि संकटाला न घाबरता धीरोदात्तपणे तोंड देण्याचा संदेशही त्यांनी दिला.कार्यक्रमाचे प्रास्ताविक राजू तावडे यांनी केले, सूत्रसंचालन विनायक गांवस यांनी केले तर हर्षवर्धन धारणकर यांनी आभार मानले.यावेळी जिल्हा पत्रकार संघाचे अध्यक्ष उमेश तोरसकर, मराठी पत्रकार परिषदेचे माजी राज्य अध्यक्ष गजानन नाईक, सचिव बाळासाहेब खडपकर, उपाध्यक्ष संतोष राऊळ, तालुका पत्रकार संघाचे अध्यक्ष सचिन रेडकर, ज्येष्ठ पत्रकार अभिमन्यू लोंढे, माजी तालुकाध्यक्ष हरिश्चंद्र पवार, विजय देसाई, राजेश मोंडकर, राजू तावडे, प्रा. रुपेश पाटील, उपाध्यक्ष हर्षवर्धन धारणकर, मोहन जाधव, खजिनदार रामचंद्र कुडाळकर, सहसचिव विनायक गांवस, दीपक गांवकर, नागेश पाटील, नरेंद्र देशपांडे, मंगल कामत, उमेश सावंत, लुमा जाधव, रूपेश हिराप, अजित दळवी, संतोष परब, शैलैश मयेकर, आनंद धोंड, सिद्धेश सावंत, अनुजा कुडतरकर, जतिन भिसे, अनिल कुडाळकर, प्रशांत सावंत, साबाजी परब, सचिन केसरकर व त्यांचे कुटुंबिय आदी उपस्थित होते. Read the full article

करुळ घाटात गगनबावड्यापासून चार किमी अंतरावर चालत्या कंटेनरने पेट घेतला.हा प्रकार आज ता‌२८सकाळी साडे सात च्या सुमारास घडला.यात कंटेनरची कॅबिन पुर्णत जळाली.रस्त्याच्या मधोमध हा कंटेनर असल्यामुळे तळेरे-कोल्हापुर महामार्गावरील वाहतुक दोन तास ठप्प झाली.या आगीत कंटेनरचे २५ लाखांचे नुकसान झाले आहे. कोल्हापुर येथील गणेश खिलारी यांच्या मालकीच्या कंटेनरने चालक युसूब उमर शेख (वय-२६)हे चालक डोजर मशीन आणण्यासाठी २७मे ला बांदा येथे गेला होता.बांदा येथे डोजर मशीन कंटेनरमध्ये भरून तो तळेरे-वैभववाडी मार्गे कोल्हापुरच्या दिशेने निघाला होता.आज ता.२८रोजी सकाळी सात वाजण्याच्या सुमारास तो करूळ घाटात पोहोचला.गगनबावड्यापासुन चार किलोमीटर अतंर शिल्लक असताना कंटेनरमधुन धुर येत असल्याचे युसूबच्या लक्षात आले.त्यामुळे त्याने गाडीतुन उतरून पाहीले असता कॅबिननजीक आग लागल्याचे दिसुन आले.त्याने त्याच्याजवळ असलेल्या पाण्याच्या सहाय्याने आग विझविण्याचा प्रयत्न केला.परंतु आग आटोक्यात आली नाही.त्यामुळे त्याने ११२ वर कॉल करून मदत मागीतली.पेटता कंटेनर घाटरस्त्याच्या मधोमध असल्यामुळे या मार्गावरील वाहतुक ठप्प झाली.या घाटमार्गे सध्या मोठी वाहतुक असल्याने तासाभरात रस्त्याच्या दुतर्फा शेकडो वाहनांची रांग लागली. Read the full article

नुकतच शेतकरी म्हणून गणना झालेल्या राज्यातील मच्छीमारांसाठी आणखी एक आनंदाची बातमी असून राज्य सहकारी बँकेने मच्छीमारांसाठी एक हजार कोटी रुपयांची तरतूद केली आहे.राज्य सहकारी बँकेच्या कार्यालयात झालेल्या बैठकीत ही घोषणा करण्यात आली.या बैठकीला मत्स्यविकास मंत्री नितेश राणे , पदुमचे सचिव डॉ रामास्वामी एन,मत्स्यआयुक्त किशोर तावडे,राज्य सहकारी बँकेचे मुख्य प्रशासक विद्याधर अनासकर,व्यवस्थापकीय संचालक दिलीप दिघे व अन्य अधिकारी यांच्यासह सिंधुदुर्ग जिल्हा बँकेचे अध्यक्ष मनीष दळवी उपस्थित होते. मत्स्य विभागाला कृषीचा दर्जा मिळाल्यानंतर मच्छीमारांचे जीवनमान आणखी उंचावे यासाठी मत्स्यविकास मंत्री नितेश राणे प्रयत्नशील आहेत.त्याच माध्यमातून आजच्या या बैठकीचे आयोजन करण्यात आले होते.या बैठकीत मच्छीमारांना आधुनिक बोटींसाठी, अवजारांसाठी,कोल्ड स्टोअरेजसाठी, जाळ्यांसाठी अशा विविध कामांसाठी वित्तीय पुरवठ्याची गरज असते.यासाठी राज्य सहकारी बँकेच्या व जिल्हा बँकेच्या माध्यमातून कर्जपुरवठा करण्याच्या योजना आखण्याच्या सूचना मंत्री नितेश राणे यांनी केल्या.तसेच महिला मच्छीमारांसाठी प्रामुख्याने योजना बनवण्याच्या सूचना ही मंत्री राणे यांनी केल्या. राज्य सहकारी बँकेचे प्रशासक श्री अनासकर यांनी यावेळी मच्छीमारांना योग्य ते सहकार्य करण्याचे सांगत जास्तीत जास्त अर्थपुरवठा करण्याचा प्रयत्न केला जाईल असे आश्वासीत केले. Read the full article

वेंगुर्ले तालुक्यातील परुळेबाजार व मेढा ग्रामपंचायत अधिकारी शरद श्रीरंग शिंदे तसेच केळुस ग्रामपंचायत अधिकारी विवेक रमेश वजराटकर यांचा यशवंतराव चव्हाण पंचायत राज अभियान राज्यस्तरावर उल्लेखनीय कामगिरीबद्दल व राज्यस्तर ,आदर्श ग्रामपंचायत अधिकारी म्हणुन महाराष्ट्रचे राज्यपाल महामहिम सी.पी. राधाकृष्णन व ग्रामविकास मंत्री जयकुमार गोरे यांच्या हस्ते आणि ग्रामविकास व पंचायत राज राज्यमंत्री योगेश कदम व प्रधानसचिव एकनाथ ङवले यांच्या उपस्थितीत प्रमाणपत्र व सन्मान चिन्ह देऊन सन्मानित करण्यात आले. सिंधुदुर्ग जिल्ह्यातील वेंगुर्ले तालुक्यातील परुळेबाजार व मेढा ग्रामपंचायत अधिकारी शरद श्रीरंग शिंदे यांना सन २०२२ - २०२३ चा शासन आदर्श ग्रामपंचायत अधिकारी पुरस्कार जाहीर झाला होता. तर केळुस ग्रामपंचायत अधिकारी विवेक रमेश वजराटकर यांना सन २०२३ -२०२४ चा राज्यस्तरीय आदर्श ग्रामपंचायत अधिकारी पुरस्कार जाहीर झाला होता. या पुरस्काराचे वितरण राज्यपाल यांच्या हस्ते करण्यात आले. दोन्ही अधिकारी राज्यस्तरीय पुरस्काराने सन्मानित झाल्याने त्यांचे जिल्ह्यासह तालुकास्तरावरून अभिनंदन होत आहे. महाराष्ट्र राज्य शासनातर्फे जिल्हा परिषद स्तरावर उत्कृष्ट काम करणाऱ्या ग्रामपंचायत अधिकारी यांना दरवर्षी हा पुरस्कार देण्यात येतो. कोकण विभागातून व सिंधुदुर्ग जिल्ह्यातून त्यांना हा पुरस्कार जाहीर झाला होता. वेंगुर्ले पंचायत समितीचे गटविकास अधिकारी दिनेश पाटकर यांनी दोन्ही अधिकाऱ्यांचे खास कौतुक आणि अभिनंदन केले आहे. Read the full article

मळगाव गावचे ग्रामदैवत श्री देव मायापूर्वचारी व पंचायतन आणि परिवार देवतांच्या मूर्तींचा पुनःप्रतिष्ठापना सोहळा सोमवार २ जून ते गुरुवार ५ जून या कालावधीत आयोजित करण्यात आला आहे. या पवित्र धार्मिक सोहळ्यात सर्व ग्रामस्थ, माहेरवाशिणी, देणगीदार आणि भाविक भक्तगणांनी उत्साहात सहभागी होऊन महासोहळ्याची शोभा वाढवावी, तसेच दर्शन आणि महाप्रसादाचा लाभ घ्यावा, असे आवाहन मानकरी आणि ग्रामस्थ सोनुर्ली-मळगाव यांनी केले आहे. चार दिवसीय धार्मिक कार्यक्रमांची रूपरेषा: सोमवार, २ जून : प्रायश्चित्त विधी सकाळी देवाला नारळ ठेवणे, देवांची संमती घेणे, प्रायश्चित्त, केशवपन, पंचगव्य होम, पंचगव्य प्राशन, प्रायश्चित्त विधान, महाप्रसाद आणि सांगता.मंगळवार, ३ जून: तत्त्वोद्धार विधी सकाळी पुण्याहवाचन, संभारदान, मधुपर्क, आचार्यादि ब्राह्मण वरण, स्थलशुद्धी, अज्ञोरहोम, देवांची महापूजा, तत्वचालन होम, तत्वोद्धार, पूर्णाहुती, महाप्रसाद आणि सांगता. बुधवार, ४ जून : श्री देव मायापूर्वचारी सपरिवार देवता अर्चाविधी सकाळी स्थलशुद्धी, जलाधिवास, स्नानविधी, शय्याधिवास, पीठदेवता स्थापना, अग्निस्थापना, वास्तुयजन, ग्रहयजन, पर्याय होम, महाप्रसाद आणि सांगता. गुरुवार, ५ जून : मुख्य प्रतिष्ठापना सोहळा सकाळी स्थलशुद्धी, ७ वा. देव उठवणे, तत्वन्यासहोम, तत्वन्यास व प्राणप्रतिष्ठा, देवतांची महापूजा, बलिदान, पूर्णाहुती, अभिषेक, आरती, मंत्रपुष्प, गाऱ्हाणे (सामुहिक प्रार्थना), ब्राह्मण पूजन, महाप्रसाद आणि सांगता. या सोहळ्यात सहभागी होऊन भाविकांनी पुण्यसंचय करावा आणि श्री देव मायापूर्वचारी व परिवार देवतांचा आशीर्वाद घ्यावा, असे आवाहन मानकरी आणि ग्रामस्थ सोनुर्ली मळगाव यांनी केले आहे. Read the full article

दोडामार्ग-बांदा रस्‍त्‍यावर मणेरी यहाठिकाणी एका वळणावर रस्‍त्‍याचा अंदाज न आल्‍याने ट्रकचा अपघात झाला. सुदैवाने यात जिवीतहानी झालेली नाही. ट्रकचे मात्र नुकसान झाले आहे. गटाराच्‍या बाजूने माती खोलवर ओलसर असल्‍यामुळे ट्रकचे टायर या मातीत रूतले, त्‍यामुळे हा ट्रक कलंडला. वाहनाला बाजू देताना हा अपघात झाल्‍याचे बोलले जात आहे. Read the full article

"डॉक्टर डेथ" (Doctor Death) या नावाने कुप्रसिद्ध असलेला सिरियल किलर देवेंद्र शर्मा याला दिल्ली पोलिसांनी राजस्थानमधील एका आश्रमातून अटक केली आहे. तो पॅरोलवर सुटल्यानंतर फरार झाला होता आणि आश्रमात पुजारी म्हणून लपून राहत होता. देवेंद्र शर्मा हा आयुर्वेद डॉक्टर होता, पण नंतर तो गुन्हेगारी जगतात शिरला. त्याच्यावर टॅक्सी आणि ट्रक चालकांची हत्या करून त्यांचे मृतदेह उत्तर प्रदेशातील कासगंज येथील हझारा कालव्यात फेकल्याचा आरोप आहे, जिथे मगर असल्याने पुरावे नष्ट व्हायचे. त्याने ५० हून अधिक लोकांची हत्या केल्याचा संशय आहे, तर त्याने स्वतःहून २१ हत्या केल्याची कबुली दिली होती. याशिवाय तो एका किडनी प्रत्यारोपण रॅकेटमध्येही सामील होता. त्याला सात वेगवेगळ्या खून प्रकरणात जन्मठेपेची शिक्षा झाली होती, तर एका प्रकरणात त्याला फाशीची शिक्षाही झाली होती. २०२० मध्ये त्याला २० दिवसांसाठी पॅरोल मिळाला होता, पण तो ७ महिने फरार राहिला. जून २०२३ मध्ये त्याला पुन्हा दोन महिन्यांसाठी पॅरोल मिळाला होता, पण तो ३ ऑगस्ट २०२३ पासून फरार होता. अखेर, दिल्ली पोलिसांनी त्याला राजस्थानातील दौसा येथील एका आश्रमातून अटक केली, जिथे तो पुजारी बनून राहत होता. Read the full article

प्रादेशिक हवामान विभाग, मुंबई यांचेकडून प्राप्त माहितीनुसार सिंधुदुर्ग जिल्ह्यात दि.२२ मे २०२५ ते २६ मे २०२५ या कालावधीत ऑरेंज अलर्ट देण्यात आलेला आहे. या कालावधीत जिल्ह्यात मुसळधार ते अति मुसळधार पाऊस पडण्याची शक्यता आहे. त्यामुळे या कालावधीत नागरिकांनी दक्षता घेण्याचे आवाहन जिल्हा आपत्ती व्यवस्थापन प्राधिकरण, सिंधुदुर्ग मार्फत करण्यात आले आहे. अशी घ्यावी दक्षता या कालावधीत विजा चमकत असताना पुढीलप्रमाणे दक्षता घेण्यात यावी १) विजा चमकत असताना संगणक, टीव्ही इत्यादी विद्युत उपकरणे बंद ठेवून स्रोतांपासून अलग करून ठेवावीत. २) दूरध्वनी, भ्रमणध्वनी चा वापर टाळावा. ३) विजा चमकत असताना नागरिकांनी घराबाहेर पडू नये. घराबाहेर असल्यास सुरक्षित ठिकाणी आश्रय घ्यावा. ४) विजेच्या खांबांपासून लांब रहावे. ५) विजा चमकत असताना उंच झाडाखाली आश्रयास थांबू नये. ६) विजा चमकत असताना एखाद्या मोकळ्या परिसरात असल्यास, गुडघ्यामध्ये डोके घालून वाकून बसावे. ७) धातूच्या वस्तू दूर ठेवाव्यात. ८) वीज पडण्याची पूर्वसूचना मिळण्याकरिता आपल्या मोबाईल वर 'दामिनी APP' डाऊनलोड करून घ्यावे. ९) पाऊस पडत असताना विजा चमकत असल्यास नागरिकांनी झाडाखाली उभे राहू नये, मोबाईलवर संभाषण करू नये आणि इलेक्ट्रिक वस्तूंपासून दूर रहावे. अशा परिस्थितीत पक्के घर किंवा इमारतीत आसरा घ्यावा. सततच्या पडणा-या मुसळधार पावसात पुढीलप्रमाणे दक्षता घ्यावी १) मुसळधार पावसात आवश्यकता नसल्यास घराबाहेर पडणे टाळा, घराबाहेर अथवा असुरक्षित ठिकाणी असल्यास पाऊस थांबेपर्यंत सुरक्षित ठिकाणी आसरा घ्या. २) अतिमुसळधार व अतिवृष्टीच्या परिस्थितीत कोणत्याही परिस्थितीत सुरक्षित ठिकाणी रहा व पायी अथवा वाहनाने प्रवास करू नका, ३) घराबाहेर पडणे अत्यावश्यक असल्यास निघण्यापूर्वी अधिकृत स्रोतांकडून हवामानाची, रेल्वेची व रस्ते वाहतुकीची व पाणी तुंबलेल्या ठिकाणांची माहिती करून घ्या. ४) पाऊस पडत असताना विजा चमकत असल्यास झाडाखाली उभे राहू नये, मोबाईलवर संभाषण करू नये आणि इलेक्ट्रिक वस्तूंपासून दूर रहावे. अशा परिस्थितीत पक्के घर किंवा इमारतीत आसरा घ्यावा. ५) मुसळधार पावसामुळे उद्भवलेल्या कुठल्याही प्रकारच्या आपत्कालीन परिस्थितीमध्ये मदतीसाठी या क्रमांकावर संपर्क साधावा, नियंत्रण कक्ष संपर्क क्रमांक जिल्हा आपत्ती व्यवस्थापन नियंत्रण कक्ष, जिल्हाधिकारी कार्यालय, सिंधुदुर्ग (०२३६२)२२८८४७ किवा टोल फ्री १०७७ ७४९८०६७८३५ जिल्हा पोलीस नियंत्रण कक्ष (०२३६२)२२८६१४/८२७५७७६२१३,पोलीस टोल फ्री हेल्पलाईन ११२, जिल्हा रुग्णालय, सिंधुदुर्ग (०२३६२)२२८९०१,महावितरण, सिंधुदुर्ग नियंत्रण कक्ष ७८७५७६५०१९ दोडामार्ग तालुका नियंत्रण कक्ष (०२३६३)२५६५१८ सावंतवाडी तालुका नियंत्रण कक्ष (०२३६३)२७२०२८ वेंगुर्ला तालुका नियंत्रण कक्ष (०२३६६)२६२०५३ कुडाळ तालुका नियंत्रण कक्ष (०२३६२)२२२५२५ मालवण तालुका नियंत्रण कक्ष (०२३६५)२५२०४५ कणकवली तालुका नियंत्रण कक्ष (०२३६७)२३२०२५ देवगड तालुका नियंत्रण कक्ष (०२३६४)२६२२०४ वैभववाडी तालुका नियंत्रण कक्ष (०२३६७)२३७२३९ हवामानाची माहिती भारतीय हवामान खात्याच्या https://mausam.imd.gov.in// या संकेतस्थळावरून घ्या. कुठल्याही अफवांवर विश्वास ठेवू नका कुठल्याही अफवांवर विश्वास ठेवू नका व अफवा पसरवू नका, कुठल्याही मिळालेल्या बातमीची खात्री अधिकृत सूत्रांकडून करून घ्या किंवा जिल्हा नियंत्रण कक्ष (०२३६२) २२८८४७ किंवा टोल फ्री १०७७ किंवा पोलीस हेल्पलाईन क्रमांक ११२ वर संपर्क करा. हवामान विभागाकडून दिलेल्या इशा-याच्या पार्श्वभूमीवर नागरिकांनी आपल्या जीवित व मालमत्तेची काळजी घ्यावी असे आवाहन जिल्हा आपत्ती व्यवस्थापन विभागाने केले आहे. Read the full article

दिव येथे सुरु असलेल्या खेलो इंडिया सागरी जलतरण स्पर्धेत सिंधुदुर्गची कन्या पूर्वा संदीप गावडे हिने महाराष्ट्राचा झेंडा फडकवला आहे. तीने दिव समुद्रात 10 किलोमीटरचे अंतर 2 तास 33 मिनटात पार करत तिसरा क्रमांक मिळवून ब्राँझ मेडल पटकावले आहे याबद्दल तिचे सर्वत्र कौतुक होत आहे. सिंधुदुर्गनगरी येथील पूर्वा गावडे सद्या पुणे बालेवाडी येथे प्रशिक्षक बालाजी केंद्रे यांच्या मार्गदर्शनाखाली जलतरणचे प्रशिक्षण घेत असून आतापर्यत तीने राज्य व राष्ट्रीय स्तरावर दमदार कामगिरी करत अनेक मेडल मिळविली आहेत केली. या कामगिरीच्या जोरावरच तिची खेलो इंडिया मध्ये सागरी जलतरण स्पर्धेत 10 व 5 किलोमीटर स्पर्धेसाठी निवड झाली. त्यानंतर आज बुधवारी दिव येथील समुद्रात झालेल्या 10 किलोमीटर सागरी जलतरण स्पर्धेत उत्कृष्ट कामगिरी करत समुद्रात 10 किलोमीटरचे अंतर 2 तास 33 मिनटात पार करत तिसरा क्रमांक मिळवून ब्राँझ मेडल पटकावले आहे. गुरुवारी ती 5 किलोमीटर साठी सुद्धा समुद्रात उतरणार आहे. या स्पर्धेसाठी राष्ट्रीय जलतरण संघटनेचे सेक्रेटरी राजू पालकर यांचे मोलाचे मार्गदर्शन लाभले. पूर्वाच्या यशाबद्दल सर्वत्र अभिनंदन होत असून जिल्हा क्रीडा अधिकारी विद्या शिरस,सिंधुदुर्गनगरी येथील जलतरण तलावाचे प्रशिक्षक प्रवीण सुलोकार यांनी खास अभिनंदन केले आहे . Read the full article

विजेचा धक्का लागून एका अविवाहित युवकाचा मृत्यू झाल्याची दुर्दैवी घटना कळणे येथे बुधवारी दुपारच्या सुमारास घडली. प्रताप रामराव देसाई (२९) असे युवकाचे नाव आहे. त्याच्या अपघाती निधनाने गावात हळहळ व्यक्त होत आहे. प्रताप देसाई यांच्या घराचे काम सुरू आहे. त्यामुळे त्यांनी घरातील सर्व सामान त्यांच्या चुलत्यांच्या घरी वरच्या मजल्यावर ठेवले होते. मंगळवार व बुधवार असे दोन दिवस मुसळधार पाऊस असल्याने सामान भिजले तर नसावे ना हे पाहण्यासाठी ते वर गेले. मात्र बराच वेळ ते माघारी परतले नाही म्हणून कुटुंबीय त्यांना पाहण्यासाठी गेले. यावेळी प्रताप जमिनीवर निपचित पडले असल्याचे दिसले. त्यांनी त्याला हलवून उठवण्याचा प्रयत्न केला. मात्र त्याची काहीच हालचाल नसल्याने त्याला तात्काळ येथील ग्रामीण रुग्णालयात दाखल केले. वैद्यकिय अधिकाऱ्यांनी त्याला तपासले असता तो रुग्णालयात दाखल करण्यापूर्वीच मृत झाल्याचे घोषित केले. प्रतापच्या अकाली निधनाने गावावर शोककळा पसरली आहे. त्यांच्या घरची परिस्थिती बेताची आहे. तो गोव्यात एका खाजगी कंपनीत कामाला होता. त्याच्या पश्चात आई-वडील, भाऊ, काका, काकी व चुलत भाऊ असा परिवार आहे. Read the full article

निरवडे कोनापाल गावात नेमळे गावच्या सीमेला लागून असलेल्या बांदिवडेकरवाडीमध्ये निरवडे आणि नेमळे गावाला जाणारा रस्ता आहे. या रस्त्यावर एक नदी असून त्या नदीवर पुलाचे बांधकाम साधारपणे फेब्रुवारी मध्ये सुरू झाले होते. मात्र ठेकेदाराने हे काम व कामाचे गांभीर्य जाणून न घेता वेळकाढूपणाचे धोरण अवलंबून कासवाच्या गतीने काम सुरू ठेवले होते. या कामाबाबत संबंधित यंत्रणेला वाडीतील माणसांनी तोंडी सूचना केल्या होत्या. पण, त्याकडेही दुर्लक्ष करण्यात आले. यातच काल झालेल्या मुसळधार पावसाने नदीवर तयार केलेला कमकुवत बायपास रस्ता वाहून गेला आणि बांदिवडेकरवडीचा संपर्क तुटला. वाडीतून विद्यार्थी , मोलमजुरी ,व्यावसायिक वर्ग ,कर्मचारी वर्ग यांचे यामुळे हाल होत आहे. १ किमी अंतर जाण्यासाठी १० किमी अंतरावरून जावे लागत आहे. तत्काळ काम युद्ध पातळींवर सुरू नाही झाले राज्य स्तरावर पुरस्कार पात्र ग्रामपंचायतमध्ये येत्या काही दिवसात धरणे आंदोलन छेडण्याचा तयारीत बांदिवडेकर वाडीतील ग्रामस्थ आहेत. वरिष्ठ यंत्रणेकडून याची तत्काळ दखल घेऊन ही काम पूर्णत्वास न्यावे अशी मागणी ग्रामस्थ करीत आहेत. तसेच एवढी मोठी घटना घडून सुद्धा अद्याप सरपंच किंवा कोणताही शासकीय अधिकारी पाहणीसाठी आला नसल्याची खंत ग्रामस्थानी व्यक्त केली आहे. Read the full article

Read the full article

धाकोरेतून वेंगुर्लेच्या दिशेने चिरे घेऊन जाणाऱ्या डंपरचे अचानक ब्रेक निकामी झाल्यामुळे धाकोरे बानघाटीत भीषण अपघात झाला. या अपघातात डंपरच्या दर्शनी भागाचे मोठ्या प्रमाणात नुकसान झाले असून सुदैवाने डंपर चालक सुखरूपपणे डंपरमधून बाहेर आला. बानघाटीत अतीशय तीव्र उतार असल्याने आणि डंपर चे ब्रेक अचानक निकामी झाल्याने चालकाचे गाडीवरील नियंत्रण सुटल्याने डंपर घाटीतील खड्ड्यात जाऊन जोरात आढळला. यात डंपरच्या दर्शनी भागाचे मोठे नुकसान झाले मात्र सुदैवाने यात चालकाला कोणतीही इजा न होता चालक दरवाज्यातून बाहेर पडला. Read the full article

नादोडा येथे प्रथमच भव्य भक्तिपंथ दिंडी महोत्सव साजरा होणार आहे. परंपरा, भक्तीभाव आणि सांस्कृतिक वारसा यांचे संवर्धन करणारे कार्यक्रम आजच्या पिढीसाठी अत्यंत महत्त्वाचे असून अशा उपक्रमांमुळे नव्या पिढीमध्ये आपल्या संस्कृतीची ओळख निर्माण होते आणि समाजामध्ये एकोपा, भक्तिभाव व अनुशासन वृद्धिगंत होते. गावातील नागरिकांचे सांस्कृतिक योगदान समोर आणण्यासाठी आणि पारंपरिक दिंडी परंपरेचा प्रचार व प्रसार करण्याच्या उद्देशाने, गावाच्या इतिहासात प्रथमच एक आगळावेगळा उपक्रम घेण्यात येत असल्याची माहिती कार्याध्यक्ष नेहा शैलेश गांवस यांनी म्हापसा येथे घेतलेल्या पत्रकार परिषदेत दिली. श्रीराम दिंडी पथक पीर्ण नादोडा व श्री गणेश कला संगम नादोडा यांच्यावतीने कै. वासंती विठू गांवस चॅरिटेबल ट्रस्ट ओल्ड गोवा यांच्या संयुक्त विद्यमाने भव्य 'भक्तिपंथ दिंडी महोत्सव २०२५' चे आयोजन करण्यात आले आहे. त्याची सविस्तर माहिती देण्यासाठी घेण्यात आलेल्या पत्रकार परिषदेला पथक प्रमुख वासुदेव च्यारी, कार्यक्रम सचिव युतिका पेडणेकर उपस्थित होत्या. हा महोत्सव २४ रोजी सायं. ६ वा. श्री माऊली भूतनाथ पंचायतन संस्थान, नादोडा, बार्देश येथे संपन्न होणार आहे. कार्यक्रमात सहभागी होणाऱ्या विविध दिंडी पथकांसाठी आकर्षक रोख बक्षिसांची व्यवस्था करण्यात आली आहे. बक्षीस व कार्यक्रमाची रुपरेषा देताना पथक प्रमुख वासुदेव च्यारी यांनी सांगितले की, या स्पर्धेत प्रथम क्रमांक २५,०००/-व चषक, द्वितीय क्रमांक २०,०००/-व चषक, तृतीय क्रमांक: १५.०००/- व चषक, चार प्रोत्साहन बक्षिसे प्रत्येकी १०,०००/- व चषक, विशेष पखवाज वादन ३०००/-व चषक, विशेष सादरीकरण ३०००/- व चषक, विशेष वेषभूषाः ३०००/- व चषक देण्यात येतील. बक्षीस न मिळालेल्या प्रत्येक सहभागी पथकाला ७०००/- प्रवास भत्ता देण्यात येणार आहे अशी माहिती यावेळी च्यारी यांनी दिली. हा महोत्सव यशस्वीरित्या होण्यासाठी विविध समित्यांची निवड करण्यात आली असल्याची माहिती कार्यक्रम सचिव युतिका पेडणेकर यांनी दिली. कार्याध्यक्षपदी नेहा शैलेश गांवस, स्वागत समिती अध्यक्ष पृथ्वीराज वासुदेव गांवस, निधी संकलन समिती अध्यक्ष वासुदेव प्रताप च्यारी, सदस्य प्रमोद गंगाराम गांवस, जाहिरात समिती अध्यक्ष प्रसाद गुरुदास गांवस, सदस्य- आतिष गाडेकर, मयूर सातोस्कर, अक्षय गोवेकर चहापान आणि भोजन समिती अध्यक्ष रोहन गांवस, सदस्य दत्ताराज सावंत, -प्रवीण च्यारी, आकांक्षा नाईक, अनिश गांवस, गौतमी नाईक, रघुनाथ मांद्रेकर, प्रथमेश परब, रीमा च्यारी, वाहतूक नियंत्रण प्रमुख आशीष अभिमन्यु गांवस, सदस्य रामानंद देसाई, धर्मा कळंगुटकर, उद्देश देसाई, यश देसाई, ईश्वर परब, दीपमा कोरगावकर, सनी देसाई, संजना सावंत, कार्यक्रम सचिव युतिका पेडणेकर, पथक प्रमुख सेजल सावंत, छपाई गट समिती अध्यक्ष -पैलज शेट्ये, सदस्य कृष्णा देसाई, विवियन गांवस, अमित गांवस, केदार देसाई, कोषाध्यक्ष गौरेश नाईक, सदस्य पूजा पिरणकर, -कनक परब, पूजा शेट्ये, वृषभ खलप आहे. महोत्सवात सहभागी होणाऱ्यांनी आपली नावे वासुदेव च्यारी-(९९२३७६३८८२) यांच्याकडे द्यावीत असे कळविण्यात आले आहे. #GoaNews #GoaUpdate #GoaBuzz #GoaLife #GoaCulture #GoaEvents #GoaDiaries #GoaTourism #GoaVibes #GoaInFocus #GoaLifestyle #GoaToday #GoaLiving #GoaCommunity #GoaUpdates #GoaExplorer #IncredibleGoa #ExploreGoa #GoaFilm #GoaContent Read the full article

पदवीधरांसाठी सरकारी नोकरीची उत्तम संधी आहे! इंडियन ओव्हरसीज बँकेत तब्बल ४०० पदांसाठी भरती होत आहे. या भरतीची महत्त्वाची माहिती खालीलप्रमाणे आहे: - पदाचे नाव: लोकल बँक ऑफिसर (Local Bank Officer - LBO) - एकूण जागा: ४०० - शैक्षणिक पात्रता: कोणत्याही शाखेतील पदवी - वयोमर्यादा: ०१ मे २०२५ रोजी २० ते ३० वर्षे (आरक्षित प्रवर्गासाठी नियमानुसार सवलत) - अर्ज करण्याची अंतिम तारीख: ३१ मे २०२५ - अर्ज करण्याची पद्धत: ऑनलाईन - निवड प्रक्रिया: ऑनलाईन परीक्षा, भाषा प्राविण्य चाचणी (आवश्यक असल्यास) आणि वैयक्तिक मुलाखत - नोकरीचे ठिकाण: ज्या राज्यासाठी अर्ज कराल ते राज्य (महाराष्ट्र राज्यासाठी अर्ज केल्यास महाराष्ट्रात नोकरी मिळेल) - महाराष्ट्रामधील जागा: ४५ (जागांचे आरक्षणानुसार वर्गीकरण दिलेले आहे) अर्ज कसा करायचा: - इंडियन ओव्हरसीज बँकेच्या अधिकृत वेबसाइटला (www.iob.in) भेट द्या. - "Careers" या विभागात जा. - "Recruitment of Local Bank Officers – 2025-26" या लिंकवर क्लिक करा. - ऑनलाईन अर्ज भरा आणि आवश्यक कागदपत्रे अपलोड करा. - अर्ज शुल्क भरा (जनरल/ओबीसी/ईडब्ल्यूएस: ₹८५० आणि एससी/एसटी/पीडब्ल्यूडी: ₹१७५). - अर्जाची प्रिंटआउट घ्या. महत्वाच्या तारखा: - ऑनलाईन अर्ज सुरू होण्याची तारीख: १२ मे २०२५ - ऑनलाईन अर्ज करण्याची अंतिम तारीख: ३१ मे २०२५ सरकारी बँकेत नोकरी करण्याची इच्छा असणाऱ्या पदवीधरांसाठी ही एक चांगली संधी आहे. त्यामुळे, जर तुम्ही पात्र असाल, तर नक्की अर्ज करा! अधिक माहितीसाठी बँकेची अधिकृत जाहिरात काळजीपूर्वक वाचा. #IndianOverseasBank #IOBRecruitment2025 #BankingJobs #CareerOpportunities #GovernmentJobs #JobAlert #IOBVacancies #Recruitment2025 #JobOpportunities #BankJobs #IndianOverseasBankJobs #FinancialCareers #JobSeekers #BankingCareer #JobSearch #IOB #ApplyNow #CareerGrowth #FutureReady #IndianBanking Read the full article

शक्ती चक्रीवादळाच्या पार्श्वभूमीवर, भारतीय हवामान विभागाने (IMD) कोकणासाठी रेड अलर्ट जारी केला आहे. पुढील ४८ तासांमध्ये कोकण किनारपट्टीवर जोरदार पाऊस, ताशी ४० ते ५० किलोमीटर वेगाने वारे आणि विजांचा कडकडाट होण्याची शक्यता आहे. IMD ने मुंबई, रायगड आणि मध्य महाराष्ट्रातील काही भागांसाठी देखील रेड अलर्ट जारी केला आहे. नागरिकांना सुरक्षिततेसाठी आवश्यक ती खबरदारी घेण्याचे आवाहन करण्यात आले आहे. विशेषतः, मच्छिमारांना समुद्रात न जाण्याचा सल्ला देण्यात आला आहे. प्रशासन देखील या परिस्थितीसाठी सज्ज असून, आपत्कालीन यंत्रणांना तयार ठेवण्यात आले आहे. नागरिकांनी हवामान विभागाच्या सूचनांचे पालन करावे, अनावश्यक प्रवास टाळावा आणि झाडांखाली किंवा उंच बांधकामांच्याजवळ थांबू नये, असे आवाहन करण्यात आले आहे. समुद्रकिनाऱ्यांपासून दूर राहणे देखील महत्त्वाचे आहे. Read the full article

पदवीधरांसाठी सरकारी नोकरीची उत्तम संधी आहे! इंडियन ओव्हरसीज बँकेत तब्बल ४०० पदांसाठी भरती होत आहे. या भरतीची महत्त्वाची माहिती खालीलप्रमाणे आहे: - पदाचे नाव: लोकल बँक ऑफिसर (Local Bank Officer - LBO) - एकूण जागा: ४०० - शैक्षणिक पात्रता: कोणत्याही शाखेतील पदवी - वयोमर्यादा: ०१ मे २०२५ रोजी २० ते ३० वर्षे (आरक्षित प्रवर्गासाठी नियमानुसार सवलत) - अर्ज करण्याची अंतिम तारीख: ३१ मे २०२५ - अर्ज करण्याची पद्धत: ऑनलाईन - निवड प्रक्रिया: ऑनलाईन परीक्षा, भाषा प्राविण्य चाचणी (आवश्यक असल्यास) आणि वैयक्तिक मुलाखत - नोकरीचे ठिकाण: ज्या राज्यासाठी अर्ज कराल ते राज्य (महाराष्ट्र राज्यासाठी अर्ज केल्यास महाराष्ट्रात नोकरी मिळेल) - महाराष्ट्रामधील जागा: ४५ (जागांचे आरक्षणानुसार वर्गीकरण दिलेले आहे) अर्ज कसा करायचा: - इंडियन ओव्हरसीज बँकेच्या अधिकृत वेबसाइटला (www.iob.in) भेट द्या. - "Careers" या विभागात जा. - "Recruitment of Local Bank Officers – 2025-26" या लिंकवर क्लिक करा. - ऑनलाईन अर्ज भरा आणि आवश्यक कागदपत्रे अपलोड करा. - अर्ज शुल्क भरा (जनरल/ओबीसी/ईडब्ल्यूएस: ₹८५० आणि एससी/एसटी/पीडब्ल्यूडी: ₹१७५). - अर्जाची प्रिंटआउट घ्या. महत्वाच्या तारखा: - ऑनलाईन अर्ज सुरू होण्याची तारीख: १२ मे २०२५ - ऑनलाईन अर्ज करण्याची अंतिम तारीख: ३१ मे २०२५ सरकारी बँकेत नोकरी करण्याची इच्छा असणाऱ्या पदवीधरांसाठी ही एक चांगली संधी आहे. त्यामुळे, जर तुम्ही पात्र असाल, तर नक्की अर्ज करा! अधिक माहितीसाठी बँकेची अधिकृत जाहिरात काळजीपूर्वक वाचा. #IndianOverseasBank #IOBRecruitment2025 #BankingJobs #CareerOpportunities #GovernmentJobs #JobAlert #IOBVacancies #Recruitment2025 #JobOpportunities #BankJobs #IndianOverseasBankJobs #FinancialCareers #JobSeekers #BankingCareer #JobSearch #IOB #ApplyNow #CareerGrowth #FutureReady #IndianBanking Read the full article