probinsyannabs

FLAMES(H)

Inaamin ko, isa akong mandaraya. Dahil alam kong hindi sapat ang second name mo Kaya dinagdag ko ang palayaw mo na kahit hindi naman inuulit dalawang beses kong nilagay Dahil ayoko nang idamay ang maiden name ng nanay mo, But I am not above adding an extra H. Syempre silent. Parang tayo these past few days.

Because we cannot be FRIENDS. The benefits are too effing good for that.

Pero hindi rin naman LOVE, dahil minsan kapag nagsasalita ka gusto kitang matapilok preferrably malapit sa bangin. Pero minsan kapag nagsasalita ka gusto kitang matapilok papunta sa akin. Papunta sa kama. Sa sofa. Sa sahig. Sa lamesa. Because lagnat, lagablab, and libog also starts with an L which is all this could be.

Di naman kaya ANGRY? Parang mga kapitbahay natin kapag maingay tayo. Kapag tumatagos ang pagkadismaya natin sa isa't isa sa maninipis na pader ng condo. Kapag nagsusumbatan tayo sa mga pangakong hindi ko tinupad at sa mga birthday na kailanman hindi mo maalala. O sa tuwing natatapilok ka.

Pero huwag tayong magbiruan sa MARRIED dahil ayoko yan para sa akin and definitely not with you. Kaya lumundag na tayo to E.

Dahil tila ENEMIES kung magtalo ang utak at pu….. puso ko. Dahil sa tuwing marahang lumalangoy ang mga daliri ko sa mga mumunting alon ng iyong buhok. Di ko alintana na kahit ang kakaunting pagmamahal ay nakakalunod.

1PM UK TIME

Yes. I am that bitch - after 1pm UK time. Dahil hindi pwede sa opisina. Dahil sa opisina kailangan kong maging ibang tao. Kailangan kong magpalit anyo.

Kailangan kong maging isang propesyunal. Na laging may sapat na bandwith para agad maka-circle back sa mga stakeholders to keep them in the loop sa bawat actionables, deliverables, habang ako ay nalulunod sa mga miserables.

As in mga miserableng comments like:

We like everything. Everything's great. Everything's perfect. But, the team and I, we're thinking, it needs a few tweaks. Minor revisions. Very minimal. It's so minimal na kayang kaya by EOD.

Na alam namin parehong malaking kasinungalingan Pero kailangan kong kagatin ang aking dila At makuntento na lang sa mga mumunting pag-aalsa na nakapaloob sa katagang Noted. Period. Walang emoji.

Dahil in this economy? Kailangan kong maging Nanay ko Na may isang libo't isang trabaho. Lunes hanggang Biyernes guro ng Filipino sa isang pampublikong high school sa Tondo. Dalawang beses sa isang linggo nagtutuwid ng dila ng mayayamang estudyante sa isang pribadong kolehiyo sa Taft. Tuwing Sabado at Linggo tutor sa mga bata at Avon saleslady sa kanilang mga nanay. Dahil kailan ba naging sapat ang pasahod sa mga guro?

Dahil in this economy, Kailangan kong maging Tatay ko Na hindi inda ang giyera sa Middle East Para makapagpadala ng mga gintong alahas galing Saudi Hindi para may maisuot, pero para may maisangla kapag kapos, at laging kapos. Kaya sa mga sulat at litrato na lang niya ko nakitang lumaki.

Dahil in this economy? As a middle-class kid, pinalaki ako sa love language ng sweldo. Hanggang ito na rin lang ang alam ko. Kaya naman balewala ang lumangoy sa kumukulong kumunoy ng modern slavery habang nakangiti at naka-blazer, dahil mahal magmahal ng pamilya, ng kapwa, at ng sarili sa ilalim ng kapitalismo.

Halika Na

Halika na sa umaga Lagi na lang tayong sa gabi nagkikita Hindi naman tayo bampira, well…. Medyo emotional vampire ka.

Pero ayos lang. Kasi mahal kita. Kasi Type O ako. Oo. Okay. O siya. O sige.

Heto ang puso ko. Na kayang mag donate ng oras Kapag wala siyang panahon para sa'yo. Na handang magbigay nang magbigay nang magbigay nang magbigay nang magbigay Dahil kung wala kang anemia, nagmahal ka bang talaga?

Isa pa ano bang alam niya sa anatomiya? Ni hindi niya nga alam nasaan ka sa puso niya. Tuwing nasa kanang bentrikulo ka, nangangaliwa siya. Samantalang handa akong diretsong dumaloy sa'yo.

Pupunan ko lahat ng pagkukulang niya. Sasalinan kita ng pag-ibig Na malapot Na mainit Na maginoo pero medyo bastos Na mapangunawa Na masaya Na mahiwaga Na nagbibigay lunas Na nagbibigay buhay Kahit sa tuwing gabi lang.

Pero minsan, gusto kong halikan mo rin ako sa ilalim ng araw. Yung mas nakadadarang pa sa init ng tanghaling tapat Hanggang litrong pawis naman ang tumagaktak sa akin at hindi luha Dahil maliwanag pa sa sinag ng araw na mahal kita.