P. Lynx

Ayos lang. Huwag ka nang mag-abala pa, ayos lang ako.

Huwag mong pansinin ang mga pasa at galos na ilang gabi kong iniukit sa balat na itinuturing kong tirahan ngayon.

Ibaling mo ang iyong atensyon sa iba at huwag sa mga itim na namumuo sa ilalim ng aking mga mata, ayos lang ako.

Mga obra itong aking mga sugat. Ang mga linya na ito ay minsan ko nang naging karamay. Mali- parati ko na silang karamay.

Hawak ang patalim sa kanang kamay, ay lilikha ako ng sining. Itong dugo ang magsisilbing tinta at iguguhit kita.

At huwag kang mag-alala, ayos lang ako. Sanay na ako sa sakit ng pagmamahal.

Kirot sa akin ang sayo'y pagguho. Daplis sa akin ang mga balang kumitil sa 'yo.

At oo, ganito ako umibig, pipiliin parati ang masaktan.

Ganito kitang inibig, pinili kong ako'y iyong saktan.

Taglagas.

Tagsibol