This Is Me

من قصيدة ليلة الإنسان| ديوان أيام العجب والموت | فؤاد حداد

________________________

كل ما أقع على قصيدة جديدة لحداد بندهش من جديد ، بقف وابتسم ، بتمشى كتير وابص في السما ، هل يارب هناك أحد يستطيع أن يكتب مثل هذا؟

عظمته مش في إتقان موسيقى الشعر وظبط الصَنعة ، ولا مسألة الاحساس العميق ، لأنه اتكلمنا كتير عن المسألة دي - أو كتير قالوها- لكن أعتقد البراعة في ابتكار الحيَل اللغوية والدلالات اللفظية ، اختراع صورة جديدة لم يصل لها شاعر آخر، إضافة مزيد من المعاني للمرادفات . فؤاد حداد أثرى اللغة العربية والعامية بشكل مذهل .

شوف اختراعه لما قال :

لولا أجرى له الجراحة فِيدور

دستوڤسكي في ألف ليلة وليلة

———————

وشوف لما قال جملة عميقة الإحساس :

كان شيطان إنسان قصاد الشيطان

ألف نيل عطشان إلى مارَواه

خلي هذا الشعر يسقي الغيطان

قد يفيضُ القولُ عن محتواه

——————-

-

وشوف بقى اللعبة اللفظية دي ، وياريت تلعب معاه :

قال لي بالحِس اللي باعتاني

الحبايب أشتري الجرانيل

هنا بيلعب بالألفاظ لعب يركبها ويفكها :

قال لي بالحِس اللي باع تاني الحبايب

باعتاني الحبايب أشترى الجرانيل

!!!!

مرعب

-

طيب شوف كمان :

الحقيقة حَسّها ديابها

انا أول مرة أقرا التركيبة دي في حياتي ! استخدام الذئب لأنه حيوان عميق الإحساس و متلصص و يطلع بالليل والناس نيام، وكأن الحقيقة خفيّة ع البشر لا يشعر بها ولا يصل لها أحد!

——-

الوجوه عريانة في ثيابها

لما هتبصولها بُصولي

ماذا يقصد؟

تركيبة جديدة كذلك ؛ الوجه دايمًا الجزء الظاهر من المرأة غالبًا ، وهو برضه ممكن يقصد إن الحقيقة مخفية تحت مظاهر كثيرة كما الجسم مخفي تحت الثياب ، ولكن الوجه يفضح الجسد .

—-