Vana

الحقيقة بالرغم من ان ألحان عمار الشريعي عظيمة وقريبة لقلبي جداً ومن صغري مرتبطة بيها قوي، إلا ان صوته كمان قريب قوي لقلبي ومن الاشخاص اللي بالنسبة لي حنية صوتهم لا تقاوم، زي بليغ حمدي بالنسبة لي، كتير بسأل نفسي الناس دي طلعت مبدعة كده ازاي؟!

توصلت انه لا مكان لي هنا..

حاسة اني اتغيرت قوي ومش قادرة احد التغيير منين او في ايه.. بس فيه حاجة كبيرة جوايا اختلفت او اختفت..

على الرغم من رغبتي في المشاركة لماذا تبدو الحياة كوحدة ابدية؟

من الاغاني المفضلة عندي، اكتشفتها بالصدفة من عشر سنين مثلاً ومن الغريب بالنسبة لي انها بقت قريبة من قلبي! فبقيت ادور في كل اغاني الفرق المصرية القديمة واسمعهم وبقى عندي قائمة جميلة منهم خاصة بيا ماحدش كان بيعرفهم في محيط معارفي ف كنت بحس انها تجربة شخصية قوي، ولكن مع كل الاسف بدأت منهم اغاني تطلع تريند وتنتشر في كل حته وده شيء يغيظ… بس بكره ينسوا بقى.

الاجازة قربت وهيبقى فيه وقت فاضي محتاجة اقفل الموبايل والسوشيال ميديا كلها وارجع افتكر الحياة من غيرهم كانت عاملة ازاي.