/kael-eidoscope/

I have lost my shine since you left.

You can’t lose anything that God has for you.

Sana bago mo sinabing mahal mo ako, sana alam mo ang mga pwedeng mangyari, alam mo yung pwede mong harapin kasama ako. Sana matapang ka para hindi maapektuhan sa lahat ng mga desisyon tatahakin natin. Sana nung sinabi mo ang mga matatamis na linyang yan, sana nagdalawang isip ka muna. Kung kaya mong panindigan at patunayan sakin at sa mundo kung tunay at tapat ba yan pagmamahal na yan. kasi ngayon, parang iba na eh. parang hinihintay mo nalang na sabihin mong mahal kita. parang nagiging kampante na, na akin ka, at sayo lang ako. parang inapakan mo yung pedal ng preno sa paglimita mo o pagbawas mo ng mga gawain at mga pwede mong sabihin para mapatunayan mo sakin mahal mo ako. Anong nangyari? ganyan ba ang udyok ng panahon habang ang pagmamahalan ng dalawang tao ay tumatagal sa pagusbong? ang buong pagaakala ko kasi, habang tumatagal ang pagmamahalan dapat mas pinapatatag ito, dahil mas maraming problema at pagsubok ang nadadaanan kung saan pwedeng magpahina sa nararamdaman natin para sa isa’t isa. hindi yung ganyang konsepto kung saan habang tumatagal, nagiging “bahala na” ang lahat. na parang pinadadaan nalang ang bawat araw sa kalendaryo. nakakalungkot man isipin, na ganito na ang nangyari. unti-unti nang nauubos na parang bulok sa isang mansanas na unti-unti nang kinakain at nawawala ang pagasa na tayo’y magtatagal pa. ngunit, batid ko ang pagtitiwala at kumpiyansa, pagkat ako ay isang tao hindi kaagad sumusuko sa laban, lalo na sa ganitong klase na mala-giyerang laban ng buhay. Ang pagmamahal ay mapusok, matalim at malawak. kaya magiging sundali din ako sa giyerang ito at isang klase ng tao na patuloy na maniniwala na maayos pa natin ang lahat lahat. Ang lahat ng nawala, ang lahat ng nabulok, ang lahat na namatay na pagmamahal. ibabalik natin, aayusin natin. Siguro ang pagmamahal ay parang gulong kung saan may taas na parang langit ang sarap sa pakiramdam, ngunit sa isang parte ay gugulong din ito kung saan mapupunta tayo sa ibaba, kung saan andiyan ang pagsubok, at pangamba na tapusin nalang na pwede natin maranasan, ngunit ito’y isang gulong. gulong na kung saan sa patuloy na pagpaparamdam sa atin ng poot at hirap, ay may kapalait naman itong sarap at mala-langit na pakiramdam.