Ms. Tamil

நினைமின் மனனே நினைமின் மனனே

இன்னம் என்னை அன்னைக் கருப்பாசயக் குழிக்கே தள்ளுமோ

காணக் கண்கள் எத்தனை கோடி யுகமோ தவஞ் செய்திருக்கின்றவே

சோற்றாவியற்றுச் சுகமற்றுச் சுற்றத் துணியுமற்றே ஏற்றாலும் பிச்சை கிடையாமல் ஏக்கற்றிருப்பர்களே (சோற்றாவி — சோற்று வாசனை; ஏக்கற்றிருப்பர்களே — ஏக்கமடைந்திருப்பார்கள்)

பிறவாதிருக்க வரம்பெறல் வேண்டும் பிறந்துவிட்டால் இறவாதிருக்க மருந்துண்டு காணிது [...]

கம்பம் மீதிருந்து தத்தா என்று ஓதிப் பவுரி கொண்டாடினும் (பவுரி — பவுரிக் கூத்து)

பொய்வைத்த சொப்பன மாமன்னர் வாழ்வும் புவியுமெங்கே

ஊட்டுவிப்பானும் உறங்குவிப்பானும் — இங்கொன்றொடொன்றை மூட்டுவிப்பானும் முயங்குவிப்பானும் — முயன்ற வினை காட்டுவிப்பானும் — இருவினைப் பாசக்கயிற்றின் வழி ஆட்டுவிப்பானும் ஒருவன் உண்டே தில்லை அம்பலத்தே

முடிசார்ந்த மன்னரும் மற்றுமுள்ளோரும் முடிவிலொரு பிடிசாம்பராய் வெந்து மண்ணாவதுங் கண்டு பின்னுமிந்தப் படிசார்ந்த வாழ்வை நினைப்பதல்லால் [...]

அழலுக்குள் வெண்ணெய் எனவே உருகி

ஏறிடுங் கைகள் இறங்கிடுந் தீவினை ஊறிடுங் கண்கள் உருகிடும் நெஞ்சம்

தனித்துச் செத்துப் போம் பிணம் தன்னைத் திரளாகக் கூடிப் புரண்டு *இனி மேல்* சாம் பிணம் கத்துதையோ என் செய்வேன் தில்லைச் சங்கரனே.

அன்னை எத்தனை எத்தனை அன்னையோ அப்பன் எத்தனை எத்தனை அப்பனோ பின்னை எத்தனை எத்தனை பெண்டிரோ பிள்ளை எத்தனை எத்தனை பிள்ளையோ முன்னை எத்தனை எத்தனை சென்மமோ மூடனாய் அடியேனும் அறிந்திலேன் இன்னம் எத்தனை எத்தனை சென்மமோ என்செய்வேன் கச்சி ஏகம்ப நாதனே

நெடும்பனை போல வளர்ந்து நல்லோர்தம் நெறியறியா இடும்பரை ஏன் வகுத்தாய் இறைவா கச்சி ஏகம்பனே

சில பாடல்களின் ஈற்றடிகள்: [தீயோர்] ஏதுக்கிவர் பிறந்தார் இறைவா கச்சி ஏகம்பனே [தீயோர்] இருந்தென்ன போயென்ன காண் கச்சி ஏகம்பனே [தீயோர்] இருந்தென்ன இறந்தென்ன புகல் கச்சி ஏகம்பனே [தீயோர்] இருந்தாவதேது கண்டாய் இறைவா கச்சி ஏகம்பனே [தீயோர்] என்னை இருந்து கண்டாய் இறைவா கச்சி ஏகம்பனே இடும்பரை ஏன் வகுத்தாய் இறைவா கச்சி ஏகம்பனே