مُحْسِنُ أفندى ✪

مش عارف بس بقالي فترة حاسس طول الوقت اني مش مطمن مع اي حد ياما حاسس اني مش مفهوم ياما حاسس اني مش ف مكاني، اللي هو دايما حاسس اني مضطر اثبت حاجه انا معنديش طاقة اثبتها

‏في نهاية اليوم عايز أقول إن مفيش حاجة اتقالت أصدق من حمل الليالي خفيف لما يشيلوه اتنين، وجود شخص في حياتك قادر تبقى على طبيعتك معاه وتشاركه كل لحظات ضعفك وخوفك وفرحك وحزنك بتلقائية ومن غير ذرة تردد أو ندم تجربة جميلة وتستاهل كل كلمة مدح وثناء وأتمنى في يوم من الأيام أعيشها

الناس، للأسف الشديد جدًا بقت تستسهل إنهم يجبروك تتقبلهم بعيوبهم قبل ما يحاولوا إنهم يغيروا العيوب دي. الطبيعي إن الانسان بيسعى دايمًا إنه يكون صورة أحسن من نفسه على مدار حياته، وبيفضل مراقب هو نفسه ايه الوحش وايه الحلو؟، وبيفضل طول الوقت حريص يغيّر الوحش. دلوقتي دا مش بيحصل، الناس بقت تزنق بعضها عند حتة (يا تقبلني زي ما أنا يا بلاش)، بدون حتى ما نناقش أبعاد الجملة، الي هو يا جماعة والله بنحبكم وبنعزكم، بس أنتو دوستوا علينا جامد، وكان ممكن نبقى أروق واحسن من اللى احنا عليه سوا. الناس الي عندهم مرض نفسي "حقيقي"، مش الادعاءات الي مالية السوشيال ميديا، بنقبلهم زي ما هم كدا، والي عنده أي عائق مادي/صحي/اجتماعي/او أي حاجة اتبذل فيها محهود كبير إنها تتغير ومبينفعش، بنقبلها برضه وبنقبل صاحبها زي ما هو. لكن في فرق شاسع بين واحد عنده مرض نفسي وبين واحد بيستعبط أو بيداري عُقده وكلاكيعه وقلة ذوقه تحت مسمى المرض النفسي. الأسهل إن واحد طائش، هوائي، متقلب وساذج يقولك: أنا شخص مزاجي، يا تتحملني كدا يا انتِ مش بتحبني. دي مش مزاجية، دا لعب عيال. معرفش ايه بياكل الناس في فكرة إنها تتغير عشان/بسبب حد طالما كان التغيير دا في صالحه وطالما هو اقتنع بالتغيير دا، ليه الناس بتاخدها على كرامتها أوي إنه لأ محدش يغيرني؟ في فرق بين التقبُل وبين إنه تجبرني أتحمل عيوب كتير انت "تقدر تمامًا" تغيرها ونعيش احنا الاتنين حلوين بدل ما حد يكون بيعاني؟ وليه الابتزاز العاطفي أصلًا يعني؟ أنا بوافق أتغير في أي حاجة بعملها، بشرط وحيد: إني أقتنع بس، متى ما اقتنعت، مبقاش ليه شخص أفضل؟ مريّحش الشخص اللي معايا ليه؟ ليه دايمًا لما بنحاول نتبني فكرة زي التقبُل بتقلب بتطرف، الي هو يا أبيض أوي يا أسود أوي؟

أكتر حاجة بحمد ربنا عليها إني بعرف أفلتر الناس حلو ومافيش فعلا في حياتي حد مجبر أتعامل معاه كل اللي في حياتي موجودين برغبتي وبس ما بتحملش حد تقيل على قلبي مهما كانت الناس والأشياء المشتركة بينا واللي بتخلي وشوشنا بتتقابل ❤

‏زي ما عيب تقدّم بواقي أكل، عيب تقدّم بواقي وقت، بواقي مشاعر، بواقي اهتمام👌👌

مش عارف إيه ممكن يكون صعب لما الواحد يطلب تطييب خاطره؟ خاصة لو كان بيحس إنه مش طول الوقت بيطلب ده من حواليه. أحيانًا، بنكون عارفين إننا نستحق.. بس بنحتاج يتقالنا ده.. لأنه بيكون بمثابة تأكيد على إستحقاقيتنا.

النهارده أتقال لي كلمة ذهبية: (غالبًا اللي بيدّي نصيحة بيحاول يلخص قد إيه هو مثالي وعارف الصح، قليلين جدًا اللي بيقولوا اللي محتاج تسمعه)

إنك تبقى شخص واضح و صريح واللي في قلبك على لسانك... لما تزعل الزعل يبان على وشك ماتعرفش تخبيه مهما حاولت... و لما تضايق من حد ماتعرفش تجامله و لا تنافقه ولا تمثل عليه... الحاجات دي نعم كبيرة بالذات لما تبقى شايف النفاق زاد من حواليك و النفسيات حاجة و اللي باين على الوش حاجة تانية خالص! ماتستسلمش لسباق النفاق اللي إحنا بقينا عايشين فيه ده حتى لو هتخسر بسببه ناس، إخسرهم أحسن ما تمثل عليهم! خسارة الناس وحشة بس خسارة النفس للحفاظ على الناس أوحش و أوحش!

الاصول بتزعل اللى مترباش عليها...والله

‏عمري ما عملت حاجة لـ حد عشان مستنيه منه مقابل .. كل همي إنه يبقي مبسوط ❤️!

حاول تكون الشخص الي ممكن يساعد غيره ولو بشكل معنوى بسيط ب كلمة أو نصيحة أو فضفضه او أي حاجة تخفف عن الي قدامك تعبه .لو مش هتعرف ف بلاش تزود عليه ب اسلوب وحش او كلمة صعبه او تريقه رخمة وتنمر علي حالته النفسيه 👌