Hamody

وعلى وحدته وعلى تحمله للأذى وصبره على البلاء ..

مأجور حتى على ابتسامته المكتومة التي يرسمها بين أهله ليوهمهم بسعادته حتى لا يبتئسوا. مأجور حتى على حزنه على فعل المعاصي والإسراف فيها .. مأجور على دموع سالت في خلوته .. و يجهل معيّة الله التي تلازمه في كل حالاته !

المهم ، عندنا صاحب تاني عنده مطعم فاخر ، فكنت بحكي قدامه إن صاحبنا العريس ده مفلس خالص يا حرام ، ده حتى مش عارف يخرج يتفسح هو والعروسة من كتر الزقة المادية !! لقيت صاحبي ده اتأثر جدا ، وراح متصل بصاحبنا العريس وقال له : ليك عندي عزومة فاخرة انت والعروسة ❤️

وظبطوا مع بعض المعاد وحجزله طرابيزة مميزة وجهزله كل حاجة !

يوم العزومة الصبح اتصل بيه وقال له : معلش هعدي عليك تحت البيت دلوقتي أقلك حاجة !! نزل يقابله ، راح مطلع فلوس وادهاله !! قال له : انا عازمك ومظبط الدنيا ما تقلقش ، بس عاوز لما تخلصوا أكل تطلب الحساب عادي وتدفع ، وانا مظبط مع الجرسون اللي هياخد منك الحساب كل حاجة ماتقلقش !!

قلتله عملت كدة ليه ؟ فقال : عشان منظره أدام عروسته في أول خروجة ليهم ! مش عاوزها تحس إنه واخدها مطعم ببلاش ، خليه يعمل نفسه بيحاسب عشان تحس إنه مهتم بيها وعازمها في مطعم غالي !

قلت في بالي سبحان الله على الأخلاق العالية والإحسان !!!

مش بس عزم صاحبه ، لأ كمان خايف على مشاعره لحسن يحس بإحراج أدام عروسته ولا يبان أدامها مزنوق ومفلس !!

إيه الجمال ده ؟!

افتكرت كلمة الشيخ محمد العثيمين (رحمه الله) : "وإزالة الأذى عن طريقِ القلوب أعظمُ أجرًا وأشدُّ إلحاحاً من إزالةِ الأذى عن طريقِ الأقدام"