Memories

أينعم الواحد اتصدم

ويقولي وحشتيني كنت بقوله وانت كمان

زي بالظبط هنا شيحة في حب البنات لما كانت بتقول لخالد أبوالنجا كده

مكنتش بحسها إلا في اوقات بسيطة ومش كتيير

كان المسيطر عليا دايما أنا بذلت مجهود كبير معاه عشان نفضل سوا

وحاولت افتح طرق لينا سوا ونوصل لمحاولات كتيير

من التفاهم

لحد ما وصلت لمرحلة إني مليش مكان ولا وضع في حياته

أنا منسية ...منسية بالنسبة ليه

هي نهايتي معاه

وكان لازم تنتهي

مكنتش هبدأ السنة الجديدة وأنا معلقة نفسي بيه

كنت بحضر أي ندوة أو أي event يخص الكلية عشان أشوف حد معين وأبقي معاه في أي حاجة

بس بعد كده اكتشفت إنها مش مستهلة للحد ده

علي قد ما أنا كنت بتبسط بحضور الندوات والevents دي

وحاليا مفيش فرصة أخضر حاجة ولا اغير جو حتي

مش علشان حد لأن مفيش حد في حياتي

قلبي فاضي ..فاضي أوووي

كنت مخططة أطلع دهب ومحصلش

واروح اليكس ومحصلش

بس نأمل إنها تتصلح قريب

ومعدش هيقدم تنازلات في حاجة او شخص مش مناسبه

لكون انه يرضي الي حواليه

الدنيا أبسط إني أضغط نفسي عشان اي حاجة

عمري ما حسيت باستقرار الا أيام بابا الله يرحمه

دفا امان حنان غير مشروط صوته في البيت

ريحته وريحة هدومه والكتب بتاعته نضارته مصحفه

كوباية الشاي الي من غير إيد مظبوطة وبنعناع

الكرسي بتاعه في البلكونه .... الكوفرتة بتاعته

المكرونة من إيده ولا أحلي شيف

الأكل الي كنا بناكله سوا بليل

أم علي والبسبوسة ...

وحاجات كتييير في قلبي ليه وبس

بحاول من بعده أستقر نفسيا عشان أقدر أعيش

كل يوم بنجيب سيرته كإنه موجود

ماما نفسها تشوفه في المنام وحشها أوووي

2 نسكافيه

شط اسكندرية

قلب بينبض باسم الي تحبه ووبس