Untitled

Batanes: Tahimik na Paraiso

Ang aking paglalakbay sa Batanes ay isang karanasang hindi ko malilimutan. At kung ilalarawan isa itong mapayapang lugar, simple, masaya at kontento. Ang tawag sa mga taong naninirahan sa lugar na ito ay 'Ivatan', Ayon sa kasaysayan, ang salitang Ivatan ay maaaring nagmula sa "Ibat" o "Iban", na isang salitang tumutukoy sa isang tao o grupo mula sa ibang pook o tribo. May mga haka-haka na ang Ivatan ay isang salitang tumutukoy sa kanilang pagiging isang magkakaugnay na komunidad. Ipinakita din ng mga Ivatan ang kanilang mga tahanang gawa sa bato na matibay laban sa malakas na hangin kung saan mas lalong nagpahanga sa akin. Pinuntahan din namin ang Marlboro Country, na kilala sa mga kabayo at magagandang tanawin ng dagat at bundok. Mula sa taas nito, makikita mo ang magandang tanawin ng bayan at dagat mula sa "Basco Lighthouse" na naitatag noong dalawang libo't tatlo na kung saan nagsisilbing ilaw at gabay para sa mga mangingisda at mga barko na dumadaan sa karagatang nakapalibot sa Batanes.

KASIYASIYANG KAALAMAN:

Ang Batanes ang tanging probinsya sa Pilipinas na walang mga dyip? Sa halip, ang mga tao dito ay gumagamit ng mga traysikel at bangka bilang pangunahing paraan ng transportasyon.

Sa paglalakbay marami akong nakapulutang aral at nakita ko ang kahalagahan ng historya ng Batanes. Napakalayo ng klase ng kanilang pamumuhay sa atin ngunit ang pagiging masiyahin at pagiging kontento ang nagbubuklod sa mga tao sa lugar na ito. Walang lamangan, pataasan, o inggit kundi simple, bayanihan at payak na pamumuhay lamang ngunit masaya at kontento.

Ang maliit na isla ng Camiguin ay matatagpuan sa hilaga ng Mindanao at nag-aalok ng napakagandang tanawin. Ang mga natural na tanawin, maiinit na bukal, at mga makasaysayang pook ay nagpapakilala dito. Sa kabila ng katotohanan na ang Camiguin ay isang probinsya na hindi kasing sikat ng iba pang mga lugar sa Pilipinas, pero aking natitiyak na magugustuhan ng mga turista ang mga natatanging tanawin at kultura nito. Kilala din ito bilang "Isla na Ipinanganak ng Apoy" dahil sa pinagmulan nitong bulkaniko. Mayroong pitong bulkan ang isla, kabilang na ang aktibong Bulkan na pinangalangang Hibok-Hibok. Ang mga bulkan na ito ay naghubog sa tanawin ng isla at lumikha ng mga natural na atraksyon tulad ng mga bukal at talon na matatagpuan sa Dagat Bohol, sa hilagang baybayin ng Mindanao.

Kasiyahang kaalaman:

Sunken Cemetery- Ang Sunken Cemetery ay isa sa mga pinakasikat na tanawin sa Camiguin, ito ay isang sementeryo na nalunod sa dagat dahil sa isang malakas na pagputok ng bulkan noong 1871. Ngayon, makikita ang mga lumang cross sa ilalim ng tubig, at maaari itong bisitahin gamit ang mga bangka.

Nagawa kong bisitahin ang "Sunken Cemetery" na isa sa kanilang pinagmamalaki bilang parte ng kasaysayan, ang lugar ay tahimik at mahiwaga. Nang kami ay lumangoy upang mas makita ang kasaysayan sa ilalim ng karagatan nakita ko ang sementeryong noo'y nasa kalupaan, nasa ilalim man ng karagatan nanatili padin itong payapa. At sa pagtuklas sa Sunken Cemetery aking napagtanto na hindi masisira ng isang trahedya ang kagandahan ng lugar na ito bagkos ito ay naging kaisa at naging mahiwagang istorya ng paraiso.

Bilang isang manlalakbay ito pa ang isa sa mga hindi dapat palampasin pagdating sa Camiguin, ang kanilang mga kakanin.

Kilala ang Camiguin sa iba't-ibang kakanin gaya na lamang ng Kalamay na gawa sa malagkit, gata ng niyog at asukal. At ang kanilang Binaki na gawa sa mais, gata ng niyog, at asukal. Ibinabalot ito sa dahon ng mais at niluluto sa ibabaw ng uling, kaya't may natatanging usok na lasa. Karaniwan itong matamis at malinamnam.

Gusto n'yo ba ng budget friendly pero historical at swak na pasyalan para sa pamilya, kaibigan, kasintahan o kung solong manlalakbay ka man. Umpisahan nang bisitahin ang Quezon City Memorial Cirle na matatagpuan sa gitna ng Quezon City, partikular sa intersection ng Elliptical Road at Commonwealth Avenue.

Ang Quezon City Memorial Circle ay isa sa mga kilalang landmark ng Quezon City, na hindi lamang may malaking kahalagahan sa kasaysayan ng bansa, kundi pati na rin sa kultura at libangan ng mga tao. Matatagpuan sa gitna ng siyudad, ang lugar na ito ay puno ng kasaysayan, mga parke, at mga pasyalan, kaya’t naging paborito ng mga residente at turista.

Sa lugar din na ito makikita ang libingan ng ikalawang Pangulo ng Pilipinas, at kauna unahang Pangulo ng Commonwealth na si Manuel L. Quezon na nanungkulan mula noong 1935 hanggang 1944. Ang monumento ay itinayo bilang pag alala sa Pangulo. Ang lugar ay unang naging isang bahagi ng kanyang pangarap na magkaroon ng isang sentro para sa mga mamamayan ng bagong itinatag na Commonwealth ng Pilipinas.

At bilang parte para sa dagdag na kaalaman:

Alam niyo ba na Noong 1940, nagsimula ang konstruksyon ng Quezon Memorial Circle bilang pagbibigay pugay sa mga kontribusyon ni Manuel L. Quezon sa kalayaan at pambansang kaunlaran ng bansa. Inilaan ang proyekto bilang isang simbolo ng kanyang pamumuno.