MarVe

مكنتش مستعده ولا متخيله اخسر حد مالقريبين جدا بدون اسباب كدا عشان كل واحد فينا طاقته خلصت خلاص فمبقيناش موجودين...

وأنا راجعه انهارده عدت قدامي عربيه بسرعه علي قطه والمشهد كان صعب جداً عليا شفت قطط بتموت قبل كدا بس مشفتش رفرفة طلوع الروح ولا نافوره الدم اللي فتحت ومنظر قطط الشارع اللي اتجمعوا حوليها لحد ما سكنت خالص مش قادره اوصف شعوري أبدا ولا وجعي ولا إني فضلت اتخيل بعدها اختي حبيبتي لما اتوفت والحقير اللي خبطها بالعربيه وجري وماتت زي القطه عالرصيف بتنزف صاحب العربيه في الحالتين مفكرش حتي يهدي او يقف ولا يشوف ولا أي حاجه.. بجد حسبي الله ونعم الوكيل فيهم....

بعد سنين طويله ربنا يبعتلك موقف صغير تفهم بيه رحمته بحالك والحكمه من حاجات كتير مفهمتهاش وفضلت تتنطط عايز تفهمها.. تكتشف إنك فعلا مسكين والله رحمك كتير وانت مش فاهم ولا حاسس..

أدركت بعد سنين من هروبي مالحقيقه إني لسه شخصيه حساسه _بزياده_ لأن كدا كدا حساسيتي لا مفر منها +بخاف وبحرص علي مشاعر الآخرين أكتر من مشاعري الشخصيه، ولسه للأسف ساذجه في نقطه الثقه زي زمان واني كنت بضحك علي نفسي إني بقيت أفهم وأحرص وأنا عبيطه عادي وواهمه نفسي ....