Fdoblog | فدو بلوق | مدونة فادية

ريڤيو لأيلاينر قوش المزدوج 🖤 Giant PRO Double Liner فكرته جميلة ايلاينر و كحل بِمنتج ( إقتصادي و بيرفكت للشنطة او السفر ) ✨ . . الايلاينر السائل سهل جدًا في الإستخدام و سلس 👌🏼 اتوقع اللي ما تعرف ترسم بترسم مرة تمام خصوصًا لو اتعودت مسكته تساعد 🔥 لونه قوي و سواده حلو سويت لكم سواتش حركوا الصور الطرف الحاد للرسم سهل لان راسه حاد فبيساعدك كثير 👍🏼 ثابت يدوم لِ ١٢ ساعه / ضد المويا مسكته عريضة ما تخليكِ تهزي يدك ممتاز 😍 حبيته مره ♥️ . . الطرف الثاني كحل اسود جامبو عريض برضو سويت له سواتش لونه اسود قوي / ثابته لِـ ١٢ ساعة ، ما يروح بالمويا لازم مزيل ووتربروف 🖤 ما احب استخدمه جوا عيني لانه ماينبري و مكشوف 🤦🏻‍♀️ حلو قبل اي شادو غامق يعزز لك اللون 🔥 لو حبيتي تعملي سموكي او تعمليه كايلاينر و يتموه ممكن ✨ . . سعره تقريبًا ٨٥ درهم اماراتي / بيتوفر عندنا قريب في السعودية سنتربوينت + صيدلية بوتس

مقارنة سريعة بين مسكارة الحواجب من ماك و اسينس ♥️ كثيرين شبهوهم ببعض و انه نفس النتيجة ! لا طبعًا تفرق من وجهة نظري [ بغض النظر عن اللون ] 😐 . . أول شيء الفرشة تفرق كثير و طبعًا أفضل فرشة ماك و ركزوا بشكلها تنوع الألوان بماك اكثر و متوفرة / اسينس غالبًا مخلص ما لقيت الا هذا اللون ماك تقلب كأنها باودر و لونها ما يتأكسد / اما اسينس تتأكسد و يغمق اللون التعليب ماك زجاج / اسينس بلاستيك الثبات طبعًا ماك أعلى ثباتها . . الخُلاصة ايش اللي ارجع اشتريها ؟ مسكارا الحواجب حق ماك 🔥 صح أغلى و فرق السعر كثير بينهم بس تستاهل 👌🏼 و ابدًا ما تتقارن بحق اسينس . . طبعًا اللون الفاتح انا جايبته عشان لو كنت مستعجلة و رسمت بداية الحاجب غلط اعدل عليه فيها ، تعادل لي اللون و تبهت الحدة فيعطيني شيء مرتب اكثر 🤦🏻‍♀️ . . كلهم سبق و كتبت عنهم في #فدو_مكياج

سواتش لِبلشر #ماكس فاكتور ♥️ شوفوا اللمعه اللي على يدي لما دمجته 🤦🏻‍♀️✨ يجنن للإستخدام اليومي

سواتش لأرواج #ريميل_لندن ♥️🔥 اللون الوردي مو طبيعي على الشفايف درجته ناعمه جدًا 💋 . . الريڤيو كتبته قبل في #فدو_مكياج و موجود بقسم المكياج بالمدونة حركوا الصورة عشان تشوفوا السواتش للونين مع ارقام الدرجات . . الأرواج القلوسي او اللي هم ستان راجعين الفترة هذي ✨ مع ألوان الصيف 🔥

من أفضل المناكير اللي جربتهم ♥️ چل و من طبقة وحدة يبان كأنك مسويته أكثر من طبقة لونهم غني و مع التوب كوت يجنن ✨ . . #سالي_هانسن موجودة عندنا في #صيدلية_وايتس و كمان في #صيدلية_النهدي و في #لايف_ستايل و في #صيدلية_بوتس 👌🏼 سعره بحدود الـ ٤٥ ريال للواحد و فعلًا يستاهل ♥️ سواتش و معلومات اكثر : في مدونتي > الاقسام > مناكير . . #فدو_مناكير #bootsmiddleeast #sallyhansenarabia #sallyhansenme #sallyhansenmiddleeaat

أظلال العيون من رن اوف فاي 🖤 جربت اسوي فيها لوك بأصباعي و بفرشة دمج وحدة بس ! و استخدمت قبلها برايمر للعين / النتيجة بيرفكت 🔥 و كأني تعبانة عليه 🤦🏻‍♀️ . . الخطوات على السريع : برايمر للعين و دمجته / باودر مطفي بلون الجفن و دمجته اخذت اللون اللي بالوسط من الباليت على الجفن الثابت و كسرة العين و رفعته لفوق شويا (بلندينق خفيف) و اخذت اللون اللي بعده اغمق منه و على الكسرة و بليندينق و اخذت اللون الفاتح الثاني و حطيت منه فالنص على وسط الجفن الثابت و دمجت على خفيف بأصباعي بدون ضغط . . و باللون الفاتح عند مدمع العين و رسمت ايلاينر بسيط بالطرف و على خط الرموش السفلي بالشادو الغامق من نفس الباليت و دمجت ♥️😍 و شوية مسكارا و خلاص ، النتيجة عجبتني مره . . صراحة الاظلال ساعدتني جدًا لأن كانها زبدة او كريمية مع انها باودر تكلمت عنها قبل #فدو_مكياج 🔥 تلاقوها متوفرة في #فانيلا

هذا الكونسيلر من #ميبلين اقدر اقول انه افضل كونسيلر دورق ستور ♥️✨ بس ضروري تاخذوا اللون المناسب . . ما راح اعيد و ازيد في موضوع الكوركتر و لون الكونسيلر الاغمق بدرجة او اثنين لاننا اتكلمنا عنه كثير ! . . انا استخدمه كهايلايتر للتنوير تحت العين و بداية الجبهه و اعلى الخدود و عظمة الخشم لان لونه فاتح فينورهم 🔥♥️ حبيته و اتوقع لو يخلص اكيد اني برجع اشتري منه 👌🏼 . . زي ما قلت لكم موضوع الدرجة مهم مرة و بيفرق معاكِ / لو اخذتي درجة فاتحة و حطيتها بدون كوركتر و درجة كونسيلر اغمق منك ممكن يقلب رمادي و يسير بايخ ❌ . . سبق و نزلت طريقتي في المدونة > اقسام > خطوات مكياج ✨ اخذته من صيدلية بوتس ♥️ السعر ٥٦ ريال و اكيييد انه اصلي و هذا الأهم الدرجة اللي عندي ١١٠ 👌🏼 #maybelline #maybellinarabia #bootsmiddleeast #bootsme #bootsarabia #فدو_مكياج

البودرة المضغوطة من #ماكس_فاكتور ✨ فيه أنواع انا اليوم راح اكتب الريڤيو عن (الذهبيه) FACEFINITY Compact ♥️ . . تغطيتها ناعمة و نهايتها حريرية 👌🏼 ينفع تحطيها طول اليوم و تعيدي عليها بدون ما تتكتل / بس طبعًا مو تكثروا ! خالية من الزيوت و العطور فيها حماية من الشمس 15SPF مختبره من قبل اطباء الجلد . . تحتوي على Perma-Wear كي يقاوم التلاشي طيلة النهار ، ثباتها يعتبر متوسط لعالي 👌🏼 عن نفسي لما استخدمها ما يحتاج اعيد عليها تعطيني ملمس مخملي و مطفي دافي ✨ . . لونها على برونزي اخذتها لما اخذت الفاونديشن اللي صورته قبل كم يوم 🤦🏻‍♀️ مع بعض استخدمهم بس احتاج اكسترا ترطيب معاهم 💦 . . سعر الكومباكت باودر ٨٥ ريال / متوفرة في كل استاندات ماكس فاكتور #maxfactorarabia #maxfactorme #maxfactormiddleeast @maxfactorarabia #فدو_مكياج

ريڤيو بيبي كريم بور اكتيڤ من #غارنييه 💙✨ تجربتي القديمة مع #بيبي_كريم غارنييه القديم اول ما طلع كانت سيئة و ما حبيته ! بس هذا غير 👌🏼 . . اختي كمان تحبه كثير و ما تستغنى عنه ، صح لونه شويا غامق و يعطي على تان خفيف بس ناعم و يغطي 🔥 فيه نسبة ترطيب جيدة و هذا النوع يوعد بأنه : ضد الشوائب / يوحد لون البشرة / يزيل اللمعان يخفي الشوائب / يحارب البقع و الرؤوس السوداء / حماية من الشمس بالنسبة للتغطية : خفيفة لمتوسطة و يومي خفيف . . . هذا النوع للبشرة المختلطة إلى الدهنيه 💙👌🏼 فيه انواع ثانية للبشرة الجافة و غيره / الأفضل كل وحدة تختار حسب نوع بشرتها . . سعره في الـ ٣٠ اذا مني غلطانه 🤦🏻‍♀️ موجود بالصيدلية و السوبرماركت .

ريڤيو رموش رد_شيري ♥️ جميلة و خفيفة و أكيد اغلبكم مجربها 🔥 مره مريحة فوق العين و شكلها طبيعي جدًا خصوصًا هذي الدرجة . . انتبهوا بنات 💡 فيه منها تقليد / احرصوا انكم تاخذوها من اماكن توفر الأصلي فقط ! عن نفسي اخذتها من صيدلية #فارما_مول و هذا حسابهم ♥️ و سعرها ٢٨ ريال و تقريبًا عندهم كل الأشكال . . اللي في الصور ملبوسة مرة وحدة و منظفتها بطريقتي اللي سبق و حطيتها في #فدو_مكياج 🔥 و بس خلصنا .

اكثر فرشة احبها للفاونديشن 3D كابوكي من #سيقما 💖 كتبت عنها زمان في #فدو_فرش_مكياج . . تعطيني التغطية اللي تبرد القلب ، و طبعًا حسب نوع الفاونديشن احب استخدمها مع فاونديشن #دولتشي_اند_قابانا 🔥 . . فرش سيقما متوفرة في #فانيلا 👌🏼 سعرها بِـ ٩٠ ريال 💸

ريڤيو اليوم لفرش اتش_اند_ام للعين 🖤✨ هذا النوع اللي يجي كل حبة لوحدها مو جهتين زي اللي اول . . عندي منهم اثنين : النوع الأول Large Shading Brush 🖤 : هذا النوع كبير ينفع للدمج / تنظيف / طبطبة لون باودري احبها و احس لازم كل مره اتمكيج تكون نظيفة لاني استهلكها كثير 🔥 اكثر استخدامي لها في اللون البيج اللي بعد برايمر العين تساعدني كثير و توزعه بسرعه 😍👌🏼 . . النوع الثاني Straight Defining Brush 🖤 : مناسبة للجفن السفلي حادة مره فتنفع لوضع الايشادو على منابت الرموش / تنظيف تحت الحاجب بالكونسيلر تحددي فيها جدًا سهل / تمويه الايلاينر على طرف العين لانها حادة فتساعدك تمام 👍🏼 . . كل ما اروح اتش_ام و ابغا اشتري فرشة الدمج من نفس هذي النوعية ( اللون الاسود ) ما احصلها 😕 ايش تسووا فيها انتوا تأكلوها 🤔 !! . . سعر هذا النوع الحبة الوحدة بِ ٤٩ ريال .

بيبي كريم للعين من #غارنييه ♥️👁 محسن لحولين العين / طبعًا ضروري ضروري كلكم تعرفوا انو الهالات المسبب الاول لها قلّ النوم + المويا 💦 . . ما انكر فيني هالات ما انام كويس وَ المويا برضو مو بيرفكت في شربها :/ عمومًا لازم تعرفوا ان مافي منتج سحري يشيل الهالات بسرعه ! . . ايش مكتوب على العبوة : محسن محيط العين 5 في 1 يخفف الهالات السوداء و الجيوب تحت العينين يخفف علامات التعب / يخفف مظهر الخطوط الرفعية يعزز الإشراقة / يرطب 24 ساعة . . الدرجة اللي عندي : متوسطة ، احسه تجميلي مُش علاجي / يعني كونسيلر يومي خفيف مع البيبي كريم حق #غارنييه ♥️ لونه مُش مناسب لازم كوركتر لو هالاتك قوية فيه لمعه تعكس يعني كأنه زيت بس خفيفة . . ما انصح فيه ❌ الإ لو تبغي شيء يومي و مرتاحة على منتجات غارنييه .

تجربة سريعة لهذي العينات من شامبو Rene Furterer 💚🛁 مدري ايش اكتب عنها ! / الصورة قبل الإستخدام طبعًا الكمية فقط ١٥ مل احس الريڤيو بالزات مع الشامبو ما ينفع يكون بس هالكمية 😅 . . الشعر يحتاج وقت عبال يستوعب الشامبو و لا مره و لا مرتين تبين النتيجة فَيعني راح اذكر لكم خواص المنتجين فقط بدون تجربتي الشامبو الأخضر الفاتح مكتوب عليه ڤوليوم : شامبو مكثف للشعر الرقيق و الضعيف 💚🛁 الشامبو الأخضر الغامق هذا الشامبو بالأكسجين العميق يطهر فروة الرأس في حين يقضي و ينظم إنتاج الدهون عند استخدامه بإنتظام / بإختصار للشعر الدهني جدًا . . ما اعرف فين يتباعوا بس اتوقع موجودين في الصيدليات الكبيرة ✨

ريڤيو سريع لفرشاة #اتش_اند_ام للعيون 🖤✨ تجي بجهتين زي اللي وريتكم اول / جميلة و ناعمة و تفك أزمة ما احس هذا الشكل اساسي للعيون ! . . الجهة الأولى مشطوفة و عن نفسي استخدمها كونتور للخشم لان حجمها كبير لو ابغا اعمل فيها كسرة العين 🤦🏻‍♀️ تناسب مرة ككونتور للخشم 👃🏼 حجمها مُناسب جدًا . . الجهة الثانية جميلة و ممكن تستفيدي منها للعين تتطبي لون على الجفن الثابت / تدمجي شدو تحت العين / هايلايت تحت الحواجب يعني تفيد في مكياج العين 🖤 . . سعرها جميل و اقتصادي ٣٩ ريال 💸 من محلات #اتش_ام

ريڤيو فاونديشن #ماكس_فاكتور Skin Luminizer ♥️✨ من اسمه : يعطي مظهر البشرة الصحية الخالية من الشوائب / يحتوي على حبيبات عاكسة للضوء تعطيكِ إشراقة صحية 🔥 . . الدرجة اللي عندي غامقة و احب استخدمه بالصيف 👌🏼 اسم الدرجة برونز و فعلًا اسم على مسمى تعطي لون التان الناعم مُش الحاد لانها قريبة من لون بشرتي . . ما لاحظت ان فيه ترطيب مع انه خليط مع برايمر مرطب مو بس فاونديشن ! و لا لاحظت ان فيه حبيبات عاكسة ملحوظة / فقط يعطي لوك ناعم تغطية من خفيفة لمتوسطة . احتاج قبله كريم مرطب و برايمر حسب نوع البشرة ✨ . . جميل و لكن ممكن يكون فيه خيارات ثانية بالسوق أفضل ! بخصوص انه مكس مرطب + فاونديشن عادي جدًا يمكن لو فاونديشن لوحده تكون تغطيته اعلى :/ . . سعره تقريبًا 110 ريال 💸

هذي الفرشة احبها مره للهايلايت من #ريل_تكنيكس 💖 لأن شعرتها مو ناعمه / بالعكس تحسوها نوعًا ما خشنة لا مو خشنة 😅 بس شعرتها يابسه فَتحتك مع الهايلايت صح و تأخذ كمية كويسة . . احبها مع هايلايت #ذابالم 🔥 تعطيني نتيجة مرضية اسمها Setting Brush ✨ . . #فدو_فرش_مكياج