A Puschtra Gitsche bloggt...

Geschton wore widdo amol in schian Meranerlond untowegs, um genau zi sein in Lana afn Brandiswohlweg. Weil i mi do drin net so guit auskenn  find i die "Hingucker" (af puschtrarisch sogatmo Hingugga) wos entlong fa viele Spazier-und Wohlwege sein durchaus praktisch. Wenn man durchschaug nua sig man a Bauwerk und drunto steat wos man do ginau sig!

A Teich in do Nähe fa Bruneck.

Ba ins wern net lei die Geschte in die Südtiroler Wellnesshotels verwehnt sondern die Kie af do Olbe a. Wie es afn Foto secht, gibs sem Kuhbürsten und do konn nua die Kui selbo drunto gian bollse Luscht hot und gonz noch Bedorf is Fell birschtn. Also: Luxus pur af do Olm. Des Foto hone übrigens Vorigisjohr afn Astjoch ba Lorenzn gimocht und weilmos so guit gfoll hot honnis enk natürlich net vorentholtn giwellt.

Wenn in Stegn Morscht isch, nua isch a gonz klor Kaki-Zeit. Jedis Johr muss man aupassn, dass man no a por fa de siassn Früchte dowischt, weil es gib sie net fi longa Zeit. Af Wikipedia honi gilesn dass de Frucht in China schun seit 2.000 Johr ginutzt wert und 90% heint ano fa China, Japan und Korea her kimp – In Südtirol kemmse obbo eha aus Italien, Spanien oddo Frankreich. Zin essn mog i se am liebstn gitualto mit an Leffl obbo viele essn sie a wie an Äpfl. Gonz wie man mog…

Egal ob mit Speck, Spinat, Kaas oddo sischt irgntwelcha Zutotn – Knedl sein uans fa die köstlichstn und traditionellstn Gerichte aus Südtirol. Onscheinend schun im 13. Johrhundot hot man de do gessn. Wahnsinn oddo? Dass de olm no so guit sein und dassz a olm widdo Neua gib…Hon itz vor kurzn zin Beispiel erscht amol an Wok-Knödl (Knödel mit Wokgemüse) gessn und er wor suppo.

An zwua Freitige wors schun und heint is a widdo soweit… Bis holba elfa sein die Gschäfte offe, in do Innenstodt spieln einheimisch Bands, a Flohmorkt isch und die doign Gostwirte bietn kulinarische Köstlichkeitn un. Also nix wie glei hin! Wers heint nimma dotut ins Pustertal zi kem, hot negstn Freita nomol die Meglichkeit. Af der Seite fentas infol is Programm: www.bruneck.com

Lieblingsplätze hot a jedo... und in Südtirol gibs jo so schiana Orte wo man zum Beispiel an guitn Wein krig oddo uanfoch la entsponn konn. Seit kurzn gibs a die Meglichkeit in Internet seina Lieblingsplätze in Südtirol mit ondre zi tual; und zwor af http://suedtirol.myplatzl.com/. Bin schun gonz gsponnt ob man als Einheimischa a no in uan und in ondon geheimen Tipp krig.

Bomben Wetto zur Zeit do in Südtirol! Leschtn Sunnta hon i des a ausginutzt… zur Obwechslung ischs widdo amol ins Tauferer Ahrntal um genau zi sein noch Kasern bei Prettau im Naturpark Rieserferner Ahr gong. Wenn man sem a Stuck gian will, nua muss man in Kasern parkn und donoch zi Fuiß gian oddo infoll mit die Longlafski z.B. bis zi do Jagahitte Richtung Tolschluss fohrn – in Ahrntal hots a a win lenga Schnea:) Es isch et weit und get olm ebmhin und deswegn a fi Kindo a suppo Wondorung.

Wos schmiert des enk jedn Tog afs Fühstücksbreatl? Gern tut man jo wechsl, obbo zur Zeit is ba mir aso, dass do Südtiroler Honig in do Fria nia fahl terf! Do Honig isch do ziemlich konzentriert und reich an natürlichn Aromen. Insra südtiroler Bienen hom a beeindruckenda Auswohl fa Blütn af einheimischa Wiesn und Wäldern. I krig mein Lieblingshonig fa zwua junge  Imker ausn Eisacktal de i guit kenn und ba de i a wuas, dass do Bienen Honig mit Leidenschoft hergstellt wert.

Do 3.343 m huache und somit a högste Berg fa die Dolomiten soll in Nume Marmolata, italienisch Marmolada wegen do Ähnlichkeit mit Marmor her hobm. A Südtiroler Sage noch, solln fria af den Berg griana Almwiesen giwessn sein und weil zwua Baurn die Feiotogsruhe net inkoltn hobm und decht afn Feld giorbatn hom, hots unkep zi schneibm und soffl long nimma aukert hobm bis do Berg zin Gletscha wordn isch…

Fa Villanders aus fohrmo af die Gassa Hitte wo man parkn konn und nua gehts augn af de schiane Hochalm im Eisacktal, Südtirol. Leido hots heure in Jänna nimma soffl Schnea kop obbo is Wetto wor suppo und die Sicht perfekt! Ob mit do Rodl, Ski, Schneaschuiche oder zi Fuiß… af do Villanderer Alm sig man widdo amol wie schians mir do in Südtirol hobm;)

Mir Puschtra kenn jo net lei in Weihnachtsmarkt in Bruneck - ins find man in gonz Südtirol :) Leschtis Wochnende wor i afn Weihnachtsmarkt in Meran wo a des Foto entstondn isch. Romatischer Adventzauber konn man af jedn Südtiroler Christkindlmarkt erlebm – Ob man itz lei Nomitog die zahlreichen Standlan schaug oddo afnocht a länga ba an Glühwein mit a por nette Leit voweilt.

Concordia 2000 - Die Glocke afn Gipfl fan Kronplatz in Südtirol (2275 mt)

Wie jedis Johr in Oktobo keart a heure am 26, 27 und 28 Oktobo widdo do Stegina Morscht zin Pflichtprogramm fa an jedn Puschtra. Seitn 11 Johrhundot gibs den Johrmorkt schun und es huast, dass man la guit ibowintot wenn man mindischtns uanmol in die 3 Toge hinget. Nebm Wirschtlbudn, Giwond und Kuriosis terf man net vosaum an tirgischn Honig und a por Keschtn zi kafn! Also nix wie hin!