محاولات لفهم النفس
اتفرجت بالصدفة على مسلسل غدا تتفتح الزهور لمحمود يس
وعلى الرغم من منطقية النهاية
إلا أنها أثرت فيا بشكل كبير
وضربت عندي على أوتار ماكنتش فاهماها قبل كدا وإن كنت بحسها بس مش فاهمة السبب بس دلوقت فهمت
المعلم
ليه دايما كنت برتبط بالمعلم وبعلي شأنه في قلبي بدرجة أكبر من العادي
ولحد الوقت مش بحترم أي معلم ما بيعرفش يملى المركز اللي هو فيه
لأنها حاجة كبيرة جدًا
وعشان كدا سبت التدريس على الرغم أني أزعم أني معلمة لا بأس بها
بس المشكلة أني بدرس كويس بس لازم روحي تكون حاضرة في كل حصة وأكون مرتبطة عاطفيًا بالأطفال خصوصًا وده حمل كبير ما أقدرش أتحمله
الأطفال عندهم طاقة حب كبيرة ما أقدرش أستحملها ولا أبادلهم نفس الشعور بالكذب
نرجع لموضوعنا
أستاذ رفعت
اللغة العربية الفصحى واتقانها
الاحترام
حب العمل
التطبيق العملي لتثبيت النظري
حبي للعلم
Being a nerd
كل المعطيات دي بتخليني أكون
obsessed
مش بشكل رومانسي خصوصًا للي درسوني
لكن هو افتقاد لل
father figure
في حياتي
المفارقة هنا أن والدي كان معلم ومربي فعلًا بشهادة اللي درسلهم
لكن أنا ماكانش ليا حظ في ده بحكم سفره
وعشان كدا فهمت خيبة أملي لما أستاذ رفعت قرر الانسحاب من المشهد وهي النهاية المنطقية المفروضة والصح
وفهمت سبب بكايا لما بسمع
ياريتك بابا والأستاذ
