فاصلة منقوطة

الفكرة كلها ان احنا لو كنا مناسبين لبعض كنا كملنا و فكرة ان هو اللي سابني انا ماحسيتش للحظة واحدة ان انا عايزة احارب او اكمل خلاص فكان بالنسبالي الموضوع انتهى لما انتهى

تاني حاجة بقى ودي الاهم هو انه شئت ام ابيت هو حاجة حصلتلي وفترة في حياتي سواء حبيتها او محبتهاش (والحق يتقال هو معمليش اي حاجة وحشة ولا اذاني في اي حاجة ) فكوني افتكرها واتكلم عنها ده طبيعي لإنها "جزء من حياتي" واصلا انا التجربة دي علمتني كتير اوي عن نفسي وعن الجنس الاخر اللي كنت لسه برضو بكتشف الدنيا في العلاقات

و برضو فكرة ان حد يسيبني عشان عارف هو عايز ايه دي حاجة مش وحشة بالنسبالي كفاية هو عارف ان انا مش الشخص المناسب ف يلا نسيب بعض بكل احترام مش لازم اكرهه عشان عمل كدة حتى لو انا كنت بتمنى ان احنا نكمل

انا برضو عايزة اقول ان انا كنت مش راضية عن حاجات كتير في العلاقة وده ساعدني ان الموضوع يبقى ابسط واسهل عليا ف انه مش الشخص اللي اكمل حياتي معاه والاهم من ده كله اني بعدها عرفت انا عايزة ايه بالظبط وده حاجة ساعدتني في حياتي كتير جدا

عيب والله

يعني ايه نمتحن كل يوم

وصدعت من كتر التفكير ع الفاضي ده