H.

الحمدلله دائماً و أبداً، سراً و جهراً ، و أولاً و أخيراً، الحمدلله حتى يبلغ الحمد مُنتهاه

الحمدلله انى عديت بتجربه صعبه وفتره من اصعب فترات حياتى نفسياً وجسديا وكان املى فى ربنا كبير جدا والحمدلله ربنا عداها على خير حتى الان، انا بقول الكلام دا عشان كل ماحس ان حياتى ممله افتكر اللحظات دى وأقدر اد ايه حياتنا الروتينيه الممله "المستقره" نعمه كبيره جدا بس مبناخدش بالنا منها ، نعمه انك تنام كل يوم فى سريرك وانت عارف بكره يومك هيمشى ازاى ، اخواتك عاملين ايه، مامتك هتطبخلك ايه ، هتصحى امتى عشان تروح شغلك وبالليل هتتفرج على ايه،، كل الحاجات البسيطه الى قد نراها روتينيه و زهقانين منها اقسم بالله نعمه كبيره جدا ومحتاجه شكر وتقدير دايم.

انا من يوم ٦ وانا بنام على كرسي جنب مامتى فى العنايه توتر وارهاق و خناقات ورعب وخذلان من ناس كتير ، امبارح بس رجعت لأوضتى ولسريرى وكركبتى وزنقه شغلى بس انا فى اسعد لحظات حياتى واكثرها امتناناً

اللهم أدم علينا نعمك واحفظها من الزوال ، اللَّهم احفظ لي من أُحب من كل مكروه فأنت خير الحافظين.