Ericka Pfeiffer

Ericka Pfeiffer S. Delos Verlas, 11-Quadrio

Karamihan ay nag alab ang damdamin sa anunsyong tatanggalin na raw ang Filipino at Panitikan sa kolehiyo. Dahil dito, nagkaroon ng protesta ang mga estudyante at mga guro sa kolehiyo na nagtuturo ng Filipino at Panitikan. Bakit nga ba pinatanggal ang Filipino at Panitikan? Ano ang naging epekto nito sa mamamayan? Nakatulong ba ito? O ikinalala?

Ayon sa panayam ng GMA Public Affairs sa mga guro, estudyante, at iba pa, makikita sakanila ang lungkot, galit, at ang pagiging isang makabayan. Bakit nga ba tinanggal ang Filipino at Panitikan sa kolehiyo? Base sa CHED at DepEd, inilagay nila ang mga dapat na ituturo sa 1st at 2nd year college sa Senior High School upang pag dating daw sa kolehiyo ay mapokus nila ang mga major subjects ng kanilang kinuhang kurso. Ano nga ba ang naging epekto nito sa mga Pilipino? Ayon sa pinanuod, babaeng estudayante na si Jeunnezeanne Penaflor, isang Pilipino ngunit pinanganak at lumaki sa bansang Brunei. Sa kaniyang karanasan, hindi pa siya pamilyar sa Pilipinas. Lalo na sa kaniyang pananalita. Hirap siyang makipag usap sa ibang tao dahil nga sa kaniyang hindi pagkapamilyar sa wikang Filipino. Sa tuwing nagsasalita ng Tagalog ay siyang pagtatawanan kaya kalaunan ang ginagamit niya na lang ay Ingles. Isa pa ay ang mga gurong nagtuturo ng Filipino at Panitikan sa kolehiyo. Sa pagtanggal nito, marami ang nawalan ng trabaho. Lumipat ng ibang asignatura, nalipat sa mga estudyanteng nasa Senior High School. Ngunit sa rami ng nagtuturo, may posibilidad na hindi lahat ay makakuha ng oportunidad. Ano nga ba ang reaksiyon ng bawat isa sa pagtanggal nito? Bawat isa ay may kaniya-kaniyang opinyon at paglalaban ngunit ang pinaka-angat sa lahat ay ang pagbasura raw o hindi pagpapahalaga sa Filipino at Panitikan.

Ericka Pfeiffer S. Delos Verlas, 11-Quadrio

Ano na ba ang kaisipan ng bawat isa? Nahihiya na mag salita ng Filipino sa mga kasama na puro ang salita ay Ingles? Ayaw mag salita ng Filipino kasi nakakabawas sa 'coolness'? Na kapag ikaw ay nagsalita ng Ingles magmumukha kang matalino? Ano na ba ang nangyayari sa wikang Filipino sa kasalukuyan? Bakit parang nalilimutan na ang mga simpleng bagay sa Filipino?

Ayon sa Investigative Documentaries, sa kanilang panayam sa gurong nagngangalang Gng. Villanueva, nagtuturo ng Filipino, kaniyang pansin sa mga estudyante ang pag hina ng kaalaman sa wikang Filipino. Ang pag-aakala na kapag ang isang pangungusap ay mahaba ay lalagyan na ng tuldok, ang paggamit ng "daw" at "raw", kanila pang idinagdag ang pag-limot ng mga estudyante sa kung kailan gagawing malaking titik ang isang letra sa pangungusap. Karagdagan, aking napapansin kapag ako ay may kinakausap o nakikipag-usap gamit ang social media ay ang paggamit ng "ng" at "nang". Madalas itong nakakaligtaan ng bawat isa. Kadalasan din ang kahirapan ng mga estudyante ngayon ay ang pagtukoy ng mga lumang Tagalog o malalalim na salita. Sa panahon ngayon, lalo na sa mga urban na lugar, may mga maririnig kang salita na may halong Tagalog at Ingles. Ang madalas na tawag dito ay "Taglish" o ang tinatawag na "conyo".  Nanibago ang gurong si Gng. Villanueva sa mga estudyante niya noon at ngayon. Patagal nang patagal, masasabi nating ang Filipino noon ay ibang-iba na sa ngayon. May mga bagong wika ang nabubuo na tinatanggap na ng mga Pilipino at dahil doon, nakakaligtaan na ng mga Pilipino ang tamang pag gamit sa wikang Filipino.