𝕯𝖊𝖜

الناس بتزيد غلاوتهم عندي بالأقدمية ليس إلا، يعني لا مواقف ولا مدى حبهم ليا ولا اي عوامل اخرى .. هو بس كل ما نعرف عن بعض حاجات كتير واحسهم صحابي من زمان فمابتهونش عليا العشرة بقا مهما عملوا ايتس اوكااي انا بحبك واحنا صحاب من زمان اوي فمش مهم 😂

عارفين يا جماعة احساس ان قلبك متفتفت مش مكسور؟ فبتحس ان مش عايز اي حد فالكوكب يحس الاحساس الوحش ده وبتمشي تطبطب عالناس بسبب ومن غير سبب وتحاول تخلبهم كويسين عشان انت اكتر حد مكانهم وفاهم هما حاسين ايه دلوقتي؟؟

مش قادرة ومش طايقة اتعامل مع حياتي بالشكل ده وحقيقي لو كان في اوبشن اني اعمل format لعقلي ولوجودي من عقول كل اللي اعرفهم كنت عملت كده بدون تردد والله وابدأ حياة جديدة بناس جديدة ويز زيرو اكسبيريانس لان زي ما انتوا شتيفين الاكسبيريانس بتاعتي مالها اي اهمية وحمارة بتعمل نفس الاخطاء

ان شاء الله لما السنة تخلص هرمي أجندة ٢٠٢٠ ومش هجيب اجندة ل٢١ خلاص كرهت فكرة التدوين والتوثيق من كل قلبي .. شهور من تدوين خيبتي وغبائي وسذاجتي وقرارتي المتهورة واختياراتي اللي زي الزفت والله..

نفسي ننورماليز في بيتنا فكرة اني ابقى قاعدة وبدون اي مقدمات يلاقوني بعيط