ميرنا

اتفاجئت يومها و اتأثرت و مسكت نفسي من ان اعيط قدامهم بجد 🥹🥹🤍

المشهد الاول: كنت خارجه مع صاحبتي و قاعدين على البحر و لقيت عيله جميله ربنا يسعدهم بيبنوا قلعه و بلعبوا الاولى و المنديل و كوره انا كنت قاعده جمبهم فكروني بايام جميله و حسيت ان رجعت تاني لايام زمان لما الناس كانت بتعرف تستمتع بوقتها من غير م توثق كل حاجه على السوشال ميديا او بتربط النشاطات اليوميه بايه هحصوره علشان انزله فلوج جامد جدا يكسر الدنيا

رجعوني لايام بسيطه ايام م كانت الناس بتستمع من غير م تحس بالذنب و لا تفكر في الشغل او يجيبوا سيره فلان و علان علشان مفيش اي حاجه يقولوها او يعملوها

المشهد التاني: كنت في مطعم مع صاحبتي لقيت ولاد صغيرين في اعدادي لابسن لبس كان الجيل بتاعي بيلبسه في اعدادي و طابعين اسم الباند اللي بيحبوها على التيشيرتات و فيه واحد منهم كان لابس نفس لبس lead singer في باند قديمه قعدت مركزه معاهم لغايه م قالوا linken park ده من ايام بابا حسيت ان احدث حاجه ايامنا بقيت دلوقتي انتيك

اتعرفت عليهم و طلعوا فعلا تالته اعدادي و قد ايه هما مهتمين بكل حاجه كنا بنعيشها و احنا قدهم و حتى بيصورا بعض بكاميرا ديجتال من للي كانت قالبه الدنيا وقت م كنا صغيرين و بيهادوا بعض ب colored gameboy و قد ايه داخوا علشان يلاقوه .. و هو لسه عندي في صندوق الطفوله بتاعي