مِريهان

كل يوم بقعد اقول لنفسي لاء مش هقعد انهاردا فالشمس حلوة درجة التان دي خلاص جلدي مش هيستحمل اكتر من كدا وكل يوم بردو زي دلوقتي ببقى مش قادرة اتقلب من جمب للتاني من اللي عملته فنفسي طول اليوم وببقى عبارة عن آهات أم كلثوم متحركة بدرجة حرارة جلدية تتعدي الـ١٥٠ فهرنهايت مرتاح.. غريب الإنسان مين فاهمه

انا كان قصدي ونيتي اخد تان الموضوع قلب تسلخات بلون برونزي

عودهم في شغلك انك دايما بتعمل ال bare minimum عشان وقت الجد لما تعمل ال extreme ميبقاش دا العادي وتبقى متشاف ومتقدر انما لو معودهم انك بتحرق بنزين طول الوقت هيتشاف انه عادي ما انت متعود على كدا عملت ايه جديد يعني .. اشتغل بذكاء مش بحرق عالفاضي ..

انا طول اليوم في جدال مع نفسي بين ارد الرد اللي عارفة انه هيحرق دماغ اللي قدامي ويلعب على الانسكيورتيز اللي عنده ولا خليني انا الاحسن مفيش حاجه تستاهل اني انزل بنفسي اوي كدا واحتسبها عند ربنا هو دايما بياخدلي حقي رغم قدرتي على دا .. المشكلة اني لما برد ردود صعبة مش بردها انفعال ولا غيظ ولا عصبية فمش عارفة انا بقول ايه عشان منفعلة مثلا لاء خالص انا ببقى في منتهى الهدوء والبرود وعارفة كويس بقول ايه لمين وانا عيني فعينه وعارفة كلامي اللي زي الرصاص هيعمل ايه فدماغ اللي قدامي .. فعلا اصعب جهاد هو جهاد النفس ..

واقفة عند صباح وهي بتقوله " ذنبك ايه ذنبك بحبك هو بعد الحب ذنب!"

الانسان عقله أسير "ما كان يمكن ان يكون" فمتسبش نفسك ليه عشان هيسحلك معاه بسبب وبدون سبب