Burma Gamer

#RejectMilitaryCoup

PSI စလောင်းများဟာ မြန်မာပြည်တွင်း အကြမ်းဖက်စစ်ကောင်စီရဲ့ မတရားမှုများကို တိုက်ရိုက်ထုတ်လွှင့်ပေးနေတဲ့ MIZZIMA နဲ့ DVB ရုပ်သံလိုင်းများ ဖမ်းယူကြည့်ရှု့လို့ရတာကြောင့် အခုလိုဖြုတ်သိမ်းခိုင်းနေတာပဲ ဖြစ်ပါတယ်။

ရန်ကုန်မြို့ရှိ အမေရိကန်စင်တာကို သေနတ်ဖြင့် ပစ်ခတ်ခဲ့သည့် ကိုအေးသော်ကောင်းကို ဖမ်းဆီးရမိပြီဟု အကြမ်းဖက်စစ်ကောင်စီက ထိန်းချုပ်ထားသည့် MRTV သတင်းမှာ ဖော်ပြသည်။ အဆိုပါ အမျိုးသားဟာ ရွှေပုစွန်မိသားစုလုပ်ငန်း၏ ပိုင်ရှင်ဖြစ်သည်ဟု အွန်လိုင်းမီဒီယာပေါ်တွင် ပြောဆိုနေကြသည်

Photo credit.

(၀၆ ၅၅)အချိန် မီးငြိမ်းပါသည်။

မိတ္ထီလာမြို့မှာ မတ်လ ၂၇ ရက်နေ့က စစ်ကောင်စီတပ်တွေ ပစ်ခတ်မှုအတွင်း သေဆုံးခဲ့သူ ကိုထွန်းနိုင်ကို အစွဲပြုပြီး အောင်မင်္ဂလာရပ်ကွက်ထဲက တံတားတစ်ခုကို ထွန်းနိုင်တံတားလို့ မြို့ခံတွေက ဧပြီလ ၅ ရက်မှာ နာမည်ပေး ဆိုင်းဘုတ်တပ်လိုက်ကြပါတယ်။ မတ်လ ၂၇ ရက် မိတ္ထီလာမြို့တွင်းက ပစ်ခတ်မှုတွေမှာ ကိုထွန်းနိုင်အပြင် နေအိမ်ထဲနေထိုင်ရင်း အပစ်ခံရတဲ့ အသက် ၁၃ နှစ်အရွယ် ကျောင်းသူလေးတစ်ဦးအပါအဝင် အနည်းဆုံး လူ ၄ ဦးသေဆုံးခဲ့ပါတယ်။ ဓာတ်ပုံ - CJ

လေယာဥ်နဲ့ ဗုံးကြဲလို့  ဒေးဘိုးနိုး အထက်တန်းကျောင်း ပျက်စီး ~~~~~~ ■ ဧပြီလ ၄ ရက်နေ့က စစ်ကောင်စီ လေယာဉ်ဗုံးကြဲခဲ့တာကြောင့် ပျက်စီးသွားတဲ့ ကရင်ပြည်နယ်၊ ဖာပွန်မြို့နယ်က ဒေးဘိုးနိုး အထက်တန်းကျောင်းကို တွေ့ရတာဖြစ်ပါတယ်။

သာကေတမြို့နယ်က လိုလျှင်ယူ၊ ပိုလျှင်လှူ ကမ်ပိန်း ~~~~~~ ■ ယနေ့မနက်က သာကေတမြို့နယ်တွင် ပြုလုပ်ခဲ့တဲ့ "လိုလျှင်ယူ ပိုလျှင်လှူ'' ကမ်ပိန်းကို ဧပြီ ၆ရက်နေ့ ယနေ့မနက်ပိုင်းက သာကေတမြို့နယ်တွင် လိုလျှင်ယူ၊ ပိုလျှင်လှူဆိုတဲ့ လှူဒါန်း/အလှူခံ လှုပ်ရှားမှုကို ပြုလုပ်ခဲ့ပါသည်။

မြောက်ဥက္ကလာပမြို့နယ်က လူငယ်တွေ မနေ့ ဧပြီလ ၅ ရက်တုန်းက ပြုလုပ်ခဲ့တဲ့ စစ်အာဏာရှင် ဆန့်ကျင်ရေး ကော်ဖီသပိတ် မြင်ကွင်းတွေ ဖြစ်ပါတယ်။ စစ်အုပ်ချုပ်ရေးအမိန့်ကြေညာခံထားရတဲ့ ရန်ကုန်တိုင်းထဲက မြို့နယ် ခြောက်ခုထဲမှာ မြောက်ဥက္ကလာပမြို့နယ်လည်း ပါဝင်နေပါတယ်။ ဒါပေမဲ့ အဲဒီက လူငယ်တွေကတော့ လူမဲ့သပိတ်၊ ပြောက်ကျားသပိတ်အပြင် သပိတ်မျိုးစုံကို နေ့စဉ်လိုလို ပြုလုပ်နေကြပါတယ်။ ဓာတ်ပုံ - CJ

ဖုန်းတောင်ပါမသွားတဲ့ပြည်သူတစ်ဦးကို လက်နက်များနှင့်အတူ ဖမ်းဆီးရမိဟု စစ်ကောင်စီဝါဒဖြန့်မဇ္ဈိမပုသိမ်မြို့မှာ မတ်လ ၂၉ ရက်နေ့က စျေးဝယ်သွားတဲ့ အမျိုးသားတစ်ဦးကို စစ်ကောင်စီက မတရားဖမ်းဆီးပြီးနောက် MRTV၊ MWDနဲ့ စစ်ကောင်စီဝါဒဖြန့်ချီရေး သတင်းစာတွေကနေ လက်နက်တွေနဲ့အတူဖမ်းမိတယ်လို့ လိမ်လည်ဓါတ်ပုံရိုက်ကာ သတင်းအမှားဖြန့်ချီ အမှုဆင်ဖမ်းဆီးခဲ့ပါတယ်။ စစ်ကောင်စီရဲ့ ဝါဒဖြန့်ချီရေးသတင်းစာတွေနဲ့ရုပ်သံတွေမှာ ပုသိမ်မြို့နေ ကိုဇော်အေးကို ဆူပူအကြမ်းဖက်မှုများဆောင်ရွက်ရာတွင် အသုံးပြုသည့် လက်နက်များနဲ့ ဖမ်းမိတယ်လို့ ဓါတ်ပုံနဲ့တကွဖော်ပြခဲ့ရာမှာ ပုံတွင်ပါဝင်တဲ့အမျိုးသားရဲ့ အမည်မှန်ဟာ ကိုမိုးစန်းအေးဖြစ်ပြီး မတရားဖမ်းဆီးစဉ်မှာ လက်ကိုင်ဖုန်းတစ်လုံးတောင်ပါဝင်ခြင်းမရှိဘူးလို့ ကိုမိုးစန်းအေးနဲ့ နီးစပ်သူတွေက ပြောပါတယ်။ “ ဟိုက သူ့ဘာသာ စျေးသွားဝယ်တာ၊ လမ်းမှာ စစ်တပ်က လိုက်ပစ်နေတော့ ကြောက်ပြီး ပုန်းလိုက်တာကို အတင်းဝင်ဖမ်းတယ်၊ ဖမ်းချိန်မှာ သူ့မှာ ဆိုင်ကယ်တစ်စင်းပဲပါတာ ဖုန်းတောင်မပါဘူး။ဘာလက်နက်မှမရှိဘူး၊ အခုတပ်က သတင်းတွေမှာ သူ့ပုံနဲ့ နာမည်တော့မတူဘဲ လက်နက်တွေနဲ့ ဖမ်းမိတယ်လို့ သတင်းတွေတက်လာတယ် ” လို့ ပုသိမ်မြို့ခံတစ်ဦးကပြောပါတယ်။ စစ်ကောင်စီလက်နက်ကိုင်များက အေးချမ်းစွာသွားလာနေတဲ့ ပြည်သူများကိုလဲ မတရားဖမ်းဆီးမှုတွေ ပြုလုပ်ပြီး အမှုလုပ်ဖမ်းဆီးမှုတွေ ဆက်တိုက်ပြုလုပ်နေပါတယ်။ အချို့အဖမ်းဆီးခံပြည်သူတွေကို ငွေပေးပြီး ပြန်ရွေးဖို့ ခြိမ်းခြောက်မှုတွေပါ လုပ်ဆောင်နေတယ်လို့ ဆိုပါတယ်။

လမ်းပေါ်တက်ဆန္ဒပြရင် ပစ်မယ်လို့ အကြမ်းဖက်စစ်ကောင်စီ တပ်ရင်းမှူး ခြိမ်းခြောက် ဒူးပလာယာခရိုင်၊ ဝင်းရေးမြို့နယ် ဘုရားသုံးမြို့တွင် ပြည်သူများ လမ်းမပေါ်ဆန္ဒတက်ပြပါက ပစ်မည်ဟု ဧပြီလ ၃ ရက်နေ့က ဘုရားသုံးဆူမြို့ အာဏာသိမ်းစစ်အုပ်စုတပ် (ရတခ ၃၁) တပ်ရင်းမှူး ထူးလင်းမြတ် ကိုယ်တိုင် လာရောက်ပြောခဲ့တယ်လို့ ဘုရားသုံးဆူမြို့နေပြည်သူတစ်ဦးက ပြောသည်။ အဲဒါကြောင့် ဒေသခံတွေက မြို့လမ်းမပေါ် ဆန္ဒမပြတော့ပဲ မက္ကသချောင်းတွင် စစ်အာဏာရှင်ဆန်ကျင်ရေး သပိတ် ပြုလုပ်ခဲ့ကြသည်။ ဒူးပလာယာခရိုင် KNU အတွင်းရေးမှူး စောလစ္စတန်က ဆန္ဒပြသူတွေနဲ့ CDMဝန်ထမ်းတွေကို အစွမ်းကုန်ကာကွယ်သွားမယ်လို့ ဧပြီလ ၃ ရက် ရက်စွဲနဲ့ စာထုတ်ပြန်ကြေငြာထားပါတယ်။ ကရင်ပြည်နယ်နှင့် မွန်ပြည်နယ်အတွင်းက မြို့အချို့မှာ ဆန္ဒပြပြည်သူတွေကို KNU က လိုက်လံဝန်းရံပေးတာတွေ ရှိသလို တပ်မဟာ ၁၊ ၃၊ ၅ နယ်မြေတွေမှာလည်း အကြမ်းဖက်စစ်ကောင်စီနဲ့ တိုက်ပွဲတွေ ဖြစ်ပွားလျက်ရှိသည်။

နယူးယောက်က မြန်မာ့အရေးဆန္ဒပြပွဲ အမေရိကန်ပြည်ထောင်စု နယူးယောက်မြို့က Time Square မှာ ဒေသစံတော်ချိန် ဧပြီလ ၃ ရက်နေ့ ညနေ ပိုင်းက အဝေးရောက်မြန်မာနိုင်ငံသားတွေနဲ့ တိုင်းရင်းသား လူမျိုးပေါင်းစုံ စုပေါင်းပြီး မြန်မာ့အရေးအတွက် တောင်းဆို ဆန္ဒပြခဲ့ကြပါတယ်။ ပြည်ထောင်စုလွှတ်တော် ကိုယ်စားပြုကော်မတီ CRPH ကို ထောက်ခံကြောင်း ဆန္ဒ ဖော်ထုတ်ခဲ့ကြသလို လူထုမဲရလာဒ်ကို လေးစားဖို့၊ အကြမ်းဖက်ပစ်ခတ်သတ်ဖြတ်တာတွေရပ်ဖို့ကိုလည်း စာတန်းတွေ ကိုင်ဆောင်ဆန္ဒပြခဲ့ကြပါတယ်။

မန္တလေးတိုင်းဒေသကြီးထဲက သဲတောနဲ့ ဝမ်းတွင်းမြို့ခံတွေစုပြီး အကြမ်းဖက် စစ်အာဏာရှင်ဆန့်ကျင်ရေးလူထု လှုပ်ရှားမှု အရုဏ်ဦး သပိတ်ကို မြို့နေလူထုက ဒီနေ့ ဧပြီလ ၄ ရက်မှာလည်း ပြုလုပ်သွားပါတယ်။ လုံခြုံရေးတချို့ စစ်ကား ၂ စီးလောက်နဲ့ ကင်းလှည့်နေတာရှိပေမဲ့ မြို့ခံ တွေက ရှောင်ကွင်း ဆန္ဒပြခဲ့ကြတာလို့ ဆိုပါတယ်။ သဲတောရော ဝမ်းတွင်းမှာပါ လူမဲ့သပိတ်၊ စီတန်းလှည့်လည်တဲ့သပိတ် အပြင် ညသပိတ်တွေကိုပါ နေ့စဉ်လိုလိုပြုလုပ်နေပါတယ်။ ဓာတ်ပုံ- CJ

လက်ရှိမှာ အကြမ်းဖက်စစ်ကောင်စီဟာ KNU, KIAတို့နဲ့ တိုက်ပွဲ ဖြစ်ပွားနေပြီး RCSS နဲ့ပါ တိုက်ပွဲဖြစ်လာနိုင်တဲ့ အခြေအနေပါ။ ကရင်ပြည်နယ်မှာ အကြမ်းဖက်စစ်ကောင်စီရဲ့ ဗုံးကြဲတိုက်ခိုက်မှုအပေါ် ရှုတ်ချကြောင်း RCSS က ဗိုလ်ချုပ်ကြီးယွက်စစ်က ပြောဆိုထားပါတယ်။

စစ်တပ်နဲ့ရဲ ဖမ်းဆီးခေါ်ဆောင်သွားတဲ့ ယင်းမာပင်ရွာသား ခြောက်ယောက်မှာ နှစ်ယောက်သေဆုံး ~~~~~ ■ စစ်ကိုင်းတိုင်း၊ ယင်းမာပင်မြို့နယ်၊ သပြေအေးကျေးရွာမှာ ဧပြီ ၂ ရက်နေ့က စစ်တပ်နဲ့ ရဲတပ်ဖွဲ့က ဖမ်းဆီးခေါ်ဆောင်သွားခံရတဲ့ ရွာသား ခြောက်ယောက်မှာ နှစ်ယောက်် သေဆုံးသွားလို့ မုံရွာဆေးရုံကြီးကို အလောင်းလာယူဖို့ ဧပြီ ၄ ရက်၊ ဒီနေ့မနက် ရွာကို ဆက်သွယ်လာတယ်လို့ ဒေသခံတွေက ပြောပါတယ်။ "ယင်းမာပင် ရဲကနေတဆင့် လှမ်းပြောတယ်။ နှစ်ယောက်သေတာ အလောင်းလာယူဖို့ဆိုပြီး ဆက်တယ်။ သေဆုံးသူတွေက ဘယ်သူတွေမှန်း မသိရသေးဘူး။ အလောင်းသွားယူဖို့ကို ခက်ခဲနေတယ်"လို့ သပြေအေးရွာက ဒေသခံတစ်ယောက်က RFA ကို ပြောပါတယ်။ အခုလ ၂ ရက်နေ့က စစ်တပ်နဲ့ ရဲတပ်ဖွဲ့ ယာဥ်တန်းတွေဟာ သပြေအေးကျေးရွာ ဘုန်ကြီးကျောင်းကို ရောက်ရှိလာချိန် ဒေသခံတွေနဲ့ စစ်ကောင်စီအဖွဲ့ဝင်တွေ ပြဿနာဖြစ်ပွားခဲ့တာ ဖြစ်ပါတယ်။ လတ်တလောမှာတော့ ကျေးရွာအတွင်းက အမျိုးသမီး၊ အသက်အရွယ်ကြီးသူတွေနဲ့ ကလေးတွေဟာ ရွာကနေ တိမ်းရှောင်နေကြရတယ်လို့ဆိုပါတယ်။ အဲဒီနေ့က ဖြစ်စဥ်မှာ ဒေသခံတွေဘက်က ဒဏ်ရာရသူ သုံးဦးထက်မနည်းရှိခဲ့ပါတယ်။

#WhatsHappeningInMyanmar#RejectMilitaryCoup

ဧပြီလ ၄ ရက် မနက် ၃ နာရီဝန်းကျင်က မီးလောင်ပျက်စီးသွားတဲ့ ရန်ကုန်တိုင်း စမ်းချောင်းမြို့နယ် ကျွန်းတော မြောက်ရပ်ကွက် အုပ်ချုပ်ရေးမှူးရုံး မြင်ကွင်း