A Heretic's Blog

Hey people,

I'm just confused and a bit angry because my blog seems to be unsuccessful in achieving its goal, which is, to reach out people and make new friends.

   اسرائیلی اور فلسطینی تنازعے کو اکثر اوقات ایک قدیم اور ناقابل حل مذہبی مسئلے کا نام دیا جاتا ہے اور بعض اوقات اسرائیل کو ایک ایسی قوت کے طور پر پیش کرنے کی کوشش بھی کی جاتی ہیں ‘جو فلسطینی عرب دہشتگردوں’ کے نرغے میں پھنسی اپنی ‘معصوم’ عوام اور ‘بیچاری’ ریاست کو بچانے کی انتھک تگ و دو کررہی ہے۔ 

حقیقت یہ ہے کہ فلسطینی اسرائیلی تنازعہ نا ہی قدیم اور ناقابل حل، اور نا ہی مذہبی مسئلہ ہیں۔ یہ تنازعہ پچھلی صدی میں اُسوقت شروع ہوا جب صیہونییوں نے فلسطین میں آبادکاری شروع کی اور پھر ۱۹۴۸ میں سامراجی پُشت پناہی سے ریاست اسرائیل کے قیام کے ساتھ ہی صیہونی ریاست نے مقامی فلسطینیوں کو انبوہ در انبوہ اُن کے علاقوں سے بے دخل کرنا شروع کردیا۔

     جیسا کہ بتایا جاتا ہے، اسرائیل دہشتگردوں کے چُنگل میں پھنسی ایک بیچاری ریاست بھی ہرگز نہیں، بلکہ اپنی حد تک ایک سامراجی طاقت ہے۔ اسرائیل کی  فضائی طاقت امریکی فضائیہ کے چوتھائی کے برابر ہے، اور اسکی مجموعی فوجی طاقت، گلوبل فائرپاور نامی تھنک ٹینک کے مطابق، دُنیا میں گیارہویں درجے پر ہے۔ اسکے علاوہ، اسرائیل دنیا کی نو اٹیمی طاقتوں میں سے ایک ہے اور بتایا جاتا ہے کہ اسرائیل کے پاس ۱۰۰ سو زیادہ اٹیمی بم موجود ہے۔ 

امریکی اسرائیلی تعلقات

 اسرائیل، مشرق وسطیٰ میں سامراجی طاقتوں، خصوصا امریکی سامراج کی مفادات کی نگہبان ریاست ہے۔ مغربی سامراجی طاقتوں کے چوکیدارکی حیثیت سے اسرائیل کو امریکی حکومت کی جانب سے ۳ بلین ڈالر سالانہ کی فوجی امداد ملتی ہے، جبکہ فوجی ٹیکنالوجی، سفارتی اور سیاسی امداد اس کے علاوہ ہے۔ اس خط٘ے میں صرف تُرکی اور مصر اسرائیل جتنی فوجی طاقت رکھتے ہیں جبکہ یہ دوںوں مُلک اٹیمی اسلحے سے لیس نہیں جو اسرائیل کو ان سے بھی بڑی فوجی طاقت بناتی ہے۔ 

فلسطین کی تاریخ

اسرائیلی ریاست کے معرض وجود میں آنے سے ایک ہزار سال پہلے، ارض فلسطین میں مسلمان اکثریت اور یہودی اقلیت ایک مُلک کے شہری کی طرح امن سے رہتے آئے تھے۔ جب عیسائی حکمرانوں اپنے صلیبی جنگجوں کو لیکر  ۱۰۹۹ میں یروشلم پر حملہ آور ہوئے تو مسلمانوں اور یہودیوں نے اکٹ٘ھے ہوکر صلیبیوں کے خلاف جنگ لڑی تھی اور اپنے شہر کا دفاع کیا تھا۔  

اسرائیل کا قیام، بیسویں صدی کے اوائل میں میں صیہونیت کے مقببولیت کی وجہ سے عمل میں آئی۔ صیہونیت ایک سیاسی نظریے کا نام ہے جس کا ماننا ہے کہ یہودی اور غیریہودی ایک ساتھ نہیں رہ سکتے اس لئے ایک خودمُختار یہودی مُلک کا قیام نہایت ضروری ہے۔ اُسی دوران بہت سارے یہودی اپنے اپنے مُلکوں کو ترک کرکے فلسطین آنا شروع ہوئے۔ بدنام زمانہ یہود مُخالف برطانوی سیاستدان، آرتھر بلفور نے صیہونی کاز کو یہ سوچ کر مدد دینا شروع کردی کہ اس سے برطانیہ کے تمام یہودی فلسطین چلے جائینگے اور اُنہیں مشرق وسطیٰ میں ایک کالونی میس٘ر آئینگی۔ ۱۹۱۷ میں بلفور ڈیکلیریشن کے زریعے برطانیہ نے صیہونی کاز اور پراجیکٹ کی حمایت کا باقاعدہ اعلان کردیا۔   

اقوام مت٘حدہ نے ۱۹۴۷ میں تاریخی فلسطینی خط٘ے کو دو حص٘وں میں تقسیم کردیا جسمیں فلسطینی علاقہ ۴۳ فیصدی حص٘ہ اور یہودی علاقہ ۵۶ فیصدی حص٘ے پر مشتمل تھا۔ فلسطین کی تقسیم سے پہلے یہودیوں کے پاس کُل زمین کی ۶ فیصد ملکیت تھی جبکہ اُن کی آبادی ۳۰ فیصد سے زیادہ تھی۔اس تقسیم کے خلاف فلسطینیوں نے ۱۹۴۸ کی جنگ فلسطین ہوئی۔ اس دوران صیہونی مسل٘ح تنظیموں نے فلسطینیوں کی باقاعدہ نسل کُشی کا آغاز کردیا تاکہ اُنہیں وہاں سے بے دخل کرکے اُنکی زمینیں یہودیوں کو دی جاسکے۔

 اس منظ٘م نسل کُشی کو اُسی دن کی مناسبت سے فلسطینی عوام النکبہ یعنی تباہی کے نام سے یاد کرتے ہیں۔ جبکہ اسرائیل میں یہ یوم آزادی کے دن کے طور پر منایا جاتا ہے۔65 سال سے اوپر ہونے کو آئے ہیں لیکن وہ فلسطینی جو یہاں سے بےدخل کئے گئے تھے ابھی تک مختلف ہمسایہ مُلکوں اور غزہ کہ پٹ٘ی پر مہاجروں کی زندگی گُزار رہے ہیں۔ 

اسرائیل اپنے قیام سے لیکر اب تک ایک توسیع پسندانہ عزائم رکھنے والا جارح مُلک رہا ہے۔ 1967 میں، صرف چھ دنوں کے اندر اسرائیل نے باقیماندہ فلسطین، یعنی غزہ کی پٹ٘ی اور مغربی کنارے، اور مصر اور شام کے کُچھ حص٘وں پربھی قبضہ کرلیا۔ اُس ۶ روزہ عرب اسرائیل جنگ نے امریکی سامراج کو باور کرادیا کہ مشرق وسطیٰ میں اسرائیل اُنکا کتنا بڑا اور طاقتور ات٘حادی یا امریکی سامراج کے مفادات کا محافظ ہوسکتا ہے۔ 

اس مسئلے کا حل کیا ہوسکتا ہے؟

بہت سارے مُمالک اور سیاسی تجزیہ کار ‘دو ریاستی حل’ پر یقین رکھتے ہیں جس سے اُنکی مُراد اسرائیل کا 1967 کی سرحدوں پر واپسی اور ایک خودمُختار فلسطینی ریاست کا قیام ہے۔  لیکن کیا یہ ممکنہ حل، النکبہ کے دوران بے دخل کئے جانے والوں کی اپنے علاقوں میں واپسی کو یقینی بنائے گی؟ اس تنازعے کی تاریخ اور  موجودہ واقعات یہ ثابت کرنے کے لئے کافی ہے کہ ‘دو ریاستی حل’ لاگو ہونے کی صورت میں فلسطین ہمیشہ ایک کمزور اور سہمی ریاست کے طور پر اسرائیل جیسے جارح اور طاقتور ریاست کا ہمسایہ بن کر رہینگا۔ 

 فلسطین کے سلگتے مسئلے کا انصاف پر مبنی حل ‘ایک ریاستی فارمولے’ میں پوشیدہ ہے اور اس حل کا حصول صرف اور صرف اس وقت مُمکن ہے جب اسرائیل اور فلسطین کے عوام طبقاتی  بُنیادوں پر اکٹ٘ھے ہوکر ایک مشترکہ انتفادہ کا آغاز کے زریعے اسرائیل کی آپارتایڈ ریاست سے چُھٹکارا حاصل کرلے اور ایسی مت٘حدہ جمہوری ریاست ک قیام عمل میں لائے جہاں عربوں اور یہودیوں کو مشترکہ حقوق حاصل ہو، اور جہاں فلسطینی مہاجرین کو اپنے مادروطن میں واپسی کے حق ملے۔ 

 یہ کوئی آسان حل نہیں، لیکن صرف یہی وہ حل ہے جو انصاف اور امن کی فراہمی کو یقینی   بناسکتی ہے۔