Syeda Aqsa

یہ کس طرح یاد آ رہی ہو؟

یہ خواب کیسا دِکھا رہی ہو؟

کہ جیسے سَچ مُچ

نگاہ کے سامنے کھڑی مُسکرا رہی ہو؟

یہ جِسمِ نازک، یہ نرم بانہیں

حَسین گردن، سِڈول بازو

شگفتہ چہرہ، سَلونی رنگت

گھنیرا جُوڑا، سیاہ گیسُو

نشیلی آنکھیں، رَسیلی چِتون

دراز پلکیں، مَہین ابرُو

تمام شوخی، تمام بجلی

تمام مَستی، تمام جادُو

ہزاروں جادُو جگا رہی ہو

یہ خواب کیسا دِکھا رہی ہو؟

گلابی لب، مُسکراتے عارِض

جبیں کُشادہ ،بلند قامت

نگاہ میں بجلیوں کی جِھلمِل

اداؤں میں شبنمی لطافت

دَھڑکتا سینہ، مَہکتی سانسیں

نَوا میں رَس، اَنکھڑیوں میں اَمرت

ہمہ حَلاوت، ھمہ مَلاحت

ہمہ ترنم، ہمہ نزاکت

لچک لچک گُنگنا رہی ہو

یہ خواب کیسا دِکھا رہی ہو؟

ہم جیسے تو سینوں سے لگانے کے لیے تھے

hairat hai k hum loag bhi thukraye howe hain

Tu mera hi rahega mera naa ho kar bhi...