Tetchy

ف كنت عايزه اقول ان الحقيقه انا لحد الآن متعافتش .. مش قادره اتعافى من فكرة الفقدان .. مش قادره اتخطى ازاي .. إنتي غبيه اوي ي مروه .. مش قادره اتخطى ومش قادره أتعدى .. أنا واقفه عند الجمله دي من لحظة ما سمعتها .. في كلام سمعته ممكن يبقى سكاكين اتغرزت ف قلبي بس الكلمه دي كانت أكبر سكينه .. سكينه متحركتش لحد اللحظه دي من مكانها .. انتي غبيه اوي ي مروه .. كان نفسي ابقى عارفه انك غبيه من قبلها ف خلاص مكنتش هتفاجئ .. انا لسه متخطيتش الكلمه .. انا لسه عايزه اعيطلها تاني كتير .. انتي غبيه اوي ي مروه حقيقي .. مش قادره اوصف اللي حصل بأي حاجه غير انه غباء ميرقاش لأي حاجه اكتر من كده .. انا لسه السكينه مغروزه ف قلبي .. أكتر حاجه واجعاني اني لأه انا مستاهلش كده .. مش انا يا مروه مش انا .. انا ليا كتير اوي اوييي ميخليكيش ابدا توفي اللي. انتي شفتيه ده ولا تحطيني ابداا ابدا في اي حته قريبه للي انتي حطيتيني فيها دي .. انا من لحظتها ناقمه اوي على كل حاجه .. انتي كسرتي كل حاجه .. انتي لو كان في خيط بسيط اوي اوي باقي انتي محيتيه .. اللي ليكي كان كتير اوييييييي اوييييييي اويييييي عندي لدرجة انه حتى سنتين الجفاء والبعد مقللوش من اللي ليكي عندي اي حاجه ابدا .. رغم انك اخترتي تلغيني كنت بصحى كل يوم واديكي عذرك ومقللش من اللي عندي ليكي اي جرام حتى .. اول كلمه قلتهالك بعد م رجعتي كان انتي وحشتيني .. كنت مدياكي كل أعذار الدنيا لدرجة ان لحظة ما رجعتي انا لغيت سنتين غياب لغيت سنيتن انتي لغيتيني فيهم مسحتيني من حياتك كان اللي عندي ليكي حتى اكبر من ده .. اللي ليكي عندي خلى ولا كإن ده حصل .. شايفه كبيره قد ايه عندي ي مروه !!!!! شايفه انا صغيره عندك اوي اوي قد ايه ي مروه .!!!! انا لسه متخطيتش الكلمه .. لسه متخطيتش الشعور .. لسه متخطيتش ان انا إسراء ازاي عرفتي تحطيها ف الحته دي ؟!!!!! ازاي قدرتي تحطيني هناك !!!! ازاي هنت تحطيني ف حته زي دي !!!! انا لسه متخطيتش الكلمه ي مروه .. اللحظه اللي قلتيها فيها حسيت كل حاه بتتهاوى حواليا .. انا !!!! إسراء !!!!! اللي ليا صغير اوي عندك كده لدرجة انك يخيل لك اني انا اعمل كده !!!!! انا قدمت كتير اوي يخليني ابعد ما يكون عن الحته دي عندك ي مروه .. مش قادره اتخطى .. مش قادره اعدي الاحساس انا لسه فيه .. لسه كل حاجه وحشه بتحصلي ببقى محبوسه في شعور اللوم ان انتب مش موجوده دلوقتي .. ان انا محتاجاكي ومش قادره اخليكي تكوني هنا دلوقتي .. انتي هديتي كل حاجه ي مروه .. انتي هديتي كتير اوي .. انا وحيده طول ما انتي مش موجوده .. مش هقدر اعيش الاحساس ده مع حد تاني .. مش لاقيه حد يفهمني ويشوفني من جوه واقدر احكيله تاني .. مكانش المفروض تبقي غبيه كده .. انا لوحدي اوي .. وطول الوقت لوحدي اوي .. وطول الوقت حزينه اوي .. انا. لسه متخطيتش الشعور لسه متخطيتش احساس انتي ازاي تشوفيني كده لسه متخطيتش ان انتي مش موجوده .. مش انا .. مش انا ي مروه اللي تظني فيها الظن ده .. انا لوحدي اوي وكارهه وحدتي دي اوي ..

عايزه اعيط العياط اللي في الدنيا كله وحتى مش هيريحني ..