أجورافوبيا

مايو عدى و كنت أظنه لن يمر .النهاردة أول يوم أنام فيه أنا و نور على سرير عليه مرتبة من يناير اللي فات بعد ما إتجوزنا !الموضوع ببساطه ان بعد ظروف كتير ورا بعض مكانتش مفهومة وصلتني لإني بعد 8 شهور بنرغي\بنخرج نقرر نسكن مع بعض بنجرب بعد ما طلعنا احنا الإتنين من تجارب خريانة كفاية 4 شهور بين القرار ده و بين قرار الجواز اتنقلنا فيهم في 3 شقق بأي جودة ممكن تتخيلوها و كلها كانت زنقات و لف و مشاكل .3 months later أنا و نور بنخطط إننا نتجوز قبل 25 يناير و إزاي من 12 ديسمبر لما قررنا لحد 1 يناير لما أهلي راحوا إتقدموا هنمهّد لأهلنا إننا عاوزين نتجوز في 15 يوم أو أقل (النتيجة كانت 6 أيام) و حصل الطرفين كانوا عارفين ان فيه حاجه بتحصل و قراراتهم مش مفيدة أوي بس كانوا مبسوطين إننا "بنكبرهم" و خليناهم جزء من الموضوع . مشاهد سريعة : -21 ديسمبر : بحجز لبسي بتاع الفرح أونلاين علشان كان فيه Sale - 26 ديسمبر : فيديكس بيكلموني علشان اللبس عليه جمرك 6000 جنيه و انا معاييش فلوس فالقرار اننا هنجيب أي حاجه كده نعدي بيها -27 ديسمبر : لبس الفرح بيوصل و الراجل بيقولي ان الجمرك مدفوع و مفيش حاجه كده- 28 ديسمبر : بتيجي فلوس منتظرة من أغسطس اللي قبله فنجيب خاتم ينفع يعدي على انه شبكه و يبقى الشبكة- 30 ديسمبر : صحاب بيكلمونا علشان نظبط حفلة ليلة رأس السنة و هنعمل ايه و كده فنقولهم في التليفون لا صعب أصل انا في (المحلة\بنها) علشان بتجوز!- 31 ديسمبر : في أوضتي في المحلة بخلص "شوية شغل" علشان بكره (اليوم اللي رايح أتقدم فيه) أبقى فاضي - 1 يناير : أبويا قرر يلبسني في حيطة- 6 يناير : 12 الضهر أنا و نور بناكل شاورمة في بنها 5 العصر : أنا و نور بنكتب كتابنا - 12 يناير : أنا و نور في شقتنا اللي على السيراميك و من وقتها للنهارده نمنا على الأرض و على لحاف و على سرير 80 سنتي و على كنبه 90 سنتي و النهارده أول يوم ننام على مرتبة !أنا ممتن فشخ لنفسي و لمراتي و لأبوها و لصديقي اللي كان ضهرة في ضهري من أول ما خدت القرار اني أتجوز لحد ما فرشنا البيت كله و بقينا حاسين بالزحمة

جرامافون و أشياء أخرى

جرامافون و إرتجال تجربة تقنية قبل ما تكون تجربة راديو أو أرشيف . لما بدأنا نشتغل على جرامافون بدأنا بمدونة على Wordpress وكنا بنحاول نعمل إضافة تحول ووردبريس لمشغل موسيقى كامل و بعدها نرفع المزيكا اللي عندنا كل يوم ألبوم و كان المقصود هو الموسيقى المستقلة (وقتها) بس ظروف الملكية الفكرية أجبرتنا ندور على حل بديل ميسمحش للناس تحمل الملفات و في نفس الوقت نقدر نعرض الأرشيف اللي عندنا فكانت فكرة الراديو. الراديو نفسه كان تطوير لعب تقني و تجريب على icecast و ices-cc و نشوف احنا ممكن نعمل بيهم ايه و برده كانت الموسيقى المستقلة هي الهدف و مكانش فيه اي ذكر لأرشيف الفديم الا نادرا لحد ما عملنا أرشيف الشيخ امام و لعبناه على الراديو و كان التفاعل المرعب فبدأنا نشتغل على اللي عندنا الأول اللي كان جزء مش قليل منه موجود بس مجهول و مسمعناهوش تسجيلات بمدد طويله جدًا من الراديو محتاجه تتقطع و تترتب و نشتغل عليها .

I'm afraid if I don't choose a path soon, life will choose one for me

27في صحة البدايات الجديدة

لا مؤاخذة يا علي والله بس لو كنت عايش كنت هتعذرنا