شَجَرة

سعيدة جدًا بمُجريات الحياة الحاليّة الحمدلله دائمًا وأبدًا

🩵 الحمدلله

ليش اريد هذا الشيء لهاي الدرجة ؟ وهل راح يجي يوم اگعد نفس هاي الگعدة ويكون عندي هالشيء ؟

اريد مدونات طفح الكيل من مواقع التواصل وتمبلر

مرات أفكر هل فعلًا اني اريد هالشيء ؟ هل فعلًا رب العالمين يريدني اسعى واكمل بهالطريق وافكر بهالشيء بس حتى ما احصله واتعلم درس معين او احصله واكون راضية فعلًا مثل ما اگول لو لا ؟

أحب أدوّن أشياء قد تبدو مشفرة ومجهولة وتبعث على التساؤل بس اني ادري بنفسي من ارجع اقراها فديوم راح اتذكر الي صار او على الاقل راح اتذكر شعوري شلون چان بوكتها وهذا الي يهمني

حظيت بإجابات وهسه أكدر أكمل حياتي طبيعي وأمضي قُدُمًا ، الحمدلله

چنت دائمًا أفكر بترتيب سور القرآن واسمائهم وعلى اي اساس انحطوا هيچ بس كلما ابحث ما الاگي اجابة تقنعني فعليًا لا شيوخ ولا كتب ولا اي شيء خلاني احس انه اي فعلًا هيه هاي الاجابة المقنعة والي تخلي گلبي ينبض ويرفرف من الإجابة ويرتاح معها الى ان وصلت لإجابة أعتبرها حاليًا كافية ومقنعة ومنطقية وهي انه ترتيب السور بالقرآن هو مبدئيًا ترتيب يخاطب جميع انواع البشر ومستوى وعيهم يعني حتى الطفل بوعيه الصغير بمقدوره يقرأ القرآن ويفهم ويعي كلام الله سبحانه والترتيب هذا ما جاء عبثًا انه نحط سورة الفاتحة وبعدها سورة البقرة فسورة الفاتحة هي البداية لكل شيء بداية التغيير وتفتح البصيرة وتفتح الحياة والجنة في الأرض قبل الآخرة أما سورة البقرة فكل آية تحمل في طياتها مستوى وعي فمثلًا الآية : (إنَّ اللهَ يأمُرُكُم أَن تَذبحوا بقَرَةً ) ذبح البقرة هنا ما تعني انه تروح وتذبح بقرة حرفيًا ، لا تعني انه تستجمع القوة والشجاعة الي عندك وتقتلك وتقضي على مخاوفك ، تكون شجاع وتواجه مخاوفك وتعلقاتك فذبح مخاوفك يعني إحياء أحلامك الميتة والى آخره من بقية آيات السورة وبقية السور كذلك وأيضًا حتى ترتيب ذكر الأنبياء وقصصهم في القرآن يمثل مراحل وعيك ومراحلك في هذا الحياة