stars

Kapag bumalik ka, hindi ko alam kung anong mararamdaman ko. Hindi ko alam ang bibitawang mga salita. Hangga’t maaari, iingatan ko ang bawat kilos at salita ko para ‘di ako makasakit ng damdamin.

Kapag bumalik ka, mawawalan ako ng gana. Nang dahil sa sakit na pinadama mo, patuloy pa rin ang pighati na nararanasan na aking sinubukan na lubayan.

Siguro, kapag bumalik ka, mapapaisip pa rin ako. Iisipin ko pa rin ang ating naudlot na pagsasama. Nanghinayang ako, ngunit tama rin naman na hindi mo na tinuloy ang susunod na bahagi ng ating relasyon, dahil naliwanagan na rin ako na hindi talaga tayo para sa isa’t isa.

Ngunit sa kabila ng aking mga sinabi, handa pa rin akong kilalanin ka. Kung may pag-asa man, handa akong magpakita sa’yo at masamahan ka sa lalong madaling panahon. Ayun ay kung gusto mo rin akong kilalanin at mahalin balang araw. Pero, mukhang malabo na ang lahat. Pinaramdam mo rin sa akin na hindi mo ako kayang ipaglaban sa iyong nararamdaman. Sinukuan mo ako, ngunit ayos lang iyon dahil mas mahalaga ang self-love. Mabuti nga’t sinabi mo agad na hindi ka pa handa dahil maraming bagay ang nangyayari sa iyo.

Ngayon, hindi ko pa rin alam kung naghihintayan pa ba tayong dalawa. Bukas na muli ang aking puso para sa mga bagong darating sa aking buhay. May mga nagpaparamdam ngunit hindi ko pa rin makita sa kanila ang aking hinahanap; sa ngayon, ikaw lang ang nakakapagpatibok ng puso ko.

Totoo nga ang sinasabi nila, na huwag agad ibigay ang kalamangan ng kagustuhan mo sa isang bagay, dahil ang lahat ng sobra ay nakakasama. Ngayon, nasa proseso pa rin ako ng paglilimot, pero mukhang maayos na agad sa iyo ang lahat. Ayos lang din iyon, dahil hindi naman ito paligsahan kung sino ang unang makakalimot. Ang mahalaga, maging masaya at makawala na sa nakalulungkot na kulungan na tinatawag nating “heartbreak”.

Hindi na kita hihintayin pa dahil wala rin namang itong patutunguhan. Bubuksan ko na ang aking puso para sa mga bagong darating. Hindi man sila katulad mo, pero alam kong mas mapaparamdam nila sa akin kung gaano ako kahalaga at karapat-dapat na mahalin.

air signs:

“And there’s something to be proud of about moving on and realizing that real love shines golden like starlight, and doesn’t fade or spontaneously combust. Maybe I’ll write a whole album about that kind of love if I ever find it.”