"CROSS ROAD" Isa sa pinaka tumatak na lines ni Apollo sa Pelikulang My Amnesia Girl ay ito: "Sabi sa census may 11 milyon na tao sa Metro Manila. Paano mo malalaman na nahanap mo na yung taong para sa'yo? Maaring nakita mo na siya, pero yumuko ka para magsintas. Maaring nakatabi mo na siya, pero lumingon ka para tingnan ang traffic lights. Maaring nakasalubong mo na siya pero humarang yung pedicab. May mga maswerteng tao na nahanap na yung taong para sa kanila. May mga tanong patuloy na naghahanap at may iba na sumuko na. Pero yung pinakamasaklap, eh yung na sayo na pinakawalan mo pa" Habang nilalakad mo ng mag-isa ang kalsada ng buhay mo. Nakasabay at nakilala mo siya. Sinamahan ka niya sa lahat ng trip mo sa buhay. Naisip mo na masaya pala ang mabuhay basta kasama mo siya. Kaya hinayaan mo ang sarili na mahulog at magpadala sa pag-ibig na nararamdaman mo sa kanya. Hindi mo naisip na baka dahil sa sobrang kumplikado ng buhay mo. Di pala ganun kadaling sumabay sa pagtahak ng landas mo. Hanggang sa makarating kayo sa isang Krus na daan. Ikaw kailangan mong dumiretso dahil ito ang kailangan, at siya kailangan niyang magdisisyon kung sasamahan ka pa ba niya, o liliko na siya para tahakin ng mag-isa ang daang pinili niya. Wala kang magawa kung hindi, ang pakawalan siya. Kasi alam mong doon siya magiging masaya. Masakit man pero kailangan mong magpatuloy. Aasa ka nalang na baka sakaling dumating yung panahon na magkita kayong muli. Sa panahong iyon kaya niyo ng hawakan ang kamay ng isa't isa at harapin ang pagsubok ng magkasama. Sa bawat araw na nagdaan habang pinagpapatuloy ang buhay. Ipinipikit mo nalang ang iyong mga mata upang alalahanin ang mga sandali sa buhay mo kung saan masaya kayong magkasama. Kasabay ng pagsambit ng mga salitang, "Kung may uulitin ako sa buhay ko, gusto kong ulitin yung araw na nakilala at kasama kita. Kahit paulit-ulit. Kahit araw-araw." (at Ayala Avenue)
turnnoffyourmind
pixelskylines
germansingergirl
blakekathryn
dailybridgerton
areudirty