Veiði

Sogið - Bíldsfell.  2.apríl 2013

Fórum tveir félagar í fyrsta laxveiðitúrinn á þessu ári.  Byrjuðum á að taka einn dag í Ytri Ranga þar sem opnunin þar var svo fín.  Það er skemmst frá því að segja að við núlluðum þann daginn.  Þeir sem voru með okkur á svæði fengu þó tvo laxa, einn á neðsta svæðinu við Djúpós og einn á klöppinni fyrir neðan Ægissíðu foss.

Næsta dag fórum við í Sogið - Bíldsfell.  Sogið tók vel á móti okkur og við settum í lax strax um morguninn við Sakkarhólma.  Þetta var sprækur nýgenginn 4 punda lax sem tók sunray shadow.  Stuttu seinna lönduðum við tvíburabróður hans á svarta snældu á sama stað.  Við færðum okkur svo til og veiddum efri og neðri garð, þar vildi laxinn ekki taka en við lentum í bleikjuveislu sem var heilmikið fjör.  Allar bleikjurnar tóku fluguna ölmu rún og vildu ekki sjá neitt annað, við lönduðum 10 vænum bleikjum og misstum og slepptum öðru eins.  Allt veitt upstream með tökuvara.  Seinni vaktin í Soginu var ekki eins fjörug og veðrið versnaði til muna þannig að við hættum snemma.

Næsta dag tókum við svo eina vakt í Elliðaánum og veiddum kvótann okkar þar, 2 laxa.  Sá fyrri tók maðkinn rétt fyrir neðan neðri brúna á svæði eitt og sá seinni tók maðkinn í Stórafossi.