Unfiltered

Kapag nahiga na ako at wala na akong imik --- hirap na hirap na ako dahil may mga nasa utak ako na hindi ko malayang naipahahayag ng walang pagaalinlangan. Kung ang langit ay isang papel lamang, siguro'y napuno na ito ng mga bagay na nagkukumahog na kumawala sa aking isipan. Gusto kong maging malaya -- malayang makapagsalita ng hindi nahuhusgahan, malayang nailalabas ang mga saloobin ng hindi napagbubuntungan ng galit sa huli.

Pero pagod na ang Nanay, sa edad niyang 89, bonus na ang buhay at oras na ibinigay ni Papa God sa kanya para sa amin. Mahal na mahal ko ang Nanay. Labis kong pinanghihinayangan ang mga araw na hindi ko man lamang naipadama sa kanya ang aking pagmamahal. Hanggang ngayon, masakit pa ang kaniyang pagkawala.