Trú og loftslag

To the Jewish People, to all Communities of Spirit, and to the World: A Rabbinic Letter on the Climate Crisis  https://theshalomcenter.org/RabbinicLetterClimate Undir áhrifum páfabréfsins Laudato Si tók hópur rabbía sig saman og skrifaði hvatningu til samfélaga gyðinga um allan heim. Nú hafa rúmlega 400 rabbíar skrifað undir.

Bréfið sækir í sköpunarguðfræðina sem er að finna víða í GT og í þann djúpa og merkingarþrungna orðaleik sem býr í sögunni af sköpun mannsins adam af leir jarðar adamah. Þeir draga fram boð Guðs um hvíldardaginn og hvíldarárið sem halda skal í heiðri sjöunda hvert ár þegar jarðvegurinn fær að jafna sig og hvílast líkt og aðrir hlutar sköpunarinnar. Lögmál Móse segir okkur að ef við gefum jörðinni ekki færi á að hvílast gerir hún það samt, með flóðum og þurrkum og eyðingu.

Það er dreypt á trúarlegu hugmyndinni um shekinah sem vistguðfræðingar á borð við Elizabeth Johnson hafi verið að daðra við, en það er gyðingleg hugmydn um nærveru Guðs í öllu sköpunarverkinu, allt er tengt í Guði og Guð sjálfur er hluti af sköpunni. Þarna má greina ákv. panentheisma.

Þeir kalla eftir félagslegu réttlæti og vistréttlæti enda haldist það í hendur. Þeir gagnrýna orkuöflun okkar og að við séum enn að leita leiða til að beisla jarðefnaelsneyti á nýju vegu, t.d. með olíuleit á norðurslóðum, fracking og vinnslu tjörusands.

The world is our host: A call to urgent action for climate justice Volmoed Conference and Retreat Centre, South Africaa http://issuu.com/anglicancommunion/docs/the_world_is_our_host

Þetta er yfirlýsing alþjóðlegs biskupafundar og ákall til allra anglíkana þar sem farið er með trúarlegum rökum yfir það hví við þurfum að breyta hegðun okkar gagnvart sköpuninni.

Vandamálið er andlegt/spiritual, efnahagslegt, vísindalegt og pólitískt. Kirkjan þarf að vera siðferðisleg rödd í þessari krísu.

Hér eru lögð fram ráðsmennskurök en einnig rök um helgi sköpunarinnar sem er okkur heilög og við eigum því að þjóna henni og vernda. Biskuparnir segja okkur hafa haldið fast í drottnandi guðfræði en ekki skilið að sú drottnun sem farið er fram á í Genesis þurfi að vera í samræmi við boð Krists um að sá sem sé mestur á meðal okkar sé sá sem þjónar náunganum. Til að ná fram vistréttlæti er nauðsynlegt að hlusta á raddir frumbyggja sem byggja sitt andlega líf og þekkingu sína á Guði á náttúrunni.

Hjálpræði Krists kallar okkur til ábyrgðar gagnvart fleirum en okkur sjálfum, við höfum gert hjálpræðið mannmiðlægt, en sjáum ekki að allir hlutir, öll sköpunin, hafi verið endurleyst vegna Krists.

Fá trúfélög eru eins virk í loftslagsbreytingaumræðunni og kaþólska kirkjan en tugir skjala hafa komið út á síðustu árum þar sem fjallað er um vistréttlæti og nauðsyn þess að við gætum að sköpunarverkinu og systkinum okkar um allan heim sem þjást vegna loftslagsbreytinga. Hér verður bara dreypt á því sem hefur komið út vegna COP21. World bishops' appeal to COP 21 negotiating parties http://www.scribd.com/doc/287076328/World-bishops-appeal-to-COP-21-negotiating-parties

Í október komu kaþólskir biskupar frá öllum heimsálfum saman og sömdu sameiginlega yfirlýsingu til leiðtoganna sem koma saman í París.

Þessi yfirlýsing byggir á Laudato Si, bréfi Frans páfa um umhverfismál, og leggur fram 10 punkta til íhugunar við samningaviðræðurnar sem tengja saman loftslagsbreytingar og félagslegt réttlæti. Þeir segja þetta líka höfða til ótrúaðra en að hinir trúuðu sjái auk þess þá vídd í samningunum að verið sé að hlúa að sköpun Guðs og náunganum.

International Islamic Climate Change Symposium http://islamicclimatedeclaration.org/islamic-declaration-on-global-climate-change/ Hópur íslamskra fræðimanna hélt þing í ágúst 2015 og lagði drög að íslamskri yfirlýsingu um loftslagsbreytingar. Þetta var breiður og fjölbreyttur hópur fræðimanna því að markmiðið er að sem flestir múslimar geti sameinast um þessi markmið.

Yfirlýsingin hefst á sköpunarguðfræði þar sem Guð er sagður skapari heimsins og fjölbreytni hans. Heimurinn sé skapaður til að tigna skapara sinn og maðurinn til að þjóna Guði og hlúa að sköpun hans.

Það er nokkuð skýrt að loftslagsbreytingar eru af mannavöldum, þ.e. vegna skammsýni okkar höfum við misnotað auðlyndir okkar og afleiðingar þess eru að lífsskilyrðum okkar á jörðinni er ógnað. Þær breytingar sem við upplifum eru af öðrum toga en þær sem hafa orðið í gegnum sögu jarðar vegna náttúrulegra orsaka. Vistkerfi og maðurinn sjálfur eru í hættu vegna loftslagsbreytinga, sem leggjast hvað harðast á þá sem þegar standa höllum fæti, þróunarlönd og fátækar þjóðir. We affirm:

Guð, allah, er skaparinn, allt sem hann hefur skapað er fullkomið og dýmætt. Maðurinn hefur ekki skapað himinn, jörð eða það sem er þar á milli, það tilheyrir allt Guði.

Við erum hvött til að lifa í samræmi við sköpunina, í kóraninum stendur að þó að maðurinn skiljið það ekki þá séu himininn og jörðin mun meiri en manneskjan. We call: Biðja COP21 um að ná binandi samkomulagi, hvetja ríkar þjóðir og olívinnsluþjóðir um að fara fram með góðu fordæmi og veita fjárstyrki til að tryggja að markmiðum um að hlýnun fari ekki fyrir 2 gráður verði náð. Krefjast að hætt verði að hagnast á ósiðferðislean máta á umhverfinu, að sjónum verði beint að þeim fátæku og að fyrirtæki fari að fjárfesta grænt.

Biðja allar þjóðir um að stefna að grænum orkugjöfum, breyta efnhagaskerfinu og hverfa frá auðhyggju sem virðir hvorki menn né umhverfið. Biðja fyrirtæki og fjármálakerfið að huga að afleiðingum viðskipta sinna, huga að samfélagslegri ábyrgð sinni og vistspori, stuðla að því að grænir orkugjafar taki við af óumhverfisvænum.

Biðja alla múslima að muna hver staða þeirra er innan sköpunarverksins og hvað spámaðurinn hefur um það að segja. Þeir séu ráðsmenn í sköpunarverkinu.

The Time to Act is Now. A Buddhist Declaration on Climate Change http://fore.yale.edu/files/Buddhist_Climate_Change_Statement_5-14-15.pdf Hér er um að ræða yfirlýsingu fjölda búddískra trúarleiðtoga þar sem farið er yfir með trúarlegum rökum afhverju þörf er á að vinna gegn loftslagsbreytingum. Yfirlýsingin hefst á staðreyndum um stöðu okkar og mér þykja þau orða það vel að við séum að mæta vistfræðilegum afleiðingum sameiginlegs karma okkar.

Þau leggja fram hvernig hinir fjórir göfugu sannleikar sem eru miðlægir í búddisma gagnast okkur til að breyta lífstíl okkar til hins betra. Þeir vinna að því að minnka þjáningu okkar, sem er m.a. keyrð áfram af græðgi, slæmum vilja og ranghugmyndum, hinu sama og keyrir efnahag okkar og menningu í það að eyða náttúrunni. Við þurfum að vakna og sjá að jörðin sé heimili okkar og ef hún veikist og deyr gerum við það líka. Við þurfum að breytast sem einstaklingar og sem einstaklingar þurfum við að breyta kerfum okkar og samfélagi. Í stað efnahagskerfis sem krefst gróða, meiri neyslu og meiri framleiðslu þurfum við að temja okkur efnahagskerfi sem gengur út frá nægjusemi og vinnur í samræmi við náttúruna.

  Buddhist Climate Change Statement to World Leaders https://gbcccdotorg.files.wordpress.com/2015/10/buddhist-climate-statement-oct-29.pdf

Þessi yfirlýsing kemur frá hópi búddískra leiðtoga m.a. Dalai Lama nú í október vegna COP21.

Þeir ítreka það sem kemur fram í yfirlýsingunni The Time to Act is Now. Þeir hvetja til þess að við sjáum hvernig allir hlutir tengjast en að við týnumst ekki í áhyggjuleysi hversdagsins.  Þeir hverja leiðtoga heimsins til að halda hlýnun innan við 1.5 gráður frá því um iðnbyltingu og fagna yfirlýsingum annarra trúarbragða, sérstaklega páfabréfinu Laudato Si og yfirlýsingu hindúskra leiðtoga sem er væntanleg. Þeir hvetja leiðtogana sem koma saman í París til að:

1. Taka ákvarðanir í samræmi við þau siðferðslegu álitamál sem fylgja loftslagsbreytingum líkt og fjallað er um í 3. grein United Nations Framework Convention on Climate Change (UNFCCC)

2. Sameinast um að hætta notkun jarðefnaeldsneytis og stefna að endurnýjanlegum orkugjöfum.

3. halda hlýnun innan við 1.5 gráður

COP21 religions http://cop21religions.org/en/ Á meðan COP21 stendur fyrir verður mikið trúarlegt starf tengt ráðstefnunni í París. Pílagrímar víða að munu koma til Parísar 28. nóvember og afhenda frönskum ráðamönnum og sameinuðu þjóðunum yfirlýsingar trúarhópa um loftslagsbreytingar. Interfaith summit on climate change http://interfaithclimate.org/the-statement/ Alkirkjuráðið (WCC) og samtökin Religions for Peace héldu ráðstefnu 2014 þar sem samin var sameiginleg, þvertrúarleg yfirlýsing. Enn er hægt að láta bæta sér á listann yfir þá sem taka undir hana, hugsanlega væri hægt að hvetja einhvern af okkar biskupum til að kvitta undir.

30 trúarleiðtogar víðsvegar að komu saman til að ræða saman, bæði frá stórum og litlum trúarhópum og frumbyggjum. Þau leggja áherslu á climate justice, vistréttlæti. Yfirlýsingin hefst nokkuð almennt, ræðir um orsakir og afleiðingar loftslagsbreytinga, sérsklega að afleiðingarnar séu hvað verstar þar sem fólk má sín minnst. Vilja að þjóðir heims vinni saman að því að halda okkur undir 2 gráðu mörkunum og hvetja trúarleiðtoga til að hafa áhrif á stjórnmálaleiðtoga. Vilja að COP21 nái að dreifa byrgðinni vegna loftslagsbreytinga og að komist verði að lögbundinni niðurstöðu um aðgerðir. Þessir trúarleiðtogar skuldbinda sig til að ávarpa loftslagsvánna í sínum samfélögum.