Trishabae

Kaibigan. Sila yung taong kasama mo araw-araw, kasama mo sa trip ng iyong buhay at sa kaartehan mo na minsan hindi maintindihan ng ibang mga tao. Pero ano nga ba ang tunay na kaibigan? sila ba yung taong kasama mo lang sa kaginhawaan ng iyong buhay? Ang tunay na kaibigan tanggap ka, at sasamahan ka sa anumang problema na iyong kinakaharap sa buhay, andyan sila kapag kailangan mo ng tulong, hindi yung iiwan kapag alam nilang wala silang matutulong sayo, tunay kaibigan, yung hindi gagawa ng mga bagay na ikapapahamak o ikasasama mo bagkus ay papayuhan kang gumawa ng mabuti o ikakabuti mo upang wala kang pagsisisihan sa huli. Sa panahon ngayon napakahirap humanap ng tunay na kaibigan dahil madalas ang mahahanap mo ay nagkukunawaring kaibigan yung tipong nariyan lang kapag may kailangan sayo pero nawawala kapag ikaw ang may kailangan sa kanila, at maswerte ako dahil natagpuan ko ang mga tunay kong kaibigan at ipinagdarasal ko na wag sana silang mawala sa buhay ko.

Kasiyahan. Ito ba yung makikita mo lang sa mga pagngiti at lakas ng paghalakhak ng isang tao? Minsan natanong mo ba sa iyong isipan na masaya ba talaga ang taong ito? O sa kailaliman pa niya ay may lungkot na nararamdaman. Minsan yung taong akala natin sobrang saya dahil konting biro mo lang ay natatawa na agad siya ay may tinatago pa lang lungkot sa puso niya, marahil ay nagpapanggap siyang masaya at tinatago ang lungkot na kanyang nadarama sa kanyang pagtawa, maraming rason kung bakit siya nagpapanggap na masaya, nagpapanggap siya dahil ayaw niyang makita ng ibang tao na siya ay mahina, minsan natanong na ba natin sa taong nakakasama natin kung masaya ba talaga siya o umiiyak na ba ang puso niya sa dami ng problema at sakit ang kanyang nadarama dahil kadalasan ang taong malakas tumawa o madalas nakangiti ay yaong taong kadalasa'y nababalot ng lungkot kapag sila'y nag iisa. Sana'y buksan natin ang ating puso at tenga na pakinggan at tanungin sila kung ano ang tunay nilang nararamdaman dahil minsan ang lungkot ay nauuwi sa depresyon.

       Napakalayo na ng ating narating simula kina Dr. Jose Rizal at iba pang kinikilalang bayani sa loob ng pilipinas. Bagong henerasyon ika nga, mga gamit na marikit at otomatikong gumagalaw o sumusunod sa iyong gusto o nanaisin, o tinatawag na TEKNOLOHIYA.Napakalaki at dami ang tulong ng teknolohiya sa bawat isang sangkatauhan, Ngunit napansin ba ang negatibong epekto nito lalong lalo na sa mga kabataan? Oo’t mas napaunlad natin ang ating bansa sa mga bagay na materyales ngunit ito ang unang dahilan sa pagbago ng mga ugali ng sangkatauhan na madalas ang kabataan,sa pagagwa ng mali o kasamaan sa kapwa para lang mahangad ang sariling kapakanan at kagustuhan. Masasasabi pa ba nating kabataan nga ang pag asa ng bayan, kung sa habang tumatagal ay lalong dumadami ang kaso sangkot ang mga minor de edad ?

Isipin mo ang taong mahal mo habang binabasa mo ito. Minsan ba naisip mo na sa sarili mo kung gaano mo ka deserve yang taong nagmamahal sayo? Minsan ba naisip mo kung gaano siya nahihirapan sa tuwing nag aaway kayo? Na isip mo na rin ba na bawat ngiti niya, may nag aasam na sana pag aari nila siya, pero ikaw, maswerte ka na’t hawak mo na, BINABALEWALA mo pa! Hindi lang ikaw ang tao sa mundo, pero minamahal niya lahat ng ups and downs mo. Isipin mong hindi lang ikaw ang nagmamahal sa kanya. May mga tao diyan na naghihintay at naka antabay na BITAWAN mo siya. Wag mong intayin na dumating yung oras na iwan ka na niya, dahil nag sawa na siya. PAHALAGAHAN mo kung anong meron ka… Dahil sa huli pag nag sawa na siyang intindihin ka… MASAKIT makita, na PINAPAHALAGAHAN na siya ng iba sa paraang… HINDI MO KAYA!