ティナ🍙

       Ako ay nasiyahan sa aming debate na nangyari ngayong araw lamang. Ang aming tinalakay ay patungkol sa TIWALA kung dapat ka bang magbigay nito o hindi. Marami akong nadinig na opinyon tungkol dito, maraming nagsasabing HINDI dahil hindi nga daw talaga mapagkakatiwalaan ang tao, sasaktan ka lamang nito kung magbibigay ka ng tiwala sa kanya ngunit marami ring nagsasabing OO, dahil nga sa lahat ng aspeto ng buhay lalong lalo na sa pag-ibig ay may kakambal itong TIWALA.

     Ngayon ay sasabihin ko sainyo ang REALIDAD o ang katotohanan sa ating tiwala sa iba’t-ibang tao. Maraming nagsasabi na HINDI daw dapat magbigay ng TIWALA sa kapwa dahil kahit ang sarili mong kapatid ay kaya kang traydorin. Bakit nga ba nila ito nasabi? 

      a. Tayo ay takot lang masaktan kaya nasasabi nating wag mag tiwala.

      b. Nabigay natin sa maling tao ang ating tiwala.

     Ito ay mga katotohanan o ang realidad sa pagbibigay natin ng TIWALA. Kung sasabihin mong na traydor ka na minsan at ayaw mo nang masaktan pa kaya ayaw mo ring magbigay ng tiwala, lagi nating tatandaan na ang paglipas ng panahon ay siyang unti-unting magpapahilom ng ating mga sugat at unti-unti ring magpapabalik saating tiwala.

    Sa oras na ito isipin mo, kung walang tiwala na nagpapatakbo sa inyong relasyon bilang magpamilya, magkaibigan o magkasintahan, kayo lamang ay nagplaplastikan at mas masasaktan niyo ang isa’t-isa dahil dito. Nakikita niyo ba ang aking punto? At wag nating sabihin na wag mag tiwala dahil ikaw ay takot lamang masaktan, yan ang dahilan. 

HUGOT 101

Ano ba ang “HUGOT”? Ito ay mga siping tungkol sa PAG-IBIG. Madalas na ang mga taong gumagawa nito, lalong-lalo na ang mga taong sawi sa pag-ibig at mga taong “BITTER” ika nila. Saan ba nila ito kinukuha? Simple lang, sa mga karanasan at pag-oobserba nila sa relasyon ng mga tao o di kaya ay sa mga nakaraan nilang mga relasyon.

Nakakatulong ba ito saatin? Oo naman, dahil dito ay naipapalabas natin ang mga bagay na gusto nating sabihin. May kalayaan tayong ipahiwatig ang ating nararamdaman at napapatamaan natin ang mga taong gusto nating patamaan, tama di'ba? Wag mong sabihing hindi dahil sa bawat hugot natin, sa likod nito ay may isang taong gusto nating patamaan. Kagaya ni ex, ni crush di'ba?