Thunder

الشيخ بيقول علاج فتور العبادة = قبول الفتور.

🌻 عارفين الفتور اللي بييجي فجأة ومهما قعدتوا تحللوا وتراجعوا نفسكم مش قادرين تمسكوا خيط؟ قيام ليل يبقى تقيل، الصلاة بتكسل على السنن، وغيرهم في العبادات..

لما جه حنظلة يشتكي ابو بكر الصديق إنه وهو قاعد في مجلس رسول الله بينسى الدنيا والهم والعيال والزوجة واللي وراه، ومجرد ما يرجع بيته ينشغل بالمعيشة وحاله يتغير، فأبو بكر قاله: وهكذا حالي!

🌼الصحابة نفسهم حالهم من حالنا، ولنا راحوا للرسول قالهم ده طبيعي وعادي، ساعة وساعة.

🌹ساعات الإنسان ما بيكونش عاوز يقتنع إن قلبه مبقاش بيحس بالعبادة زي قبل كده!

🌻وده عادي خالص " وخُلِقَ الإنسانُ ضعيفًا" ، " لتركبُن طبقًا عن طبق" يعني يوم فوق ويوم تحت، دي طبيعية إنسانية وجزء من بشريتك إن دوام الحال من المحال!

من محاسن شعورك بالفتور: بيعلمك تقف وتجتهد على باب الله.

وتعرف إن والله ما بشطارتك، ولا بمحاولاتك ولا باجتهادك.. ولا بأي شيء صادر منك، الكل من فضل الله تعالى.

لن تطاع إلا بإذنك ولن تعصى إلا بعلمك.

🌻فخد فتورك ده وتعالوا نقف على باب الله، واللهم أعني على ذكرك وشكرك وحسن عبادتك.. ونعرف هنصلح ده إزاي؟

🌼 اقبل فتورك واهدى وده عادي، اللي احسن مني ومنك حسوا بيه!

🌹 وطالما قبلنا الفتور وفهمنا إنه طبيعة بشرية، تعالوا نشوف أهل العلم قالوا لنا نداويه إزاي من غير ما نجلد ذاتنا:

🍃 أولاً: ألزم الفرائض واسترخي في النوافل:

الرسول صلى الله عليه وسلم قال: «إنَّ لكلِّ عملٍ شِرَّةً، ولكلِّ شرَّةٍ فَترةً، فمَن كانت فترتُهُ إلى سنَّتي فقد اهتدى».

يعني في وقت الفتور، الدين بيقولك: "مش طالب منك المستحيل"

ركز بس على الصلوات الخمسة في وقتها.

المشايخ بيقولوا: 'ليكن فتورك في الطاعة، لا في المعصية'. يعني عادي تكسل عن قيام الليل، بس مش عادي تسيب الفريضة. انزل من على قمة الجبل واقعد في السبسيب (الأرض المستوية) شوية، بس حافظ على الأساس عشان السقف ما يقعش

🍃 ثانيًا: غير العبادة:

القلوب بتمل، والملل يداوى بالتغيير.

مش قادر تقرأ جزء قرآن؟ اسمع قرآن بصوت شيخ بتحبه وأنت مغمض عينك.

مش قادر تدعي بقلب حاضر؟ الزم الاستغفار أو الصلاة على النبي والسبحة في إيدك وأنت بتتفرج على السما.

ربنا جعل أبواب الطاعات كتيرة جدًا عشان لو اتقفل في وشك باب من التعب، تلاقي باب تاني مفتوح بكل حب.

🍃 ثالثاً: عبادة "جبر الخواطر":

لما تحس إن علاقتك بالسجادة تقلت، روح لعيال الله" اقصد هنا الذين يعولهم الله ويرزقهم من خلقه".

شيل عن حد هم، ابتسم في وش عامل بسيط، هات لقمة لقطة في الشارع، أو اتصل بوالدتك اسمعها.

المشايخ بيقولوا إن الطاعة البسيطة دي بتجيب وراها طاعة، ونور.

جبر الخاطر بيرجع يفتح قلبك للصلاة تاني من حيت لا تحتسب.

🍃 رابعًا: الدعاء بـ "العجز":

لما تقعد على السجادة ومش قادر تصلي، ما تقومش وتجري. اقعد وقول: "يا رب، أنا عاجز، وقلبي تقيل، ومفيش في إيدي حاجة أعملها، وأنت اللي بتقلب القلوب، فـ اقلب قلبي لطاعتك" الدعاء ده وأنت في قمة ضعفك واعترافك بقلة حيلتك، هو أسرع طريق يرجعك.

🍃 خامسًا: فتش عن "الحمولة الزيادة":

ساعات الفتور مبيكونش مجرد تعب بشري، بيكون ذنب صغير استهونّا بيه فتقل حركتنا.

نظرة مش تمام، كلمة في حق حد، أو قعدة غيبة قعدناها وضيعت نور القلب.

لو حسيت بالتقل ده، جرب تستغفر بنية "تطهير الحمولة"، ساعات استغفار واحد صادق من قلبك بيشيل الصخرة اللي كاتمة على نفسك وتلاقي روحك خفت فجأة للسجود.

"تعافي الذات سيجعلك غاضبًا..

وإن لم يحدث هذا بعد، فلأنك لم تخض رحلة التعافي بالعمق الكافي..

هناك غضب يعترم تحت النجاة..

غضب عارم يتولد كلما أدركتَ كم من جوانب حياتك تشكّلت بسبب خلل في نفسية شخص آخر..

كم جانباً من شخصيتك هو نتاجٌ ثانوي للفوضى التي حاولتَ النجاة منها..

وكم من خيارات أخذتها لم تكن أصلًا بخيارات، بل حيل دفاعية متنكرة على شكل خيارات.

الأذكار:

١- لا إله إلا الله وحده لا شريك له، له الملك وله الحمد وهو على كل شيء قدير (٥٠٠ مرة)

وهو الذِكر اللي وصى بيه النبي ﷺ في يوم عرفة

٢- سبحان الله وبحمده (١٠٠ مرة)

قال رسول الله ﷺ مَن قالها في يومٍ مائةَ مرة، غُفِرَت خطاياه ولو كانت مثل زبد البحر، والناس بتأمل إنها تصيب من فضل الحجاج اللي بينزلوا من يوم عرفة كيوم ولدتهم أمهاتهم، فده ذكر المغفرة الأكبر.

الأدعية النبوية:

١- اللهم إني أعوذ بك من الهم والحَزَن، وأعوذ بك من العجز والكسل، وأعوذ بك من الجبن والبخل، وأعوذ بك من غلبة الدين وقهر الرجال.

٨ أزمات بتصيب الإنسان استعاذ منها الرسول ﷺ

٢- اللهم إني أسألك الهدى والتقى والعفاف والغنى

دعوة شاملة لخيري الدنيا والآخرة.

٣- اللهم إني أسألك العفو والعافية في الدنيا والآخرة، اللهم إني أسألك العفو والعافية في ديني ودنياي وأهلي ومالي وأولادي، اللهم استر عوراتي وآمن روعاتي، واحفظني من بين يدي ومن خلفي، وعن يميني وعن شمالي، ومن فوقي، وأعوذ بعظمتك أن أُغتال من تحتي.

العوض الحقيقي هو سلامك مع نفسك اي حاجة برة نفسك اسمها اضافة

بتشوف ناس اتعوضوا بشريك حياة واول ما شريك حياتهم اختلف معاهم اتكسروا

العوض الحقيقي مش عكاز خارجي العوض في ان رجلك تشيلك لطريق فيه راحة البال افكارك تخدمك تعرف تتونس بنفسك تعرف تطمن بسهولة جواك عالم كبير مليان تناغم وروقان مش معتمد على حاجة خارجية

في عشية اليوم ده، ربنا بيباهي بالناس الملائكة ويقول: "انظروا إلى عبادي.."

🌼تخيل ملك الملوك، سبحانه وتعالى، بيتكلم عننا إحنا البشر قدام الملائكة بفخر! ويقول: "أشهدكم أني قد غفرت لهم".

وفي جوف الليل، بينادي سبحانه: هل من تائب فأتوب عليه؟ هل من مستغفرٍ فأغفر له؟ هل من سائل فأعطيه؟

🌻 بيقولوا أهل العلم..

يوم عرفة هو يوم المغفرة والعتق الأكبر من النار..

الشيطان بيبقى فيه في أحقر وأذل حالاته، لأنه بيشوف رحمات ربنا اللي بتنزل زي المطر على العباد، وغفرانه لذنوب بقالها سنين وسنين.

🌼 النبي صلى الله عليه وسلم قال: (ما مِن يَومٍ أَكْثَرَ مِن أَنْ يُعْتِقَ اللَّهُ فيه عَبْدًا مِنَ النَّارِ، مِن يَومِ عَرَفَةَ).

يعني صكوك العتق من النار بتتوزع في اليوم ده بالكرم الإلهي الواسع لكل الناس، مش بس للحجاج الواقفين على الجبل، بل لكل مسلم صايم ومقبل على ربنا بقلب صادق.

🌼 وطبعًا يوم استجابة الدعاء "المضمون"، النبي صلى الله عليه وسلم لخص اليوم ده في جملة واحدة واضحة: (خيرُ الدُّعاءِ دعاءُ يومِ عرفةَ).

🌼بعض الصالحين كانوا بيقولوا: "والله ما دعونا بدعوة في يوم عرفة، فدار عليها الحول (يعني لفت السنة) إلا ورأيناها مثل فلق الصبح!".. يعني الدعوات بتستجاب وتتحقق بالحرف!

🍅طيب إحنا طول السنة بنذاكر ونجتهد ونتودد إلى الله، وكلنا عندنا حاجات وأدعية نفسنا تتحقق، فنعمل إيه يوم عرفة؟

✨ خطة يوم عرفة العملية:

1️⃣ هنبدأ من ليلتها بِـ قيام الليل، ونقرأ ما تيسر من القرآن، ونسبح ونوحد الله كتير، بحيث نفوز بكل ثانية في اليوم ده.

2️⃣ فجر يوم عرفة: هنصلي الفجر في وقته، ونقعد في مكاننا للشروق نذكر الله ونقرأ قرآن.

ومن اللحظة دي (اللي هي من بعد صلاة الفجر) هيبدأ "التكبير المقيد" اللي بيكون بعد كل صلاة: (الله أكبر، الله أكبر، لا إله إلا الله...).

3️⃣ طول اليوم: اللسان ميبطلش ذكر، وخاصة الدعاء اللي النبي قال عليه إنه خير الدعاء: "لا إله إلا الله وحده لا شريك له، له الملك وله الحمد وهو على كل شيء قدير".

4️⃣ الصدقة: نطلع أي صدقة في اليوم ده ولو بمبلغ بسيط جدًا، أو لجبر خاطر أي حد محتاج يقابلك في السكة.

5️⃣ حفظ الجوارح: النبي صلى الله عليه وسلم قال عن اليوم ده: (يومٌ مَن مَلَكَ فيه سَمْعَه وبَصَرَه ولِسانَه غُفِرَ له) يعني نمنع الغيبة تمامًا، ومفيش نظرة أو كلمة تغضب ربنا.

🌻عيونكم بقى على وقت "السر الإلهي" اللي هو (من العصر للمغرب):

ده أهم وقت في السنة كلها، الوقت اللي ربنا بيدنو فيه للسماء الدنيا، من الآخر؟

خليك زنّان! "يا رب أنا عاوز كذا وكذا.. يا رب يا وهاب، يا فتاح يا عليم أوهب لي كذا".. وسيدنا عبد الله بن مسعود بيقول إن النبي صلى الله عليه وسلم كان إذا دعا.. دعا ثلاثًا يعني بيكرر دعوته بإلحاح.

🌼 سر الاستجابة السريع: لو نفسك في حاجة أوي؟ ادعي بيها لحد بتحبه.. الرسول عليه الصلاة والسلام قالنا إنك لما تدعي لأخيك بظهر الغيب، في ملك موكل بيقول: "ولك بمثل".. تخيل ملاك بيدعي لك في يوم عرفة!

🌻 الخلاصة: اقفل تليفونك.. ارفع إيدك.. استقبل القبلة.. وادعي بكل حاجة نفسك فيها بيقين تام إنها جبرت وهتتحقق.

ولا تنسوا الدعاء بين الأذان والإقامة في كل صلاة، فإنه لا يُرد.

💞هحكيها بطريقة بسيطة، ولا تنسوني من الدعاء في الأيام المفترجة دي❤️

🌻 أم حكيم ' زوجة عكرمة بن أبي جهل' راحت تبايع الرسول وهي لسه على ذمة عكرمة" الكافر وقتها" ؛ فبعد ما اختبر صدقها، الكلام ده حصل في عام الفتح، فقالت له:

ـــ يا رسول الله.. لو عكرمة جالك وبايعك.. هتعفو عنه؟

قالها: هعفو عنه!

🍓ملحوظة كده:

عكرمة بن أبي جهل، من الناس اللي اتدهر دمها، الرسول عليه الصلاة والسلام قال نصًا" اقتلوه.. حتى لو لاقيتوه متشعلق في اسوار الكعبة"

ليه؟

عشان تطاول على الله عز وجل وعلى النبي عليه الصلاة والسلام.. وده كان حكم شرعي: اللي يشتم النبي او يتطاول عليه يتهدر دمه.

بس سبحان الله زي ما ربنا مفيش زيه في اسماءه ولا صفاته، برضه مفيش زيه في افعاله وتدابيره لأمور عباده!

🌻المهم مشيت أم حكيم من عند رسول الله صلى الله عليه وسلم، عشان تبلغ عكرمة بكلام سيدنا محمد، لما راحت بيتها ملاقيتوش، اتاريه كان خلاص عقد العزم إنه هيسيب مكة، وقالوا لها ده راح ناحية البحر" نواحي اليمن"

اخدت الغلام اللي كان شغال عندهم معاها في الطريق، وهما ماشين ' راودها عن نفسها' وطبعًا هي صحراء، ويا هتموت يا هيعمل اللي هو عاوزه..

فـ بذكاء كده قالت له: يصبر شوية لما يلاقوا مكان يرتاحوا فيه، وهي اصلًا قالت كده عشان في بيت لناس تعرفهم قرب وفعلاً لما وصلوا وشافت الناس حكت لهم واخدوا الغلام ربطوه وقالوا.. منقدرش نعمل اكتر من كده، "عكرمة ده سيد مش واحد عادي" لما ييجي عكرمة يشوف حل.

🌻كملت طريقها لوحدها لحد ما وصلت لعكرمة وهو واقف على شاطئ البحر في منطقة اسمها "تِهامة" وكان خلاص بيتفق مع صاحب سفينة عشان يهرب.

بس صاحب السفينة كان بيقول لعكرمة: "أخلص" (يعني وحد الله واشهد ان لا اله الا الله عشان السفينة تنجو)

فعكرمة قاله: "أنا مَهربتش من مكة إلا عشان مش عاوز أقول الكلمة دي!"

🌻في اللحظة دي ظهرت أم حكيم وقالت له: "يا ابن عم، جئتك من عند أوصل الناس، وأبر الناس، وخير الناس، لا تهلك نفسك، وقد استأمنت لك منه فأمَّنك"

عكرمة ماكنش مصدق، قالها: إنتي كلمتيه بنفسك؟

قالت له: "نعم، أنا كلمته وهو آمنك".

فرجع معاها وهو مطمئن.

🌻اول ما قربوا من مكة، الرسول صلى الله عليه وسلم قال للصحابة كلمة في منتهى الرقي والإنسانية، قالهم:

ـــ "يأتيكم عكرمة بن أبي جهل مؤمنًا مهاجرًا، فلا تسبوا أباه، فإن سب الميت يؤذي الحي ولا يبلغ الميت" عشان عكرمة مشاعره ماتتأذاش بسبب كلامهم عن أبوه أبو جهل.

لما دخل عكرمة، الرسول عليه الصلاة والسلام وثب إليه فرحًا (قام جرى عليه من الفرحة) وحضنه، وعكرمة أعلن إسلامه وقال: "أنت أبر الناس وأوفى الناس"، ومن يومها وعكرمة بقى من أشد المدافعين عن الإسلام.

🌻وفي غزوة اليرموك، رفع سيفه ودخل المعركة دخلة " إنك لميت وأنهم لميتون" اللي هو أنا بايع روحي هنهي عليكم ولو تقدروا تموتوني.. تمام.

لما شافه كده خالد بن الوليد جري عليه وقاله:

ـــ لا تفعل، إن موتك يفجع المؤمنين اللي هو متعملش كده، عشان لو إنت موتت المؤمنين هيزعلوا عليك زعل جامد، زعل شديد!

النهاردة عرفت انها اتطلقت .. بعيدا عني و عن رؤيتي السطحية للحياة

طنط النهاردة لما كلمتني قالت لي جملة قلبت في دماغي حاجات كتير، قالت لي " عيالي و أهلي وأهلله شايفني اتجننت و إنه طول عمره مراعيني و ما أخرش عني و عن عياله حاجة و حتى ورثي من ابويا راعى ربنا فيه، بس هما شايفين اللي بره! الراجل ده ظلمني و أنا عمري ما هسامحه، الراجل ده عيشني حياتي كلها مصدقة أني ماستاهلش اتحب! هو ماشي عمره ما عاملني وحش بس عمره ما حبني! ممكن يكون ماسرقش فلوسي، بس سرق مني عمر بحالة كنت ممكن اقضيه مع حد عاوزني فعلا، حتى لما طلبت الطلاق، كل اللي قالهولي "هيفرق معاكي إيه دلوقتي؟" ماهتمش حتى أنا بطلبه ليه، لأن بالنسبة له أنا مش في حساباته من زمان."

افتكرت من فترة كنت قرأت قصة على

Humans of New York

كان الراجل بيحكي إنه أول ما اتجوز مراته حس أنه مش عاوز يكمل، بس هي كانت حامل فكمل الجوازة لحد ما بنته كبرت وأول ما بنته دخلت الجامعة ساب لمراته كل فلوسه وممتلكاته و مشي، واحد كان راد عليه قال له:

Left the wife everything when he left, but didn't give her the opportunity to spend her life with a man that WANTED to be with her. That sucks.

"ماشي إنت سبت لها كل حاجة، بس ماسبتلهاش فرصة الحياة مع واحد عاوز يبقى معاها!"

أنت ممكن تحط ألف صفة للشخص المناسب في نظرك، بس هتفضل أهمها أنه يكون عاوزك :)

عشان إحساس إنك مجرد شخص بتملى خانة في حياة اللي قدامك، أي حد غيرك ممكن يملاها ده من أسوء الأحاسيس اللي ممكن تحسها

فكيف بالإنسان مع ربِّه؟

اللهُ الذي خلقه من عدم، ورزقه من فقر وألبسه الصحة وأنعم عليه بالسمع والبصر والعقل والقلب ثم أغدق عليه من النعم ما لا يُحصى ومع ذلك يجحدُ كثيرٌ من الناس نعمَه ويتثاقل عن طاعته، ويعصي أوامرَه، كأن الفضلَ ليس منه سبحانه.

فيا عجبًا!

فسأله موسى هل تريد أن يغنيك الله.... فى أول 30 عام من عمرك ...أم فى الـ 30 عام الأخيرة...؟

فأحتار الصبي

و أخذ يفكر و يفاضل بين الاختيارين

ثم أستقر أختياره على أن يكون الغني فى أول 30 عام من عمره

و كان سبب اختياره أنه أراد أن يسعد بالمال في شبابه ..

كما أنه لا يضمن أن يعيش إلى الـ 60 من العمر

و لكنه نسى ما تحمله الشيخوخه من ضعف و هزال و مرض.

و دعى موسى ربه فاستجاب على أن يغنيه فى أول 30 عام من عمره

و اغتنى الصبى و أصبح فاحش الثراء .. و صب الله عليه من الرزق الوفير، و صار الصبى رجلًا ..و كان يفتح أبواب الرزق لغيره من الناس ..فكان يساعد الناس ليس فقط بالمال، بل كان يساعدهم فى إنشاء تجارتهم ..و صناعاتهم ..و زراعاتهم ..و يزوج الغير قادرين و يعطى الأيتام و المحتاجين ..

و تمر الـ 30 عاما الأولى، و تبدأ الـ 30 عاما الأخيرة ..

و ينتظر موسى الأحداث.!!؟؟

و تمر الأعوام .. و الحال هو الحال !! و لم تتغير أحوال الرجل ... بل ازداد غنى على غناه.

فاتجه موسى إلى الله يسأله بأن الاعوام الـ 30 الأولى قد انقض...

فأجاب الله :