divergent

مفيش اي ملحميه متشافه فالحكايه عادي بتخلص ببرود بتخلص بسكوت بتخلص بمسافه مش متشافه زي كل حاجه اتاخد حقي فالزعل حقي فالغضب حقي فالفرح كل مره كنت بكلمك فيها كنت بقولك امسك انا بسيب، بس انت ماسمعتش او سمعت وماصدقتش او صدقت ومش فارقه

سألني ايه الحاجات اللي صعبان عليكي نفسك فيها، قعدت كام دقيقه دماغي مفيش فيها كلمه واحده ارد بيها! تصدق مش قادره حتى يصعب عليا حاجه!

سألني لما قولتيله كدا رد؟ بعت رساله؟ لا! زي كل مره استنيت فيها رد.. بس المرادي مستنتش! مش فارقه

حتى لما بلاقي نفسي خلاص عايزه اجي امسك فرقبتك واقولك ايه يا اخي ازاي هاينه عليك كدا متأكده ان حتى لو عملت كدا مش هتفرق مابقتش قادره امشي ناحيتك خطوة زيادة

قالي انتو بتتكلموا لغتين مختلفين، كل مره كنت بكلمك كلامك بعيش بطريقتك بقولك انت صح بس تصدق كل دا كان غلط !

كتبت عنها، كتبت عنك، كتبت عنه، عمرك ما كتبت عني ولا ليا ! ازاي ماشوفتش دا!!

بشوف كل حاجه من الاول واستغرب ازاي كل مره كنت بتقول اللي انت عملته عمرك ما قولت انا عملت ايه! يارتني قدرت نفسي والله

نقعد بقا نشوف ايه مشاكلي مع الدين الاقي انها مشكله discpline زي كل حاجه مبعرفش اعملها ابدأ واسيب اتشتت بكل حاجه واي حاجه بحارب طواحين هوا فدماغي وخلاص