做Wedding planner 既我返工已經日日食中菜， 難得一大班朋友去到餐廳有個意外既驚喜， 原來翠韻軒依家唔只得中菜食， 仲會有韓國既菜式 等我介紹一下我食左既一啲幾特別既韓國菜先， 🍴鱈魚子脆脆卷: 炸得啱啱好外脆內濕既，個鱈魚子已經係熟透哂，係脆脆同鱈魚子之間仲有芝麻葉包埋係入面，如果平時都對芝麻葉有興趣既朋友仔可以試下 🍴甘苔鱈魚子蛋卷: 呢個蛋卷上口比較乾身小小，外觀金黃色再加橙色既鱈魚子，呢個鱈魚子比較濕既，如果平時食唔到魚既朋友可以跳過呢個菜 🍴豆腐海鮮湯: 中餐做韓菜，呢個湯都係好韓式，真係正式既豆腐海鮮湯(微辣) 🍴元祖辣燉雞: 上到枱大家都諗住都唔會辣得去邊啦，點知係幾辣既，佢種辣係後來居上個種辣，個雞都幾入味(中辣:小朋友食會好辣) 🍴韓式煎牛肋骨: 個牛助骨煎得啱啱好既，食上去好多肉汁，一啲都唔乾身，仲好香 🍴蟹子卜卜砂鍋飯: 呢個飯無論賣相定味道都係好掂既，食前要先將生蛋撈落飯，如果鐘意食飯焦既朋友可以先比啲時間個砂鍋燒燒啲飯，入面材料除左蟹子之外仲有白飯魚仔海菭同白芝麻，飯底係好分明一粒一粒既 🍴南瓜清甜湯: 睇到個菜式名覺得都係普通南瓜湯姐無乜特別，咁你就錯啦！佢一入口你係完全停唔到口，佢口感唔係水流流，而係比較企身小小既口感，好似啲燉品咁好甜好滑，女仔食落去會覺得佢係好保濕同養顏既感覺 總結我今次勁推介要食既菜式就係:蟹子卜卜砂鍋飯，元祖辣燉雞，南瓜清甜湯 👍🏻👍🏻👍🏻👍🏻👍🏻 💡如果大家有恒生信用卡，點「粵韓新食」系列自選菜式，就可以額外享用 85 折優惠 #zolar #zolarshare #zolarxmx #zolarfoodie #美心中菜 #maximschinese #粵韓新食 #koreanstyle #koreanfood #CantonXKFood #翠韻軒 #滋補參雞湯 #雪濃湯泡牛肉 #首爾雙味炸雞 #蟹子卜卜砂鍋飯 #南瓜清甜湯（在 Symphony by Jade 翠韻軒） https://www.instagram.com/p/BwtFpBgHNNi/?utm_source=ig_tumblr_share&igshid=1andcwvx56m7b
