#zelencuk

Повеќето од нас го мијат овошјето и зеленчукот само под млаз вода. Но, дали е тоа доволно? Прочитајте како подобро да ги миете плодовите и да бидете сигурни дека јадете што поздраво. Дали некогаш сте се запрашале колку луѓе ги допреле овошјата или зеленчуците во супермаркетите, продавниците или пазарот, пред тие завршат во вашата торба и на вашата маса?

Некои луѓе сметаат дека е многу важно плодовите да се добро измиени и тоа не само под млаз вода, бидејќи никогаш не се знае какви пестициди се наоѓаат на нивната површина или каква нечистотија се залепила. Најдобар начин е да купувате органско и локално овошје и зеленчук, па да го миете со помош на мали трикови за домаќинство.

Еко спреј

Можете да направите домашен спреј за чистење и миење на овошје и зеленчук. За истиот потребни ви се: 1 лажица свежо исцеден сок од лимон и 2 лажици оцет и 250 мл вода.

Состојките се ставаат во едно чисто шише со пумпа за распрскување и добро се протресуваат. Со овај спреј испрскајте ги овошјето и зеленчукот, а потоа измијте ги со вода. Не грижете се, силниот мирис на киселина не се чувствува потоа.

Брзо миење

Во пластичен сад измешајте 2 чаши вода со ½ чаша оцет и во водата мијте ги овошјето и зеленчукот. Најдобро оставете ги да стојат барем 5-10 минути во подготвената мешавина, а потоа исплакнете со вода. Ова е најдобар начин да се мие марула, блитва, спанаќ и другите лиснати зеленчуци.

Неколку напомени

1. Кај зелената салата и лиснатиот зеленчук, пред миење е најдобро да им се разделени листовите. 2. Ако миете печурки, прво отстранете им ја нечистотијата со бришење со сува крпа, па потоа измијте ги во течноста и тоа само неколку секунди, бидејќи можат да ја примат миризбата на киселината. 3. Бобинките не е добро подолго време да се оставаат во течност со киселина, бидејќи ќе апсорбираат миризба. Само натопете ги, исплакнете ги со чиста вода и оставете ги на страна да се исушат. Според некои извори на овој начин со помош на оваа мешавина од оцет и вода се уништуваат и до 98% од бактериите и пестицидите од површината на овошјето и зеленчукот.

Автор: Марина Иваноска Ружиновска

  Како да замрзнете брокула и да ги задржи корисните својства?

    Брокулата е неверојатен зеленчук кој изобилува со корисни материи во својот состав и е храна која е подогна и треба секојдневно да се внесува. Независно од нејзината сорта (дали има кратки или долги дршки), брокулата изобилува со витамин Ц, има антиканцерогени својства и растителни влакна, па затоа е добро да се замрзне и да се овозможи нејзина достапност во подолг период од годината. 

Прочитајте повеќе за брокулата тука, или дознајте како да ја употребите за да направите одлична супа од брокула. 

За замрзнатата брокула да ги задржи своите својства, се применуваат следните чекори:

Брокулата се сечка на погодни парчиња.

Се бланшира, така што се става во вода која врие на оган и се остава да стои така околу 3 минути. Тоа ќе ги спречи ензимите да ја расипат храната, а во случај кога планирате да ја изедете за пократок временски период, бланширањето може да се прескокне.

По бланширањето, брокулата која ја задржува својата убава зелена боја, се става во сад со мраз, за побрзо да се излади. Се остава неколку минути да поседи во мразот.

Исцедената брокула се става во ќеси за замрзнување.

Убаво затворена се става во замрзнувачот.

  Автор:  М-р Катерина Шамбевска

            Дознајте повеќе за авторот

  Освен што има убава, карактеристична и несекојдневна боја, црвената зелка е вистинско растително богатство. Има многу малку калории и голем придонес за здравјето на очите и заштита од канцери.

Во споредба со зелената зелка има малку погорчлив вкус и многу повеќе антиканцерогени состојки. Црвениот пигмент доаѓа од хемиските состојки наречени флавоноиди, додека остриот вкус се должи на сулфурните соединенија во нејзиниот состав.

Освен значајните флавоноиди, црвената зелка навистина изобилува со многу растителни влакна и витамини и минерали што ја прави многу корисна за целокупното здравје на консументот. Применувањето на црвената зелка во секојдневната исхрана може да го удостои вашиот организам со двојна количина на растителни влакна во споредба со голем број други зеленчуци. Нивното значење е големо бидејќи придонесуваат кон чувство на ситост и полн стомак, па се пожелни за губење на телесна тежина. Растителните влакна исто така ја блокираат абсорпцијата на холестеролот со што го штитат срцето од заболувања и го регулираат крвниот шеќер.

Од витамините најзначајна е количината на витаминот Ц, витаминиот А, витаминот Б6 и фолатите.

Дел од минералите во црвената зелка се есенцијални за организмот (неопходни), а такви се магнезиум, железо, калциум, цинк и фосфор. Како посебно вреден за внимание може да се издвои магнезиумот, од кој со изедена само една порција црвена зелка се обезбедува за организмот дури 10% од препорачливата дневна доза, а истиот е неопходен за правилно и добро функционирање на скелетната мускулатура, неуролошкиот и имуниот систем.

Се смета дека оваа зелка има највисока содржина на антиоксиданси од сите зеленчуци. Антиоксидансите го намалуваат ризикот од срцеви заболувања, оштетувањата на мозокот како Алцхајмерова болест и превенираат промени во структурата на ДНА под дејство на слободните радикали. 

Главен антиоксидант кој го има во црвената зелка е истиот онај кој е одговорен за убавата боја - флавоноидот цијанидин, кој има силно антиоксидантно дејство со што овозможува превенција од одредени видови на рак, го спречува растот и ги инхибира канцерогените клетки, а исто така помага во обновувањето на клетките кои се оштетени од карциногените.

      Автор: М-р Катерина Шамбевска

Дознајте повеќе за авторот

  Понекогаш модата може да биде и вкусно задоволство. Познатиот фотограф Fulvio Bonavia направи одлични креации за женски чанти во кои се инспирирал од овошјето и зеленчукот. Погледнете дел од неговите креативни фотографии!

        photo © Fulvio Bonavia

    Автор: М-р Марија Кочовска

Дознајте повеќе за авторот

  Ужината уште се нарекува меѓуоброк. 

Идеално време за овај меѓуоброк е помеѓу 16 - 18 часот во зимно време односно 17-19 часот во летно време.

Тоа се должи на функционирањето на нашиот метаболизам и тоа во попладневните часови најниско е нивото на излачување на инсулин, па сите органи работат со максимална сила. Таквата состојба допринесува за трошење на нашата целокупна енергија, а овај трошок на енергија доведува до замор. Затоа многу честo по физиолошки пат се користат и преместуваат резервите на протеини во организмот и сето тоа со цел да се компензира енергија и да се овозможи правилен метаболизам.

За да го спречиме овој трошок на протеини, добро е во попладневните часови да изедеме нешто благо, односно брзи шеќери кои претставуваат брз извор на енергија. На тој начин се спречува, трошењето на протеините и се релаксира организмот, а мозокот добива дополнителна енергија за беспрекорно функционирање.

Автор: Вики Стојановска